Gå til hovedindhold
108

Dette jobopslag er udløbet

Aqutsisoqarfimmi pisortaq

Pitsaaliuinermut aamma Isumaginninnikkut Pissutsinut Aqutsisoqarfik pisortaaffigerusuppiuk, aamma illit inuttut kajumissuseqalersitsisinnaavit aammalu piviusunngortitsisinnaallutit? Taamaassimappat immaqa illit tassaavutit aqutsisoqarfimmi pisortassarput nutaaq.
Isumaginninnermut, Inatsisinillu Atuutsitsinermut Naalakkersuisoqarfik 1. juni 2019 imaluunniit tamatuma kingorna piaartumik sulilersussamik, nutaamik aqutsisoqarfimmi pisortassarsiorpoq. Aqutsisoqarfimmi pisortatut Aqutsisoqarfimmi pisortatut qullersanngussaatit, taannalu Isumaginninnermut Inatsisinillu Atuutsitsinermut Naalakkersuisoqarfiup ataani aaqqissuussaanikkut immikkoortortaavoq.
Aqutsisoqarfik tallimanik immikkoortortaqarpoq, tassaasunik Ulloq unnuarlu paaqqinnittarfinnut inissiinissamullu innersuussisarfik, Qitiusumik Siunnersuisarfik, Allattoqarfik, Aningaasaqarnermut imikkoortortaqarfik kiisalu PAARISA (pitsaaliuinermik immikkoortortaq). 
 
Isumaginninnermut Aqutsisoqarfiup suliassai pingaarnerit ilaatigut tassaapput:

  • Peqqinnissap siuarsaaviginissaa pitsaaliuinerlu pillugit periusissanik politikkikkut akuerisanik piviusunngortitsineq
  • Peqqinnissap siuarsaaviginissaa, aamma pitsaaliuineq pillugit aamma isumaginninnermi suliatigut ilisimasanik nutaanik aqqutissiuineq
  • Peqqinnissamik siuarsaanikkut, pitsaaliuinikkut aamma isumaginninnermut tunngasunik nakkutiginninnikkut aammalu IT-kkut tapersersuineq
  • Ulloq unnuarlu paaqqinniffinnut suliassaqarfimmi aamma kommunit pisariaqartitaat naapertorlugit ulloq unnuarlu neqeroorutinik ineriartortitsineq
  • Isumaginninnermi suliatigut periaatsinik kommuninilu suleriaatsinik peqqinnissamik siuarsaaviusumik, pitsaaliuiffiusumillu ineriartortitsineq, ingerlatitseqqinneq nalilersuinerlu
  • Kommuninut peqqinnissamik siuarsaaviusumik, pitsaaliuiffiusumik isumaginninnermilu suliatigut siunnersuinermik suliarinnittarneq
  • Suliassaqarfiup politikkianik ineriartortitsineq piviusunngortitsinermillu tunngavissiineq, matumani

kommunit ingerlatsiviini suleriaasiannik tapersersuineq ineriartortitsinerlu

  • Tapiissutinut aaqqissuussat isumagineqarnerat ingerlatsivimmilu aqunneqarnerat

 
Aqutsisoqarfimmi immikkoortortaqarfinni pisortat peqatigalugit suliassaqarfimmi ataatsimoortumik ingerlatsinermut, ineriartortitsinermut, ataqatigiissaarinermut aningaasaqarnermullu pingaarnertigut akisussaasuuneq isumagisaraat. Aqutsisoqarfimmut ineriartortitsinermut siunnersuisooqatigiinnik pilersitsisoqarnikuuvoq, tassani ilaatigut kommunit sinniisoqarlutik.
Aqutsisoqarfimmi pisortaq toqqaannartumik Isumaginninnermut Inatsisinillu Atuutsitsinermut Naalakkersuisoqarfimmut Naalakkersuisoqarfimmi pisortaanerup ataaniippoq.
 
