Gå til hovedindhold
155

Dette jobopslag er udløbet

Upalungarsimanermut pisortamik tullersortimik / atorfiup normua 265/19

Aqutsisoorusuppit? Ineriartortitserusussuseqarpit? – peqatigitillugulu ulluinnarni ingerlatsinerup tamakkiisumik ingerlanissaata pingaaruteqassusia paasisimallugu?

Taamaappat Kommuneqarfik Sermersuumi Nuummi Qatserisartoqarfiani Upalungaarsimanermut pisortap tullersortaatut (pisortap tullia) atorfik soqutiginartippat.
Inatsit nutaaq ”Kalaallit Nunaanni annaassiniarnissamut upalungaarsimaneq aamma ikuallattoornissamik qaartoornissamillu pitsaaliuinermi iliuusissat pillugit Inatsisartut inatsisaat nr. 14, 26. maaji 2010-meersoq” atuutilerneranut atatillugu Nuummi Upalungaarsimanermut pisortap ikiortissaanik indsatslederinik atorfinitsitsisoqartussaavoq.

Kommuneqarfik Sermersooq piffissamik tamakkiisumik atorfeqartussamik Nuummilu inissisimasussamik Upalungaarsimanermut pisortassarsiorpoq (Pisortap tullia), piaartumik isumaqatigiinnikkulluunniit atorfininneq pissaaq.

Piginnaasatit:

  •  indsatslederitut ilinniagalik.
  •  Sanaartukkat pillugit sullissinermi ikuallattoornissamut teknikkimut tunngasumik ilinniarsimanissaq pitsaaqutaassaaq, piumasaqaataanngilarli.
  •  Kalaallit Nunaanni upalungaarsimanermut tunngasunik patajaatsumik ilisimasalik misilittagalillu
  •  Suliamut/allaffissornermut attuumassuteqartunik qarasaasiamik atuinissamut misilittagalik.
  •  Susassaqarfimmut inatsisinut maleruagassanullu tunngasunik ilisimasalik.
  •  Suleqatiginnikkusussusilik ulapaarnermilu tamakkiisumik takunnissinnaassuseqarnermik attassiinnarsinnaassusilik kiisalu suliffimmi marluinnik oqaaseqarfiusumi sulisinnaassusilik soorlu aamma suliatigut piginnaasaqarneq inuttulli piginnaasaqarnertulli pingaartutut isigineqartoq
  •  Atuuttumik biilersinnaanermut allagartalik

Atorfimmi akisussaaffinnut piginnaatitaaffinnullu tunngasut:

  •  Kommuneqarfik Sermersuumi upalungaarsimanermut pisortap peqannginnerani pisortaagallarneq.
  •  Kommuneqarfik Sermersuumi upalungaarsimanermut pisortap peqannginnerani annaassiniarnissamut upalungaarsimanermik akisussaaffeqarneq.
  •  Nuummi kiisalu Kapisilinni aamma Qeqertarsuatsiaani annaassiniarnissamut upalungaarsimanermik akisussaaffik.
  •  Sulisut amerlassusilerneqarnerat: qatserisartut 50-it missaaniittut
  •  Nammineq suliassanik aaqqissuussinissamut akisussaaffik.
  •  Upalungaarsimanermut pisortap peqannginnerani sulisunut akisussaaffeqarneq, tassunga ilanngullugit napparsimaneq pillugu sulinngitsoornernik, sulinngiffeqarnissanik pilersaarutinik il.il. malinnaaffiginninneq.

Ilaatigut suliassaqarfiit uku akisussaaffigalugillu suliassarissavatit:

  •  Upalungaarsimanermut pisortap peqannginnerani annaassiniarnermi upalunaarsimanermi ataqatigiissaarinissamik ulluinnarni aqutsineq, annaassiniarnissamut upalungaarsimanermut inatsimmi § 7 innersuussutigalugu.
  •  Upalunaarsimanermut pisortaq suleqatigalugu pingaarnertut annaassiniarnissamut upalungaarsimanermi ataatsimoorussamik upalungaarsimanissamut pilersaarusiorneq, tassunga ilanngullugu annaassiniarnissamut upalungaarsimasunik kalerrisaarinissamut pilersaarutip     nutarterneqartarnera. Suliffeqarfinnut illunullu ikuallattoornissamut ernunamaateqarsinnaasunut ornigunnissamut tunngasunik ataatsimiinnissamik pilersaarutit, annaassiniarnissamut upalungaarsimanermut inatsimmi § 21 innersuussutigalugu.
  •  Politiit suleqatigalugit annaassiniarnermut upalungaarsimasunik aallartitsineq.
  •  Iliniarnissamut aalajangersakkat atuuttut naapertorlugit upalungaarsimanermut ataqatigiissaakkamik sulisut ilinniartinneqarnissaat.
  •  Sanaartukkat pillugit sullissinermi ikuallattoornissamut teknikkimut tunngasunik suliaqarneq, allatut isumaqatigiittoqarsimanngippat.
  •  Ikuallattoorsinnaanermut misissuineq, annaassiniarnissamut upalungaarsimanermut inatsimmi § 29 innersuussutigalugu.
  •  Sungiusarneq tassunga ilanngullugu kommunip suliffeqarfiutaani sulisunik ilitsersuineq.
  •  Annaassiniarnissamut upalungaarsimanermut illunik ingerlatsineq aamma aserfallatsaaliinermit ataqatigiissaarineq, taassuma ataani kommunit upalungaarsimanermut qullersaqarfiat aamma sungiusarnermut atortut, annaassiniarnissamut upalungaarsimanermut atortut il.il.
  •  Atulersitsinermut akuersissuteqaqataaneq.
  •  Qatserutit il.il. ingerlanneqarnerinut aserfallatsaaliornerinullu akisussaaffeqarneq
  •  Pitsaaliuinermik suliaqarneq
  •  Suliarigasuagassanik suliaqarneq

Pineqaatissinneqarsimannginnermut uppernarsaat: 
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

(BOLIG)
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata atorfiup ilisarnaataa 265/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                                                     
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 3. juni 2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Alex Nørskov
Telefon: +299 367412
Nittartagaq: http://www.sermersooq.gl
Qinnuteqaat nassiutiguk