Gå til hovedindhold
111

Dette jobopslag er udløbet

Atuisartoqarnermut Unammilleqatigiinnermullu Aqutsisoqarfimmi nutserisoq

Atuisartoqarnermut Unammilleqatigiinnermullu Aqutsisoqarfik avammut attaveqarnerit pitsanngorsarniarlugit nutserisussarsiorput.

Aqutsisoqarfiuvugut siammasissumik suliaqartartut, immikkullu ilisimasalinnik sulisoqarpugut taamaattumillu aamma oqaatsit aalajangersimasut atortarlugit. Unammilleqatigiinnermut, Atuisartoqarnermut Maalaaruteqartarfimmullu tunngasut suliarisarpagut aammattaaq kingullertigut Siusinaartumik pensionisiaqarnermut maalaaruteqartarfik suliarisalersimasavarput. Suliarisartakkatsinnilu taaguusersuutit annertunerusumik ineriartortissavagut. 2018-imi Maalaaruteqartarfimmiit suliat 587-it aalajangerneqarput.

Suliassaraatit:

  • Innuttaasunut oqartussanullu aalajangiinerit kukkunersiorlugit.
  • Naammagittaalliuutinik meeqqanut innarluutilinnullu suliat takussutissartai nukinginnartumik nutserlugit.
  • Tusagassiorfinnut nalunaarutit nittartakkatsinnilu qarasaasiatigullu attaveqaqatigiittarfiisigut nutaarsiassat atuaqqissaarlugit.
  • Qitiusumik allaffeqarfimmiittoq Nutserisoqarfik suleqatigalugu kiisalu Oqaasiliortut peqatigalugit taagusersuutit ineriartortinnissaannut ataqatigiissaarineq.


Naatsorsuutigaarput:

  • Ilisimatusarfimmi Nutserisutut Oqalutsitullu bacheloritut naammassisimassasutit.
  • Aaqqissuussaasumik sapiissuseqartumillu suliat salliussinnaagitit
  • Suliarisartakkatsinnut tunngasut nutserlugit misilittagaqarfigigitit
  • TMS review misilittagaqarfigigit.



Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat allat
Atorfiit pillugit suli paasisaqarnerorusukkuit ukua attaveqarfigisinnaavatit: Allattoqarfimmi pisortaq Nivi Frenderup-Strunz,  +299 34 28 50, nstr@nanoq.gl 

Atuisartoqarnermut Unammilleqatigiinnermullu Aqutsisoqarfik pillugu ugguuna qimerluuigit: www.aua.gl.

Kalaallit Nunaat aammalu Namminersorlutik Oqartussat sukumiinerusumik paasisaqarfigerusukkukkit ugguuna alakkerterit: www.naalakkersuisut.gl

Qinnuteqarneq
Piffissami qinnuteqaateqartut oqaloqatigineqartassapput.

Qinnuteqaatit qarasaasiakkut immikkut paasissutissartalerlugu nassiuguk.

Atorfiniffissaq
Atorfiniffissaq: Ulloq 1. maj 2019-i imaluunniit immikkut paaseqatigiinnikkut.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk