Gå til hovedindhold
106

Dette jobopslag er udløbet

Royal Arctic Line A/S Nuummi umiarsuani inuttaqartitsinermik immikkoortortaqarfimmi siunnersortimik pissarsiorpoq

 

Atorfik pissanganartoq unammillernartorlu imarsiornermi sulisutsinnut siunnersortitut, sulisoqarnermi immikkoortortaqarfimmi. Umiarsuarni inuttaqartitsinermut immikkoortortaqarfik Nuummi umiarsualivittaami inini nutaajusuni inissisimavoq.

 

Royal Arctic Linemi imarsiornermi sulisugut, imarsiornermi ilinniartut imarsiortunngorniallu ukkataraagut. Taamaammat imarsiornermi sulisoqarnermut immikkoortortaqarfitsinni pikkorissumik suleqatissarsiorpugut, Royal Arctic Linep qitiusumik allaffeqarfiani Nuummiittumi.

 

Suleqatigiligassarput imarsiornermi sulisoqarnermut immikkoortortaqarfimmi suleqatigiit eqimattattut nukittuut akornannut inississaaq, Fleet Managementimi sulisut aamma suleqatigilissallugit.

 

Suliassaqarfitit unammillernartullu:

Ulluinnaat pissanganartut unammilligassanik ulikkaartut allanngorartullu iserfigissavatit.

 

Pingaarnertut suliassatit ilaatigut makkuussapput:

  • Umiarsuit inuttaqarniarnerannik qulakkeerinninneq
  • Imarsiortutut sulisunut tunngatillugu suliassanik sulisoqarnermut tunngasunik naammassinninneq – umiarsuaatileqatigiiffimmi imarsiortunut attaveqaataavugut, saaffiginnissutillu tamaasa isumagisarlugit.
  • Umiarsuarni sulisutsinnut pikkorissarnernik pisariaqartitanik ataavartumik qulakkeerinninneq
  • Angalanissat tungaasigut aaqqissuussineq malittarinninnerlu umiarsuarmi sulisunik paarlaattoqartillugu, ilinniarnermut atatillugu aammalu pikkorissartoqassatillugu.
  • Akiligassat Axapta atorlugu isumagineri
  • Atorfinitsitsineq sulisunillu ineriartortitsineq
  • MTU-p malitseqartinnissaat

 

Illit tunuliaqutarisallu

Piginnaasat:

  • Sulisoqarnermut allaffissornermik suliaqarumavutit
  • Ilinniartuuteqarneq ilinniartitaanerlu suliarissallugit soqutigisarivatit
  • Sullisserusussuseqartuuvutit, aporfinnut aaqqiissuteqarumatuujullutit torersumillu suleriuseqartuullutit.
  • Umiarsuarni suleqativit sullilluarnissaat pingaartippat, ulluinnarnilu inuppassuarnut attaveqartarnissaq sungiusimallugu
  • IT-mik atuilluarsinnaavutit ilinniarumassuseqarlutillu nalimmassarsinnaassuseqartuullutit ingerlariaatsinut nutaajusunut
  • Imarsiornermut sulisoqarnermulluunniit attuumassutilimmik tunuliaquteqarsinnaavutit
  • Iluaqutaassaaq kalaallit qallunaallu oqaasii oqaluttariarsornermi allattariarsornermilu naligiimmik atorsinnaagukkit

 

Inuttut piginnaasat:

  • Tatiginninnermik pilersitsiasuuvutit, iliuuseqarumatuujullutit qiimasuullutit inuttullu paasinnissinnaassuseqarluarlutit.
  • Saqqummerninni soqutiginnippasittuullutillu ammasoorpasittuuvutit, namminersorsinnaassuseqarluartuullutit immikkoortortamilu suliassaqarfiit assigiinngitsut torersumik suliarisinnaallugit.

 

Neqeroorutigaavut

Suliffeqarfimmi avatangiisigissaartumi aallussisunik sulisoqartumi unammillernartunillu pissanganartunik suliassaqarfimmi atorfininneq. Suliffeqarfik niuernermi pissutsit malillugit akissarsiaqartitsisarpoq, atorfeqartitaanermilu atugassarititaasut allat pitsaasumik inissisimallutik. Suliffeqarfik atorfiniffigisassami aqutsineq, sulisunillu ineriartortitsineq pikkorissaanerlu ukkatarineqarput.

  • Atorfik ulluinnarni pissanganartoq unammilligassartalillu
  • “Sullitanut” ulluinnarni attaveqarneq – imaani suleqatigisannut
  • Immikkoortortaqarfimmi suleqatit pitsaasut pingasut – imarsiortullu 200-niit amerlanerit suleqatigisassat
  • Akisussaaffeqarnissamut suliassanillu namminersuutiginninnissamut periarfissaqarluartoq
  • Nunami immikkoortortaqarfinnut allanut qanimut attaveqaateqarneq
  • Akissarsiat atorfimmullu atatillugu atugassarisat orniginartut

 

Paasissutissat sukumiinerusut
Paasissutissat sukumiinerusut pissarsiarineqarsinnaapput pisortaq, Hans Peter Poulsen +299 34 91 80-imut saaffigineratigut.

 

Atorfininneq: Sukkanerpaamik, qinnuteqartorli uagutsinnut tulluarneq utaqqisinnaavarput.

Qinnuteqarfissaq kingulleq: martsip 31-iat 2019

Qinnuteqaatit: ingerlaavartumik suliarineqassapput

Oqaloqatiginninnerit: Nuummi ingerlaavartumik ingerlanneqassapput

 

Atorfik ugguuna qinnuteqarfigiuk