Gå til hovedindhold
103

Dette jobopslag er udløbet

"Ilaqutariinnik Aqqutissiuisoq” -tut atorfeqartussamik pissarsiorpoq / Allagarsiussap nr. 377/19

Kommuneqarfik Sermersooq pikkorissumik tunniusimasumillu Ilaqutariinnik aqqutissiuisumik, perorsaasumik tassumunngaluunniit assigusumik ilinniagalimmik pissarsiorpoq. Meeqqanut Ilaqutariinnullu Ingerlatsivik –iup immikkoortortaani.

Piaartumik sulilersussamik imaluunniit isumaqatigiissuteqarnikkut.

Meeqqanut ilaqutariinnullu sullissivimmi (børne,- og FamilieCenter BFC-mik) aamma taaneqartartumi Ilaqutariinnik aqqutissiusutut suleqataaffigissavatit, suleqatigiit ukuninnga inuttaqartut, katsorsaasut pisortaat, tarnip pissusiinik ilisimasallit marluk, inunnik isumaginninnermut siunnersorti ataaseq, kiisalu ilaqutariinnut aqqutissiusut marluk, kiisalu ilaqutariinnik aqqutissiuisartut marluk angalasartut. Meeqqanut Ilaqutariinnullu sullissivimmi sulliveqassaatit. Nuummi Holbølsvej 8 immikkoortortami pisortamut nalunaartartussaallutit.

Atorfik Ulloq naallugu suliffiuvoq sapaatip akunnerani akunnerit 40. Atorfik pilersinneqaqqammerpoq.

Nuummi Meeqqanut Ilaqutariinnullu Sullissivik ilaqutariinnik isumaginninnikkut ajornartorsiuteqartunut ilaqutariinnik katsorsaanermik isumaginninnermilu perorsaanermut tunngatillugu iliuusissanut akisussaasuuvoq. Kommuneqarfik Sermersuumi meeqqat sumiginnarneqartarnerisa pinaveersaartinnissaat suliassatta pingaarnerpaartaraa. Ilaqutariit tamakkiisumik peqataatillugit, nukissaqarneri aallaavigalugit ilaqutariillu iluanni avataanilu periarfissaat tunngavigalugit ataqatigiissaaraluta sulisarpugut.

Atorfiup imarisaa:
Nuummi ilaqutariit tarnikkut inuttullu atukkatigut ajornartorsiutillit nukittorsarniarlugit aamma pitsaaliorniarlugit/tapersersorniarlugit sullissivik ingerlavoq. Meeqqanut ilaqutariinnullu sullissivik ilaqutariit tamaasa ataatsimut isigalugit katsorsaasarpoq, aamma aaqqissuusaasumik tunngaveqarluni sullissivik sulisarpoq, tassa ilaqutariit taakkulu attaveqaataat tamarmik ilanngunneqartarput, kiisalu ilaqutariinni ataasiakkaani nukittuffiit periaasiallu qitiutillugit sulisarlutik.

peqataalluarsinnaasumik ataanilu makkunannga suliaqarluarsinnaasumik pissarsiorpugut:

  • Ilaqutariinnik siunnersuinerit katsorsaanerillu
  • Ilaqutariinnik naapeqatigiisitsinerit
  • Ilaqutariinnik suliaqarnerni isumaginninnermi perorsaanikkut suliniutinik suliaqarnerit
  • Ilaqutariinnut pulaartarnerit
  • Ilaqutariinnik oqaloqateqartarnerit
  • Nakkutiginninnerit misissueqqissarinerillu tunngavigalugit assigiinngitsunik suliallit katsorsaanissanik pilersaarusiornerannut peqataanerit
  • Illup iluani avataanilu suleqatigisat assigiinngitsunik suliallit suleqatigiinnerannut peqataanerit
  • Katsorsaasoqatigiinnut tunniussisarnerit suleqataanerillu aamma katsorsaanissamik neqeroorummik ineriartortitsinermut timitaliilluni suleqataaneq

Kikkut uku ujartorivut:

  • Perorsaasutut ilinniarsimasoq, peqqinnissaqarfimmi assistentitut, isumaginninnermi ikiortitut, småbørnskonsulent-itut, allatulluunniit isumaginninnermi suliaqarnissamut ilinniagaqartuumik.
  • Perorsaasutut aamma / imaluunniit isumaginninnermi suliaqartarnermit attuumassuteqartunik misilittagaqartumik.

Neqeroorutigisinnaavavut:

  • Suliffik soqutiginartoq unammillernartunik suliassartarpassualik
  • Suleqatit pitsaasut suliffimmilu suliffiup avatangiisai qitiutitsiffiusut
  • Suliatigut inuttullu ineriartornissamut periarfissat pitsaasut.
  • Suleqatinit ilinniartinneqarnissat atuartinneqarnissallu
  • Namminersorluni sulineq

 Pingaartipparputtaaq:

  • Aalajaatsoq, pitsaassutsimik pingaartitsisoq immikkuualuttullu ilanngullugit maluttarissoq
  • Uippakajaarani arlariinnik suliaqarsinnaasoq
  • Erseqqissumik tappissumillu allattariarsorlunilu oqaluttariarsorsinnaasoq
  • Nammineerluni sulisinnaasoq, akisussaassuseqartoq sullissiumatoorlu
  • Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
  • Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.
  • Nukittooq pilersitsiniallaqqissoq inissaqartitsiuartoq piumassuseqarluartorlu
  • Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq
  • Kisitsisilerillaqqissoq
  • Atituumik suleqateqarluarsinnaasoq
  • Qinnuteqartut marluinnik oqaasillit (kal/qall) piumaneqarnerupput

Meeqqanik pinerliisimannginnermut aammalu pineqaatissinneqarsimannginnermut uppernarsaat: 
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Ineqarneq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 377/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 3. juli 2019
Atorfininneq: Isumaqatigiinnikkulluunniit
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Kirsten Brandt Davidsen
Telefon: +299 366105
Mobil: +299 564948
Nittartagaq: http://www.sermersooq.gl
Qinnuteqaat nassiutiguk