Gå til hovedindhold
135

Dette jobopslag er udløbet

Royal Greenlandip Maniitsumi tunisassiorfia pitsaassusilerinermi aqutsisumut ernereernermi sulinngiffeqartussamut taartaasussamik sulisussarsiorpoq

Royal Greenlandip piumasaqaatai peqqinnissamut pitsaassusilerinermullu tunngasut malinneqarnissaasa qulakkeernissaannut tunisassiorfiup pitsaassusilerinermut immikkoortortaani aqutsineq akisussaaffigissavat.

Pitsaassusilerinermi aqutsisutut Maniitsumi tunisassiorfimmi tunisassiat pitsaassusaannik malittareqqiinissaq, nammineq nakkutilleeriaatsimik ineriartortitsineq attassinerlu aammalu tunisassiorfimmi nammineq misissuineq misissueqataanerlu pingaarnertut akisussaaffigissavatit.

Pingaarnertut suliassatit ilaatigut makkuussapput:

  • Pitsaassusilerinermut immikkoortortami ulluinnarni ingerlatsinermut tassanilu sulisunik aqutsinermut akisussaasuuneq
  • Immikkoortortami ullormut suliassat pillugit pilersaarusiorneq
  • Immikkoortortami sulisussat pillugit pilersaarusiorneq
  • Immikkoortortami ataavartumik pitsanngorsaasoqarnissaanik qulakkeerinninneq
  • Sulilersitsinermut soraarsitsinermullu akisussaasuuneq
  • Immikkoortortami piginnaasatigut ataavartumik ineriartortitsisoqartarnissaannik qulakkeerinninneq
  • Ilitsersuutit/najoqqutassat tunisassiorfimmi malinneqartussat naapertorneqarnissaannik qulakkeerinninneq
  • Isumannaallisaanermut malittarisassat atuuttut naapertorneqartuarnissaannik qulakkeerinninneq
  • Suleqatinut kajumissisitsineq maligassiuilluarnerlu
  • Immikkoortortaq pillugu missingersuusiornermi peqataaneq
  • Nioqqutissanik immikkoortortami ingerlatsinermi atugassanik pisiortorneq taakkulu pillugit missingersuutinik eqquutsitsineq
  • Naammagittaalliutinik suliarinninneq taakkununngalu akissutiliorneq
  • Maniitsumi tunisassiorfimmi ingerlatsisoq qullersarissavat

Piukkunnaatit piumasaqaatillu

Inuussutissanik tunisassiorneq namminerlu misissuineq misilittagaqarfigaatit attaveqatigiinnermullu atortunik (MS Officemik, sapinngisamillu SAP-imik) atuisinnaallutit. Tunisassioriaatsinik paasisimasaqarluarusuttarlutillu suliaqarfiginissaat soqutigisaqarfigaatit.

 

Makku aamma piukkunnaatigaatit:

  • Suliatigut tunngasumik tunuliaqutaqarputit soorlu suliffeqarfissuarni laborantitut imaluunniit inuussutissalerinermut tunngasumik ingerlaqqiffiusumik ilinniarsimasuuvutit
  • Aqutsisuuneq pikkoriffigaat
  • Attaveqaqateqallaqqipputit suleqatiginnissinnaalluarlutillu
  • Suliassaqarfinnut suugaluartunulluunniit atassuteqarsinnaallutillu inunnut tamanut atassuteqallaqqipputit
  • Aaqqissuulluakkamik suleriuseqarputit nammineersinnaassuseqarlutillu, ullunilu ulapaarfiusuni tamakkiisumik isiginnissinnaallutit
  • Qinnuteqartut marluinnik; kalaallisut qallunaatullu oqaasillit salliunneqassapput.
  • Minnerunngitsumillu qiimasuuvutit

Neqeroorutigaavut

  • Ilinnut isumaqatigiissutaasoq naapertorlugu piginnaasatillu aallaavigalugit akissarsiaqartitsineq
  • Kalaallit Nunaanni suliffeqarfinni anginerpaami atorfik pissanganartoq
  • Ullut suliffiit pissanganartut unammillernartorpassuarnik toraagassaqarfiusut suliffillu angalanissamut periarfissalik
  • Suleqatigiit ataqatigiilluartut
  • Pisariaqarpat sulisut inaannik innersuussaqarsinnaavugut
  • Pingortitami alutornarluinnartunik sulinngiffimmi misigisaqarnissamut periarfissat

Ernereernermi sulinngiffeqartussamut taartaasutut atorfik inuttassarsiuussarput pillugu paasisaqarnerorusukkuit tunisassiorfimmi ingerlatsisumut Susanne Marie Olsenimut sianerlutit allallutilluunniit attaveqarnissannut tikilluaqqusaavutit: +299 54 77 13, sumk@royalgreenland.com

Atorfik linki una iserfigalugu qinnutigisinnaavat: www.royalgreenland.com

Ulloq qinnuteqarfissaq kingulleq: 2019-imi juulip ulluisa aqqaneq-aappaat.

 

Royal Greenland pillugu uani annertunerusumik atuarsinnaavutit: www.royalgreenland.gl Royal Greenland suliffeqarfiuvoq Kalaallit Nunaanni sorlaqarluartoq. Aalisarnermi, tunisassiornermi aalisakkanillu pitsassuarnik nunarsuup sinneranut tuniniaanermi sulisuvut 1.800 missaanniipput. Suliffeqarfissuaq ullumikkut namminerisaminik kilisaataateqarpoq nutaalianillu suliffissuaateqarluni Kalaallit Nunaanni, Danmarkimi, Tysklandimi, Canadami Polenimilu. Danmarkimi, Tuluit Nunaanni, Tysklandimi, Frankrigimi, Italiami, Sverige Japanimilu tuniniaaveqarpugut.