Gå til hovedindhold
105

Dette jobopslag er udløbet

Royal Arctic Line A/S Nuummi værkstedimi aqutsisumik pissarsiorpoq

 

Mekanikeriuvit misilittagartooq anguniagaqartorlu, aamma avatangiisini persuarsiorfiunngitsuni ulapaarfiusumilu sulineq sungiusimaviuk? Taava Nuummi Royal Arctic Line A/S-ip værkstediani sulilernissannut maanna periarfissaqalerputit.

 

 

Nuummi terminaleqarfimmi piaartumik sulilertussamik værkstedimi aqutsisumik pissarsiorpugut. Teknikimut aqutsisoq aqutsisoralugu ulluinnarni værksteditsinni ulapaarfiusumi 12-inik sulisoqartumi aqutsisunngussaatit. Værkstedi pingaarutilerujussuuvoq umiarsuup piffissaq eqqorlugu angalanissaanut, naggataagullu sullitatta suleqatigisattalu naammagisimaarinninnissaannut uagutsinnut pingaaruteqaqisumut.

 

 

Suliassat tassaanerussapput:

  • Qitiusumik værkstedip Nuummiittup ulluinnarni aqunnera ingerlanneralu
  • Atortut assakaasullit iluarsartuunneqarnissaasa aserfallatsaalineqarnissaasalu pilersaarusiorneri, umiarsuaatileqatigiiffiup maleruagassiai naapertorlugit
  • Umiarsualivimmi atortorisat allat iluarsartuunnissaannut pilersaarusiornerit
  • Kalaallit Nunaanni umiarsualivinnut 12-iusunut kiffartuussinerit

 

Qinnuteqartumut naatsorsuutigisat:

Piginnaasat:

  • Mekanikeritut ilinniagaqarsimaneq – ajornanngippat entreprenørmekanikeritut
  • Aqutsinermik misilittagaqarneq iluaqutaassaaq, piumasaqaataananili
  • Atuisartutut qarasaasiamik (Microsoft Office Pakke) atuisinnaassaatit
  • Tuluit oqaasiinik sulinermut atatillugu atuisinnaaneq
  • Marluinnik oqaaseqartuuneq, kalaallisut/qallunaatut iluaqutaassaaq, piumasaqaataananili

 

Inuttut piginnaasat:

  • Immikkoortortaqarfiup suliassaqarfii tulleriiaarluakkamik suliarisarpatit
  • Sulisutit kajumissaarsinnaavatit ulluni ulapaarfiusuni aqutsisuullutillu soqutiginnilluartoq ammasorlu.
  • Ajornartorsiutinik aaqqeerusuttuuvutit suliallu ingerlariusiinik pitsanngorsaanissamut pisariaqartillugu suliniuteqarusuttuullutit

 

Neqeroorutigaavut

Suliffeqarfimmi avatangiisigissaartumi aallussisunik sulisoqartumi unammillernartunillu pissanganartunik suliassaqarfimmi atorfininneq. Suliffeqarfik niuernermi pissutsit malillugit akissarsiaqartitsisarpoq, atorfeqartitaanermilu atugassarititaasut allat pitsaasumik inissisimallutik. Suliffeqarfik atorfiniffigisassami aqutsineq, sulisunillu ineriartortitsineq pikkorissaanerlu ukkatarineqarput.

 

Pinerlussimannginnermut allagartaq

Qinnuteqartut tamarmik naammaginartumik pinerlussimannginnermut allagartamik takutittissapput.

 

Paasissutissat sukumiinerusut
Paasissutissat sukumiinerusut pissarsiarineqarsinnaapput Teknikimut pisortaq Høgni Müller +299 34 91 00-imut saaffigineratigut.

 

E-mailikkut qinnuteqaatinik tigusineq ajorpugut.

 

Atorfininneq: Sukkanerpaamik, qinnuteqartorli uagutsinnut tulluarneq utaqqisinnaavarput.

Qinnuteqarfissaq kingulleq: Ataasinngorneq 22. april 2019

Qinnuteqaatit: ingerlaavartumik suliarineqassapput

Oqaloqatiginninnerit: Nuummi ingerlaavartumik ingerlanneqassapput

 

 

Atorfik ugguuna qinnuteqarfigiuk