Gå til hovedindhold
103

Dette jobopslag er udløbet

Neqaarniaq/Tullersortinngorsinnaaneq periarfissaavoq Pisiffimmut Maniitsumut, Kalaallit Nunaat

INUITRecruitment aps Pisiffik Maniitsoq sinnerlugu neqaarniamik pikkorissumik pissarsiorpoq neqaarniallu ittuanut tullsortinngorsinnaaneq ilimanaateqarsinnaavoq. Naatsorsuutigaarput atorfimmut assingusumiit misilittagaqartutit, neqaarniatullu ilinniarsimasuusutit, suliannut annertuumik tulluusimaarinnittoq, nuannarinnilluartorlu, aammalu pisisartutta pitsaanerpaamik kiffartuunneqarnissaannut sulissuteqarusuttoq.

Pisiniarfissuuvugut mutiusoq pikkorissunik sulisulik. Neqaarniarfiup immikkoortortaqarfia nalinginnaasumik neqaarniarfiuvoq, pølseliorfiulluni, kissartunik nillertunillu nerisassiorfiulluni, ulluinnarnilu neqaarniap ittuanut attaveqartuussaatit.

 

Mestersvend-tut/neqaarniatut suliassanni pingaarnerpaat makkuupput:

  • Neqinik agguineq
  • Nioqqutissanik convenience-nik (nereriaannarnik) nioqqutissiorneq
  • Pølsenik aammalu pujuukkanik nioqqutissiorneq kiisalu pisiniarfimmi nioqqutissanik saqqummiussassanik pilersaarusiorneq
  • Pisiniarfimmi annerpaamik tuniniaanissamut nioqqutissiorneq, saqqummiineq
  • Pisiniarfimmi inerisaanissaq aammalu pisiniarfimmi susoqartitsinissaq
  • Neqaarniap ittua peqatigalugu immikkoortortaqarfiup inerisarneqarnissaa
  • Immikkoortortaqarfimmut ilinnullu iluatsittussamik pilersitsinissaq, suliassat takkussuuttut suliarinerisigut
  • Nioqqutissanik inerisaanissaq, tamannalu annertuumik periarfissaavoq nioqqutissanik nutaanik ulikkaarmat
  • Ullut tamaasa misissuineq/allattuineq (Egenkontrol)
  • Ullut tamaasa pitsaanerpaajunissatsinnut peqataaneq

 

Ilinnut naatsersuutigisagut:

  • Sungiussiasooq
  • Inuk tamatigut tamanik takunnissinnaasoq, sulianik assigiinngitsunik arlalinnik ataatsikkut ingerlataqarsinnaasoq
  • Tuniniaanissamut ilisimaarinnittoq
  • Qanoq iliuuseqarusussuseqartoq aammalu pitsaassutsimik ilisimaarinnittoq
  • Unneqqarissoq, aalajaatsoq, peqqissaarluni suliniartoq
  • Torerluinnartumik aaqqissuussamik suleriaasilik aammalu pitsaassutsimik maluginnissinnaasoq
  • Namminersorsinnaasoq aammalu ataqatigiissaarisoq
  • Ammasoq suliffeqarfimmilu sulisut assigiinngitsuunerinut akuersaartoq
  • Pissuserissaarnermut isummersornikkullu maligassiuisoq

 

Uagut neqeroorutigaarput:

  • Suliffeqarfik immikkuullarissoq, suleqatigiinnermik uukkatalik
  • Atorfik inuttut suliatigullu ineriartorfiulluarsinnaasoq
  • Sulisut suleqatillu pikkorissut
  • Akissarsiat pisinnaasat najoqqutaralugit
  • Pisiffik najugassamik ikiuussinnaavoq
  • Atorfininnermi- aammalu sulinngiffeqarnermi angalanissamut akiliuunneqarneq

 

  1. september 2019 imaluunniit isumaqatigiinneq najoqqutaralugu sulilerneq.
     

Atorfik pillugu annerusumik tusarniaagit, soqutiginnikkuillu attavigiuk Partner Inger Louise Østergård oqarasuaatikkut: +45 25478089

 

Qinnuteqarfissaq kingulleq ulloq 31. juli 2019.

 

Ugguuna qinnuteqarit: http://inuitrecruitment.gl/ledige-stillinger-2/?hr=show-job%2F45317%26locale%3Dda_DK

  

Pisiffik A/S Kalaallit nunaanni detailimi niuerniarnermi namminersortuni annersaavoq, pisiniarfiit 47-rut missaaniittut ingerlataralugit, sulisullu 750 missaaniittut sineriatsinni illoqarfinni annerni sulisoralugit. Pisiniarfiit makku ingerlataraagut Pisiffik, SPAR, Torrak Fashion, Elgiganten, Pisattat, Nota Bene, Web shop.gl, Akiki, JYSK kiisalu KK Engros. Pisiffik illoqarfinni ukunani nanissaavoq Qaqortoq, Nuuk, Maniitsoq, Sisimiut, Aasiaat aammalu Ilulissat