Gå til hovedindhold
109

Dette jobopslag er udløbet

Sulisoqarnermut siunnersortit / Atorfiup nr. 232/19

Nammineersinnaassuseqarpit aammalu tunuarsimaarnak eqeersimaartumik sullissinissat nuannaralugu?  Taamaappat immaqa illit Sulisoqarnermut Siunnersortitut suleqatissarivatsigit.

Kommuneqarfik Sermersooq Sulisoqarnermut kiffartuussivimmi piffissaq tamakkerlugu sulisartussanik Sulisoqarnermut siunnersortissarsiorpoq, piaartumik isumaqatigiissuteqarnikkut atorfinittussamik.

Sulisoqarnermut Kiffartussivik kiffartuussinermini pitsanngorsaaniarluni massakkorluinnaq suleriutsinik, sullisseriaatsiminik aammalu qarasaasiatigut atortorissaarutitigut sakkussaminik nutarsaaleruttorpoq, taamaattumillu sulisunik sungiuussiasunik eqeersimaartunillu suleqatissanik pisariaqartitsilluta.

Sulisoqarnermut siunnersortitut kommuunip aqutsisuinut annertuumik siunersiueqateqartartussaassaatit suliassaqarfimmut ersarissarluakkamut attuumassuteqarlutit. Naatsorsuutigineqarpoq aqutsisut suleqatigalugit aqutsisut sinniisaattut ajornartorsiutinik passusseqataasartuussasutit suliassaqarfiit arlallit iluini, soorlu sulisoqarnikkut suliat ilungersunartut, ineriartortitsinikkut pilersaarusiornerit, suliassaqarfinnut attuumassutilinnik isumaqatigiissutinik paasininneq nassuiaateqarneq il.il.

Sulisoqarnermut siunnersortitut ilaatigut naatsorsuutigivarput:

  • Kommuunip ingerlatsiviini aqutsisut suleqatigilluarneratigut kinguneqarluartussamik sulisoqarnikkut sulianik oqimaannerusunik passussisinnaassasutit.
  • Suliassanik ingerlatseriaatsit suleriutsillu pitsanngorsartuarnissaannut peqataanissat.
  • Sulisoqarnermut tunngatillugu apeqqutinut aammalu isumaqatigiissutit atuuttut naapertorlugit atorfeqartitaanikkut atugassarititaasunik akissarsiallu inissisimanerinut tunngatillugu aqutsisunik siunersiueqateqarsinnaassasutit, siunnersuisinnaallutit ilitsersuisinnaassasutillu.
  • Suleqatit peqatigalugit Sulisoqarnermut immikkoortortaqarfiup ineriartortitsinissamut atortuulersitsinissamullu suliassarpassuinik ingerlatsisinnaassasutit piviusunngortinnissaannullu aqqutissiuisinnaassasutit.
  • Suliniutinik nutaanik aallarniutissanillu tunniusseqataallutit peqataanissat.
  • Ingerlatsiviup ammasuunissamik, nutaaliortuunissamik pitsaassusilimmillu sulinissamik anguniagaqarneranut suliniaqataallutit peqataassasutit.

Qinnuteqarumut piumasaqaatit: 

  • Suliassaqarfimmut tunngatillugu qaffasissumik ilisimatusarnikkut assigusumilluunniit ilinniagaqarneq .
  • Sulisoqarnermut sulianik sulinikkut misilittagaqarneq.
  • Pisortaqarfinni sulisoqarnikkut inatsisinik isumaqatigiissutinilu ilisimasaqarneq .
  • Tunuarsimaarani sassarsinnaassuseqarluni eqeersimaartuussaaq, piuamassuseqqortuujullunilu sullissilluarusuttuussaalluni
  • Suleqatigiit akornanni aammalu sullitanut suleqatiginnissinnaassuseqartuussaaq
  • Qinnuteqartut marluinnik oqaaseqartuuguni (kalaallisut/qallunaatut) iluaqutaassaaq, piumasaqaataanngilarli

Neqeroorutigaarput:

Suliffik unammillernartoq imarisaanik sunniuteqaqataanissamut periarfissalik aammalu suliffimmi ineriartortumi ineriartorfiusumilu akisussaaffimmik annertuumik peqalerfiusinnaasoq.  

Akissaatinut atorfinitsitaanermullu tunngatillugit atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussat Kalaallit Nunaannilu kattuffiup isumaqatiginninniarsinnaatitaasup isumaqatigiissutaat atuuttut malillugit pissaaq. Atorfininneq qaammatini pingasuni misiliuteqaqqaassaaq.

Annerusumik paasisaqarusukkuit sulisoqarnermut kiffartuussivimmi pisortaangallartoq Salomon Blytmann attavigineqarsinnaavoq oqarasuaat 36 70 86-imut attaveqarnikkut.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Inissaqartitsineq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit.  

Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq.

Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:

Qinnuteqaatip ilisarnaataata Atorfiup normua 232/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq. Qinnuteqaatit takkussuuttut ingerlaannartumik nalilersorneqartassapput, aammalu qinnuteqarsimasut oqaloqatigineqarnissamut aggersarneqarsinnaasassallutik qinnuteqarfissatut ulluliussaq qaangiutinngikkaluartoq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik, ilinniarsimanermut uppernarsaatinik CV-millu nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat

 

 

Qinuteqaat tunniunneqassaaq kingusinnerpaamik: 26. april 2019
Atorfininneq: Isumaqatigiinnikkut
Suliffik: Nuuk
Paasissutissat allat uani piniarneqarsinnaapput: Afdelingsleder Salomon Blytmann
Telefon: +299 367086
Nittartagaq: http://www.sermersooq.gl
Qinnuteqaat nassiutiguk