Gå til hovedindhold
104

Dette jobopslag er udløbet

Innaallagisserinermut ilinniagalimmik ujaasivugut

 

Innaallagisserinermut ilinniagaqarpit aamma Kalaallit Nunaata kujataa pinnersorsuaq takorusuppiuk? Taava TELE-POST-mi sulilerit ineriartortitseqataallutillu.

 

TELE-POST ingerlavoq niuernermi pilersaarut angusaqarusussuseqartoq tunngavigalugu. Tassani anguniaagavoq ilaatigut pisisartut pitsaanerpaamik misigisaqartinnissaat kiisalu attavitta amerlisarnissaat nukittorsarnissaallu. Taamaattumik akisussaaffimmut imaannaanngitsumut pisariaqartippatsigit, Kalaallit Nunaata kujataani attaveqaqatigiinnikkkut atortutta ingerlanneqarneranut atatillugu. Qaqortumi immikkoortortaqarfitsinni allaffittaassaatit.

 

Atorfik:
Infrastrukturafdelingitsinni suleqataassaatit, tassani illit suleqatitillu pikkorissut arfineq-marluk immikkut najukkassinni illoqarfimmi suliasi ingerlattassavasi. Funktionschefi Nuummi qullersaqarfimmiittoq qaninnertut pisortarissavat. Ulluinnarni Qaqortumi innaallagissamut aqqutit ingerlanneqarnerat aserfallattaalinerallu suliarisassavatit. Piginnaanitit sumiiffinni allani pisariaqartinneqaraangata, taava illoqarfimmut, nunaqarfimmut allamulluunniit avinngarusimasumut angalatinneqartassaatit tele-sitesit suliariartorlugit.

 

Teknologit assigiinngitsut suliarisassavatit aamma misigiumaarpat piginnaanivit ineriartortuarnissaat kiisalu  suliat pisariusut nammineerlutit suliarisalernissaannut piginnaasatit ineriartortuarumaarput aamma uku akisussaaffiit iluini: 

 

  • Aserfallattaaliineq, kiffartuussineq kiisalu innaallagissamut aqqutini ajoqutaasunik nassaarsiorneq  ilanngullugu 48 Vdc ensretteranlæg, 230/400 V elanlæg, Automatisk anlæg, seqinernup qinngorneri iluaqutigalugit nukissiorfik, maskinat dieselitortut, tankillu, nillataartitsiviit/silaannarissarfiit, ikuallattoornissamut kalerrisaarutit, napparutit aamma antinnit il.il.
  • Atortunik titartaalluni pilersaarusiorneq ilannullugu innaallagissiorfiit, nillataartitsiviit/silaannarissartarfiit il.il. annertussusaannik uuttuisarneq.

 

Angalangaatsiartarnissat naatsorsuutigissavat (ullut 100-t missaani ukiumut) sivikinnerusumik sivisunerusumilluunniit. Angalatillutit annermik helikopterertassaatit suleqatit ilaaqatigalugu.

 

Illit ilisarnaatit:

Takorloorparput innaallagisserisutut imaluunniit el-installatøritut ilinniagaqartuusutit, ingerlatsineq aserfallattaaliinerlu misilittagaqarfigalugit aamma ajornanngippat atortunik titartaalluni pilersaarusiorneq.

Pingaartipparput akisussaassuseqarluni tunniusimallunilu sulinermik pingaartitsissasutit aamma pilersaarusiorluakkamik suleriuseqassasutit. Sulisinnaavutit nammineerluinnarlutit aamma angusassamik toraagaqarlutit, tassani ulluinnarni  suliassavit imai pilersaarusiortassavatit pingaarnersiortassallugillu qularnaarumallugu  Funktionschefimut isumaqatigiissutivit piviusunngortittarnissaat.  Kalaallisut, danskisut ajornanngippallu tuluttut allattariarsornermi oqalunnermilu piginnaaneqassaatit.

 

Neqeroorutigisinnaavagut:

TELE-POSTip neqeroorutigaa atorfit unammillernartoq sullivimmi ineriartortuartumi suleqatit pikkorissut tunniusimalluartullu akornanni.  Suliatigut inuttullu ineriartornissamut periarfissaqarluarpoq aamma piginnaanitit naapertorlugit akissaateqartinneqassaatit.

 

Soqutigaajuk?

Atorfik pillugu paasisaqarnerunissat soqutigigukku attavigikuttoorsinnaavat  Michael Gundel på tlf. +299 386340, e-mail mig@telepost.gl.

 

Qinnuteqarneq:

Uunga qinnuteqarit https://mkjobtelepost.azurewebsites.net/kl-GL/Application.aspx?VID=2019-04-02 , CV-t. TELE-POST-ip qinnuteqaatit takkuttut ingerlaavartumik suliarisarpai.