Gå til hovedindhold
114

Dette jobopslag er udløbet

AC-fuldmægtigimik pimoorussisumik pissarsiorpoq

Isumaginninnerup iluani suliniutinik inerisaanermik piviusunngortitsinermillu siunnerfeqarluni sulineq kajungeraajuk? Taamaappat atorfik una ilinnut naleqquppoq. 

Pitsaaliuinermut Isumaginninnermullu aqutsisoqarfik nutaamik, suliniutinik suliaqarnermik misilittagalimmik isumaginninnermut tunngatillugu allannguinernik pitsaasunik pilersitsinissamut soqutiginnilluartumik suleqatissarsiorpoq. Atorfik ilinniakat akimorlugit pitsaaliuinermut immikkoortumi PAARISAmi- ilaatigut periutsinik inerisaanermik ilinniagaqassuserlu tunngavigalugu kommunit pisortaqarfiillu allat qanimut suleqatigalugit, isumaginninnikkut iliuusissanik nutaanik suliaqarfiusumi aallaaveqarpoq. Ilinniakkat akimorlugit suliniutinik pisortanut innuttaasunullu saaffiginnittunik inerisaaneq immikkoortortami suliat qiteraat.

Atorfik
suleqatigiinnut pimoorussisunut isumassarsiniarneq, ataqatigiissaarineq, akuutitsineq piviusunngortitsinerlu pingaarnersiorlugit oqaatigisassartalimmut ilaalissaatit. Siunnerfeqarluni Meeqqat 0-18 år qulequtsiullugu suliniummik- tassalu pisortaqarfiit akimorlugit Pitsaaliuinermut Isumaginninnermullu Aqutsisoqarfiup, Ilinniartitaanermut Aqutsisoqarfiup Peqqissutsimullu aqutsisoqarfiup akornanni suleqatigiinnermik inerisaaneq piviusunngortitsinerlu, ilaatigut suliassarissavatit. Meeqqat 0-18 år qulequtsiullugu suliniummi meeqqat inuusuttullu tamarmik inuunerissuunissaat siunertaavoq. Meeraq inuusuttorlu pillugit paasissutissat pingaartut tammaqqunagit, meeqqat inuusuttullu inuunerissuunissaat ikorfartorniarlugu suliniummi, pisortaqarfiit akimorlugit suleqatigiinnernik ataqatigiissaarineq siusinaartumillu iliuuseqarnernik pilersitsineq suliniutaapput. Meeqqat 0-18 år qulequtsiullugu suliniutip saniatigut ilinniakkat tunngavigalugit sullissiviit allat ilaanni immikkoortortami suliniutaasuni- ilaatigut suliniutinut nakuusernermut kinguaassiuutitigullu atornerlugaanermut tunngasunik suliaqarnissamik- atorfik ilaqarportaaq.
 
Ilaatigut makku suliassarissavatit:

  • Suliniutinik politikkikkut akuersissutaasunik inerisaaneq piviusunngortitsinerlu
  • Suliniutinik aqutsineq
  • Ilinniakkat akimorlugit suleqatigiinnernik ataqatigiissaarineq
  • Ataatsimiinnernik, suleqatigiissuteqarnernik assigisaannillu pilersaarusiorneq periarfissiinerlu.
  • Allakkianik ilaatigut suliniutit pillugit nassuiaatinik, oqaaseqaatinik nalunaarusianillu suliaqarneq
  • Ilisimasanik katersineq ingerlatitseqqiinerlu
  • Malitseqartitsineq piviusunngortitsinerlu


Piginnaasatit
Suleqatissarsiorpugut:

  • Suliniutinik- inerisaanermilu suliaqarnermik misilittagalimmik
  • Isumaginninnermut tunngatillugu ilisimaarinnittumik soqutiginnittumillu
  • Allakkatigut oqaatsitigullu ingerlatitseqqiinermut piginnaasaqarluartumik
  • Naapertuuttumik ilinniagalimmik
  • Siunnerfeqarluni, misissueqqissaarluni nalinginnaanngitsumik eqqarsarsinnaasumik
  • Aaqqisuussamik periaasilimmik angusaqarusussusilimmillu
  • Pimoorussisumik inunnut assigiinngitsorpassuarnut suleqatiginnissinnaassusilimmik
  • Kalaallisut qallunaatullu oqaatsinik piginnaasaqarneq iluaqutaassaaq piumasaqaataanngilarli 

 
Pitsaaliuinermut Isumaginninnermullu Aqutsisoqarfik
Pitsaaliuinermut Isumaginninnermullu Aqutsisoqarfik Naalakkersuisut ataanni tallimanik ukuusunik immikkoortortaqarpoq: Pitsaaliuinermut immikkoortortaq PAARISA, Aningaasaqarnermut immikkoortortaq, Ulloq Unnuarlu Paaqqinniffinnut innersuussisarnermullu immikkoortortaq, Qitiusumik Siunnersuisarfik Allatseqarfillu. Immikkoortortat qanimut suleqatigiipput, suliffeqarfiuvorlu ilinniagaqassutsikkut unammilligassarpassuarnik neqeroorutissalik.
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Paasissutissat sukumiinerusut
Atorfik pillugu annertunerusunik paasisaqarusukkuit immikkut siunnersorti Karo Thomsen Fleischer emailikkut: katf@nanoq.gl imal. oqarasuaatikkut: +299 34 66 13 attavigisinnaavat.
 
Qinnuteqarfissaq kingulleq: 8. maj 2019 nal. 12.00 (Kalaallit Nunaanni nal. naapertorlugu)

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk