Gå til hovedindhold
111

Dette jobopslag er udløbet

Tasiilami Meeqqanut Ilaqutariinnullu Ingerlatsivimmi aqutsisoq, Meeqqanut Ilaqutariinnullu Ingerlatsivik/ Atorfiup nr. 365/19

Isumaginninnermi siunnersortaavit aqutsisutut misilittagalik aamma meeqqanut ilaqutariinnullu tunngasut pingaartitaraagit?

Suliatigut aaqqissuusinermi pingaartumik inuttaaffigalugu sulerusuppit? Kommuneqarfik Sermersuup Meeqqanut Ilaqutariinnullu Ingerlatsivimmi Tasiilami oqartussaqarfimmut sullissinermullu tunngasumik pikkorissumik aqutsisussarsiorpoq.

Politikkikkut anguniakkanit isumaqatigiissut ”Kommuneqarfik Sermersooq – kommune illoqarfittut pingaarnersaqarfik siumukarfiusoq.  Siuariartorneq – Toqqissisimaneq– Inerikkiartorneq” meeqqanut ilaqutariinnullu tunngasunik ineriartortitsinissamut ukiuni sisamani tulliuttuni aallaaviussaaq. Meeqqanut ilaqutariinnullu atugarliortunut suliniutit annertuumik pitsanngorsaavigineqassapput.  Suliassami tassani pingaarnertut anguniagaassaaq inatsisit atuuttut naapertorlugit piffissaasukkut eqqortumillu suliamik suliaqartarneq.  Saniatigut meeqqanut ilaqutariinnullu pitsaaliuinermut oqaloqateqartarnermullu suliniuteqarneq ineriartortinneqarnissaa.

Meeqqanut ilaqutariinnullu tunngasut politikkikkut tamanillu annertuumik malinnaaffigineqartarput. Taamaattumik annertuumik malinnaaffigineqartumi sulilluarsinnaanerit pisariaqarluinnarpoq. Ulluinnarni unammilleruminaassinnaasunik suliaqarsinnaaneq tassanngaannarlu ajornartorsiortoqalernerani aaqqiissutissarsisinnaaneq piginnaasaqarfigissavat. Taamaammat tatituujusariaqarputit, suliamik ukkassisinnaasoq piumassuseqarluartorlu, soorlu aamma annertuumik akisussaaffimmik tigusisinnaasuussasutit..

Meeqqanut Ilaqutariinnullu Ingerlatsivimmi, Tasiilami Meeqqanut Ilaqutariinnullu Immikkoortumi inissisimassaatit, Tasiilamilu immikkoortortap ingerlatsisuanut kiisalu Oqartussaaffeqarfiup aammalu Pitsaaliuinermut Sullissinermullu immikkoortortani fagchefinut nalunaaruteqartassaatit. Kommunimi aqutsisoqatigiit, Tasiilamilu aqutsisut allat aamma Meeqqanut Ilaqutariinnullu Ingerlatsivik suleqatigilissavatit.

Atorfik ulloq aggustip ulluisa aallaqqaataanni atorfigineqalersinnaavoq imaluunniit isumaqatigiissusioqatigiinnikkut atorfigineqalersinnaalluni.

Naatsorsuutigaarput qinnuteqartoq:

  1. Aqutsisutut ilinniarsimaneq aammalu aqutsinermik misilittagalik, tassanilu politikkikkut aqunneqartumik aaqqissuusaasumik pisortaqatigiinni aqutsineq.
  2. Isumaginninnermi siunnersortitut ilinniarsimaneq, isumaginninnermut aqutsinermullu ilinniarsimaneq kiisalu katsorsaanermut tunngasunik ilinniagaqaqqissimaneq.
  3. Isumaginninnikkut, perorsaanikkut aammalu katsorsaanermut tunngasunik suliatigut ilisimasalimmik.
  4. Katsorsaariatsinut assigiinngitsunut ilisimasaqarneq, taamaasilluni eqqortumik katsorsaanissamut neqeroorutinut innersuussisoqartassammat.
  1. Aqutsisoqarfimmi angisuumi oqimaattumilu ineriartortitsisinnanermut ingerlatsisinnaanermullu pikkoriffeqarnermi uppernasaateqarneq;
  2. Aqutsisut akimorlugit aqutsisinnaanermut pikkoriffeqarneq aamma attanneqarsinnaasumik aqutsisoqarfimmini allanngortitsisinnaasoq.
  3. Suleqatigiikkuutaani assigiinngiiaartuni ataqatigiissaarillaqqissoq suleqatigiisitsisinnaasorlu.
  4. Sumiiffimmit allamiit aqutsinermi piginnaasalik.
  1. Aqutsinermut tunngasumik ineriartitserusussueqarlunilu piginnaasaqarneq
  2. Unneqqarissumik, tunniusimasumik anguniagalimmillu meeqqanut ilaqutariinnullu politikkikkut annertuumik salliutinneqartumik aammalu allaffissornikkut anguniakkat piumassuseqarfigalugit piginnaasaqarfigalugillu sulisinnaasoq.
  3. Tatituujusutit, sulerusussuseqartutit piumassuseqqortuujullutillu.
  4. Periusissiortartutut eqqarsarsinnaassaatit, inuttut tutsuiginartuuvutit sunniuteqarsinnaassuseqarluarlutillu
  5. Aaqqiissutissanik ujartuillaqqissoq ineriartortitserusuttorlu
  6. Allanut ataqqinnissuseqartutit, sulisunut, suleqatinut, suleqatigisartakkanut il.il. akuersaartuusutit.

Kalaallit Nunaanni inuiaqatigiinni pissutsinik ilisimasalik aamma kalaallisut oqalussinnaaneq iluaqutaassaqaaq.

Suleqatigiinnut aqutsisoq katsorsaavimmilu aqutsisoq peqatigalugit ulluinnarnu uku suliarisassavatit:

Oqartussaaffimmi isumaginninnermi siunnersortilimmi suleqatigiinnut aqutsisoq, sullissisut aamma angajoqqaarsianut siunnersortit, kiisalu allatsi.

Meeqqanik Ilaqutariinnillu Sullissivimmi katsorsaavimmi aqutsisoq, angajoqqaarsianut siornnersortit peqatigalugit, Inuusuttunut siunnersortit suleqatillu allat uku akisussaaffigaat:

  • Meeqqanik sullissisartutut angalasartoqatigiinnut ataqatigiissaarineq
  • Ilaqutariinnik siunersiueqatigiisitsineq
  • Meeqqanut Ilaqutariinnullu Sullissivimmi (BFC) ilaqutariinnut katsorsaaneq
  • Inuusuttunut siunnersorti:
  • Ilaqutariit inissiaanni suliaqarneq
  • Anaanat inuussuttut inaat
  • Qimarnguik

Neqeroorutigaarput:

  • Atorfik pissanganartoq tamatigoortorlu assigiinngitsorpassuarnik unammillernartulik annertuumillu sunniuteqarfiusinnaasoq.
  • Siunersiuineq.
  • Suliatigut inuttullu ineriartornissamut periarfissat pitsaasut.
  • Kalaallit Nunaanni illoqarfiit annersaanni najugaqarnissamut periarfissaq, kiisalu kitaani tunumilu illoqarfinnut nunaqarfinnullu allanut angalanissanut periarfissat.

Meeqqanik pinerliisimannginnermut uppernarsaat: 
Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik naalagaaffiup politiivinit meeqqanik pinerliisimannginnermut uppernarsaammik naammaginartumik kommunimi pissarsisoqareerpat aatsaat atorfinittoqarsinnaasoq, erseqqissaatigineqassaaq.

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamik inatsimmi pisussaatitaavoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerlussimannginnermut allagartaq politiinit tigoreernerata kingorna.

Akissarsiat atorfinitsitaanermilu atugassarititaasut:
Kalaallit Nunaanni Naalakkersuisut kattuffiullu allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.

Sapaatip akunneranut suliffissat 40 tiimiupput, Meeqqanut Ilaqutariinnullu Ingerlatsivimmi pisortap qaammammut 46.000 koruunit missaani akissarsiarisassavai.

Ineqarneq:
Atorfimmut atatillugu inissaqartitsisoqarpoq, taamaattumik qularnaveeqqummut ineqarnermullu, atuinermut il. il. akiliisoqartassaaq, matumanilu Kalaallit Nunaanni Namminersorlutik Oqartussat kommunillu Kalaallit Nunaanni illuutaannut tunngatillugu ineqarnermut akiliuteqartarnermut maleruaqqusat naapertorlugit akiliisarneq pisassalluni. Atorfininnermut atatillugu sulisorisanut inissiamik ataavartumik atugassiisoqarsinnaanngippat sulisunut utaqqiisaasumik inissiamik innersuunneqarsinnaatitaasunut utaqqiisaasumik inissiamik neqerooruteqartoqassaaq, tamatumani ineqarnermut akiliut, atuineq il.il. siuliani allassimasut naapertorlugit akilerneqartassallutik. Ineqarnermut, matumani atuinermut, il. il. tunngasut pillugit annertunerusumik paasisaqarusukkaanni, paasissutissat uani takuneqarsinnaapput: www.iserit.gl. 

Sulisunut inissamik piareersimasuuteqartoqarnera apeqqutaatillugu atorfininnissaq pissaaq.  Atorfininnermi angalanermut pequtillu nassiunnerinut malittarisassat atuuttut naapertorlugit sulisitsisoq akiliussissaaq.

Qinnuteqartarneq:
Qinnuteqaat atorfiup normuanik Job nr. 365 /19 ilisarnaaserlugu, ilinniagarisimasat aamma siornatigut suliffigisimasat pillugit paasissutissartalik aamma soraarummeernermi uppernarsaatit assilineqarnerannik il.il. ilalik qinnuteqaateqarnissamut killissarititaasup qaangiutinnginnerani Sulisoqarnermut Immikkoortortamit tiguneqareersimassaaq.

Imatut qinnuteqassaatit:
Qinnuteqaatit qarasaasiakkut tigujumaneruarput, uani quppernermi link aqqutigalugu tassanilu qinnuteqaatit CV-llu kakkiutissavatit.

 

Qinuteqaat tunniunneqassaaq kingusinnerpaamik: 28. juli 2019
Atorfininneq: Isumaqatigiinnikkulluunniit
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Martha L. Olsen
Telefon: +299 367322
Nittartagaq: http://www.sermersooq.gl
Qinnuteqaat nassiutiguk