Gå til hovedindhold
104

Dette jobopslag er udløbet

Nuna tamakkerlugu innarluutilinnik sullissivissaq Pissassarfik timimik sungiusaasumik

Sullissivimmi nutaami, suliamik ilisimasaqassutsip ilisimasanillu paarlaasseqatigiinnerup pingaartinneqarfianni nuna tamakkerlugu innarluutilinnut tunngasutigut ineriartorneq sunneeqataaffigalugulu pitsanngorsaaqataaffigerusuppiuk? – Taamaappat immaqa tassaavutit suleqatitaassarput…
 
Ulloq atorfiniffissaq: 1. maj 2019 imaluunniit isumaqatigiissuteqareernikkut.
 
Atorfik pillugu
Nuna tamakkerlugu innarluutilinnik sullissivik Pissassarfik, aallarnisarneqaleruttortoq, ilutsimigut tunngavimmigullu nutaarluinnaavoq. Sullissivik siunertamut Sisimiuni nutaatut sanaajuvoq, Isumaginninnermut Aqutsisoqarfik.
 
Pissassarfik nuna tamakkerlugu nukissatigut katersuuffiuvoq, siunnersuisarnermik, ilitsersuinermik aamma innuttaasunik innarluutilinnik ataasiakkaanik sungiusaanermik suliaqassalluni – meeqqanut inersimasunullu. Saniatigut qanigisaasunut ilinniartitsinerit ilitsersuinerillu neqeroorutaasassapput. Sullissinerit pineqartut sullissivimmi imminermi innuttaasullu ataasiakkaat najugaqarfiini pisariaqartitsiffiusuni pisassapput. Innuttaasut mianerinissaat aamma innarluutilinnut tunngasut nuna tamakkerlugu inerisarnissaat pissutigalugit, pingaartuuvoq sullissiviup kommuninik suleqateqarnerata sapinngisamik qanimut inerisarluakkamillu pisarnissaa. Tamatumani pineqarpoq ilisimasanik paarlaasseqatigiinneq, siunnersuineq aamma kommunimi sulisunut anguniagaqarluartumik piginnaasanik inerisaanissamik neqerooruteqartarnissaq. Atorfik angalanertaqartartussaavoq, suliassat suliarineqartartussaammata sumiiffinni siunertamut naapertuunnerpaajusuni.
 
Sulininni sulianut assigiinngitsorpassuarnut akulerutsinneqartassaatit suliamut ilisimasatit iluaqutigalugit innuttaasumut sullissinermik pitsaanerpaamik angusaqarniarnermut peqataallutit., Suleqatinut ilisimasanik avitseqateqartarneq passussinissanullu pilersaarusianut ilusilersueqataanikkut.
 
Naatsorsuutigaarput:

  • Timimik sungiusaasutut ilinniarsimanissat
  • Passussinissamik pilersaarusiorlutillu passussisinnaanissat sungiusaanermillu suliaqarsinnaanissat
  • Kommuninut ammasumik ilusilersueqataasumillu attaveqateqarnernut peqataasinnaanissat
  • Innuttaasunut, qanigisaasunut sulianut aalajangersimasunut sulialinnut ilaallu ilanngullugit siunnersuilllutillu ilitsersuisinaanissat
  • Illit suliassaqarfippit iluani qularnaassagit, sullissiviup periutsit pitsaanerpaat malillugit suleriaaseqarnissaa, annermik inersimasunut tunngasutigut, tulliullugulu meeqqanut tunngasutigut
  • Atuisutut IT-mik ilisimasaqassasutit
  • Innarluutilinnik sullissinermik misilittagaqarsimasuuguvit iluaqutaasinnaavoq

Neqeroorutigivagut:

  • Atorfik pissanganartoq, neqeroorutip periutsillu nutaarluinnaap inerisarnerani sunneeqataaffigisinnaasat
  • Atorfiup imarisaata ulluinnarni periutsitut ilusilernissaanut oqartussaaqataaneq
  • Sulinermi avatangiisit, suleqatinit pikkorissunit unammilligassinneqarfigisatit, illillu taakkuninnga unammilligassiiffigisinnaasatit, imminullu unammilligassillutit
  • Suliffik inunnik innarluutilinnik angusaqartitsiffissatut pilersitaq, suliallu nalinginnaasumik suliatigut killiffigisanik qaffassaaffiusoq
  • Suliffik assigiinngissutsit pingaartinneqarfiat, sullivimmilu avatangiisit pimoorunneqarfiat

 
Sisimiut qaasuitsup killeqarfiata avannaatunginnguaniippoq, Kalaallit Nunaannilu illoqarfiup annersaata tulliulluni. Illoqarfimmi suut tamarmik pisulluni anguneqarsinnaapput. Illoqarfimmi meeqqanut inersimasunullu silami sammisassarpassuaqarpoq, immap killinganiippugut nunallu saqqaata tunuliaqutaa qaqqanit ungaluneqaqqalluni. www.qeqqata.gl –ikkut annertunerusumik atuarsinnaavutit
 
Paasissutissat annertunerusut
Atorfik pillugu annertunerusunik paasiniaaniaruit Sullissivimmi pisortaagallartoq Nûno Motzfeldt-Skovgaard attavigisinnaavat, tlf. +299 34 50 75  imlt. E-mail: nmsk@nanoq.gl atorlugit.

Namminersorlutik Oqartussani sulineq pillugu paasissutissarsiorusukkuit uani annertunerusunik paasissutissaqarpoq: www.naalakkersuisut.gl, ”atorfiit” ataanni.
 
Qinnuteqarneq
Inuttassarsiussinermi qinnuteqarfissaq ulloq kingulleq 29. april 2019 ilanngullugu.
 
Oqaloqatiginninnerit ilimagineqarpoq pissasut sapaatip akunnera 18, ingerlaavartumik oqaloqatiginnissinnaanitsinnut immitsinnut piginnaatippugut, toqqarluni oqaloqatigiinnertut imaluunniit videokonference atorlugu ingerlanneqassallutik.


Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk