Skip to main content
145

Dette jobopslag er udløbet

VISIT GREENLANDI SOCIAL MEDIA MANAGERISSARSIORPOQ

Kalaallit Nunaata takornariarfissatut pilerinassusaanik annertusaaqataarusuppit? Oqaluttuanik nuannersunik SoMe-milu imassanik allannermik nuannarisaqarpit?

Visit Greenland maanna Social Media Manageritut atorfeqartussamik suleqatissarsiorpoq. Suleqatitit peqatigalugit imassat ataqatigiissaartassavatit pilersillugillu, ataatsimoorfinnik (communities) pilersitsinerit nutarterinerillu, kiisalu attaveqaqatigiinnermi suliassat naleqquttut allat isumagisassallugit. Social Media manageritut atorfinikkuit Visit Greenlandimi attaveqaqatigiinnermik suliallit pikkorissut piumassuseqartullu suleqatigisassavatit.

Neqeroorutigaarput:

  • Akisussaaffiit ataanni suliassat tamatigoortut unammillernartullu, suliassallu tungaatigut kiffaanngissuseq annertooq.

  • Sulianut tunngatillugu inuttullu piginnaasanik ineriartortitsinissamut unammillernissamullu periarfissat pitsaasut.

  • Suliat oqaluttuarnissamut, attaveqaqatigiinnissamut pilerisaarinermullu tunngasut pissanganartut.

  • Isumassarsianik piviusunngortitsinissamut periarfissat.

  • Suliffeqarfik nuannersumik ataqatigiiffiusoq.
    Nunap iluani avataanilu attaveqarluarneq.

Naatsorsuutigaarput:

  • Sulinermi sociale medialerineq misilittagaqarfigissavat – pilersaarusiorneq, ataatsimoorfinnik aqutsineq (community management), nittarsaaneq nalunaarusiornerlu.

  • Ukunani attaveqarfinni suliaqarneq misittagaqarfigalugu: Facebook, Instagram, Linkedin, TikTok.

  • Kusanartunik takunnilluarsinnaasoq nuannersunillu oqaluttuarusussusilik.
    Sociale medianut tiguartinnartunik allassinnaanermik misilittagalik.

  • Takornariaqarnerup, attaveqaqatigiinnerup imaluunniit sociale medianut tunngatillugu naleqquttumik ilinniagaqarsimanissaq.

  • Kalaallit Nunaannut ilisimasaqassuseq takornariaqarnermilu sulinermut paasisimasaqassuseq.

  • Suliatigut tuluttut oqaatsinik atuisinnaaneq. Kalaallisut imaluunniit qallunaatut oqaatsinik atuisinnaaneq aamma pitsaaqutaassaaq.

Qinnuteqarneq
Social Media Managerimik 2023-p aallartinnerani atorfinissinnaasumik ujarlerpugut. Taamaakkaluartoq suleqatissaq eqqortoq utaqqisinnaavarput.

Malugiuk qinnuteqaatinik nassutsikkaangatta isumagisassagatsigit. Qinnuteqaatit piaartumik uunga nassiuguk: rosa@visitgreenland.com

Akissarsiat atorfininnermilu atugassarititaasut atorfiup inummut aalajangersimasumut piumasaqaataanut naapertuutissapput. Atorfik Nuummiippoq.

Attavissaq
Atorfimmut tunngatillugu apeqqutissaqaruit Attaveqaqatigiinnermi Pisortaq, Rosannguaq Rossen emailikkut attavigisinnaavat rosa@visitgreenland.com imaluunniit oqarasuaatikkut 52 68 82

Visit Greenland pillugu
Visit Greenland Kalaallit Nunaanni takornariaqarnikkut ineriartortitsinermi nuna tamakkerlugu aaqqissuisuuvoq 100%-imillu Naalakkersuisut ataanniilluni. Visit Greenlandip Kalaallit Nunaat takornariarfissatut nittarsaattarpaa, pilerisaarinikkut tuniniaaffinnillu ineriartortitsinikkut – nunat tamalaani Kalaallillu Nunaanni soqutigisaqaqatigiit suleqatigalugit.

Suliffeqarfik pillugu uani paasisaqarnerugit.