Akisussaaffeqarfiit 

Aqutsisoqarfimmi pisortap ilaatigut akisussaaffigai:

  • Suliffeqarfik tamaat pisortaaffigalugu
  • Kommuninut qanimut oqaloqateqartarnernik qulakkeerinninneq, taamaalilluni taakkua sulinerat sapinngisamik pitsaanerpaamik Aqutsisoqarfimmit tunngavissinneqassalluni
  • Aqutsisoqarfiup pilersaarutaasa, missingersuutaasa aamma siunnerfiisa aalajangersagaasut, aningaasaqarnikkut killissaliussat iluanni naammassineqarnissaat
  • Aqutsisoqarfiup periaatsinik suleriaatsinillu kommuninut ineriartortitsinera, ingerlatitsisarnera naliliisarneralu
  • Suliniutinik suliaqarneq piviusunngortitsinerillu, kommunit suliaannik peqqinnissamik siuarsaaviusunut pitsaaliuiffiusunullu tunngavissiisut
  • Nuna tamakkerlugu katsorsaanissamut neqeroorutit iluanni ingerlatassanut, sullissinernut pitsaassutsinullu siunnersuisut suliarinissaat malinnaaffiginissaallu, ilanngullugit angalasartoqatigiit, innarluutilinnut sullissivik aamma qimarnguiit kiisalu ulloq unnuarlu paaqqinniffiit.

Inuttut pissuseqarneq misilittakkallu
Aqutsisoqarfimmi pisortassarsiorpugut makkuninnga piginnaasaqartumik:

  • Kalaallit Nunaanni isumaginninnikkut pissutsinik sukumiisumik ilisimasaqarneq
  • Peqqinnissamik siuarsaanerup pitsaaliuinerullu iluanni peqqissutsimut tunngatillugu unammilligassanik sukumiisumik ilisimasaqarneq
  • Kalaallit oqaasiinut, kulturiannut aamma inuiaqatigiinnut tunngasunut sukumiisumik ilisimasaqarneq
  • Kommunit suliassaqarfiini misilittagaqarneq
  • Periusissatut pisortatut misilittagaqarneq aammalu ingerlaqqiffiusumik naleqquttumik ilinniagaqarsimaneq
  • Pisortat ingerlatsiviinit pisortatut misilittagaqarneq
  • Suleqateqarsinnaalluarneq aammalu angusaqarsinnaassuseqarneq kiisalu
  • Oqaatsitigut attaveqaqatigiinnikkullu pitsaasunik piginnaasaqarneq.

Makkuninnga piginnaaneqartariaqarputit:

  • Pisortaaqatigiit piumassuseqalersinnissaat isumassarsiortinnissaallu aammalu nuannersumik nutaaliorfiusumillu atugaqartitsinissaq aammalu allat siunnerfiusunik malersuisinnissaannut kaammattuineq.
  • Siunnerfissanik aalajangersaaneq, siumukarnerit uuttortartarneri aammalu pisariaqarpat iluarsiinernik iliuuseqarnernik aallartitsineq.
  • Allanngorfiunngitsunut unammillersinnaaneq taanna aqqutigalugu kulturimik pitsanngorsaajuarnissamut aamma "best pratice"-nut piareersimaffiusumut qulakkeerineq.
  • Inunnik pisariitsumik pissuseqarluni naapitsisarneq aammalu taakkua nutaanik periarfissarsiornissaannut aammalu qaffasissumik pitsaassusilinnik angusaqarnissaannut kajumissuseqalersitsisarneq.
  • Sulinermi sioqqusimaarisarneq nukissaqarluarnerlu, pisut ingerlatissinnaanerat peqatigisaanillu suliassarpassuarnik suliaqarsinnaaneq.
  • Ulluinnarni takorlooruminaatsunik unammilligassaqarfiusartumi eqqissisimalluni pissuseqarneq, aammalu sukkasuumik eqqarsaatigilluakkamilli aalajangiisinnaaneq.

Naggataatigut minnerunngitsumillu politikkikkut periaatsimut aamma pisortaqaternut suleqateqarnerni tatiginartuussaatit tutsuiginartuussallutillu.

Atorfininnermi atugassarititaasut
Aningaasarsianut atorfininnermilu atugassarititaasut, ilanngullugit atorfininnermi soraarnermilu akiliunneqarluni angalaneq aamma pigisat nuutinneqarnerat, piffissami atorfiniffiusumi Namminersorlutik Oqartussat aamma kattuffiup isumaqatiginninniarsinnaatitaasup pineqartup akornanni isumaqatigiissut/sulisartut isumaqatigiissutaat atuuttoq naapertorlugu pissapput. Ukiunut aalajangersimasunut isumaqatigiissuteqarluni atorfininneq pisinnaassaaq.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Paasissutissat annertunerusut
Atorfik pillugu paasissutissannik annertunerusunik piniarnissamut tikilluaqqusaavutit, Naalakkersuisoqarfimmi pisortaaneq Julie Præst Wilche saaffigalugu oqarasuaammut +299 346644 imaluunniit mail jprw@nanoq.gl

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk