Skip to main content
133

Dette jobopslag er udløbet

VISIT GREENLAND A/S-IMI PISORTAQ

Suliffeqarfiup takorluuisinnaasup, nutaanik pilersitsisinnaasup Kalaallillu Nunaanni inuiaqatigiinni pingaaruteqarluinnartup pisortaaffiginissaanut kajumissuseqarlutillu piginnaasaqarpit? Najugalinnut peqataatitsinissamik piginneqataassusermillu qulakkeerinninnermik misilittagaqarpit piginnaasaqarlutillu? Taamaappat immaqa illit ujarpatsigit!

Kalaallit Nunaanni takornariaqarneq pissanganartumik inissisimavoq, Kalaallimmi Nunaata ornitassatut soqutigineqarnera annertuvoq. Atortulersuutitigut aaqqissuussaaneq nutaaq aggersoq Kalaallit Nunaanni takornariaqarnerup ineriartornissaanik immikkut ittumik periarfissiivoq – maanilu sunniuteqaqataanissannut periarfissatsialammik tunineqassaatit!

Visit Greenlandip suliassaa pingaarneq tassaavoq takornariaqarnermik inuussutissarsiornerup piujuartitsisumik ineriartortinnissaanut tapersiinissaq, Kalaallit Nunaatalu ornitassatut pilerinarsarnissaa – takornariaqarnerup nuna tamakkerlugu iluaqutaanissaa anguniarlugu. Tamanna takornariaqarnermik inuussutissarsiortut, nunap immikkoortuini takornarialerisut, suleqatit attuumassutillit Naalakkersuisullu qanimut suleqatigalugit suliassaavoq.

Taamaattumik pisortamik pimoorussisumik maligassiuisumillu ujarlerpugut, Kalaallit Nunaanni takornariaqarnerup piujuartitsisumik ineriartortinnissaanut takorluuisinnaasumik, kiisalu ingerlatsinermik peqataatitsisumik ineriartortitsisumillu pikkoriffilimmik ujarlerpugut.

 

Neqeroorutigaagut:

  • Suliffik tamatigoortoq unammillernartorlu, suliamut tunngatillugu inuttullu ineriartornissamut periarfissiisoq.

  • Kalaallit Nunaanni takornariaqarnerup piujuartitsisumik ineriartortinnissaanut annertuumik sunniisinnaaneq.

  • Suliffeqarfik nunani tamalaaneersunik, pikkorissunik pimoorussisunillu sulisulik.

  • Suliffeqarfimmi nammineq sunneeqataanissamut periarfissaq.

  • Pilerisaarinermi sumiiffimmilu takornariarfissamik ineriartortsinermi suliassat pissanganartut.

  • Takornarialerisunik, suliffeqarfimmik piginnittunik, nunani tamalaani soqutigisaqaqatigiinnik suliffeqarfinnillu attaviit annertuut.

Suliffimmut tunngatillugu naatsorsuutigaarput:

  • Naleqquttumik ilinniagaqarsimaneq imaluunniit takornariaqarnerup iluani tunuliaquteqarneq.

  • Kalaallit Nunaanni inuiaqatigiinnut takornariaqarnermullu ilisimasaqassuseq paasisimasaqassuserlu.

  • Avatangiisini assigiinngitsorpassuarni oqaasissaminik oqimaalutaallaqqissoq.

  • Pilersaarusiorluakkamik attaveqaqatigiinnermik periusissamillu ingerlatsinermik naammassinninnermillu misilittagalik.

  • Ulluinnarni ingerlatsinermik allaffissornermillu qulakkeerisinnaaneq.

  • Takornariarfissamik ineriartortitsinermut pilerisaarinermullu piginnaasalik.

  • Suliniutinik aqutsinermut pisortaanermullu piginnaasalik.

  • Aningaasaqarnermut paasisimasaqassuseq.

  • Nutaaliornissamut takorluuisinnaanermullu piginnaasalik naammassinninnissamullu ukkatarinnissinnaasoq.

  • Kalaallisut, tuluttut qallunaatullu oqalussinnaasoq

Inuttut naatsorsuutigaarput:

  • Ataqatigiissillugu aaqqissuussinermut misissueqqissaarnermut naammassinninnermullu piginnaasalik.

  • Nutaaliullaqqissoq, misiginneqataasinnaasoq pilersaarusiorsinnaasorlu.

  • Inuussutissarsiorfimmi allaanngorartumi takorluuisinnaasoq.

  • Inunnik nalunnginnilluartoq attaveqarfinnullu attaveqaqatigiinnermut pikkorissoq.

  • Kajumilersitsisinnaasoq, isumassarsititsisinnaasoq pimoorussinermillu pilersitsisinnaasoq.

  • Kalaallit Nunaanni takornariaqarnermik ineriartortitsinissamut kajumissusilik, sumiiffimmi ineriartortitsinissamut nunanilu tamalaani takornariaqarnermi ilanngussorfigineqartunik nalunnginnittoq.

Suliffeqarfimmi nutaaliorfiusumi allanngorartumilu atorfininnerup saniatigut angalasarnissat naatsorsuutigissavat Nuummilu najugaqassallutit. Akissarsianut atorfimmullu atugassarititaasunut tunngatillugu, atorfimmi piumasat ataasiakkaanullu atugassarititaasut naapertorlugit neqeroorfigineqassaatit.

september 2022-mi kingornatigulluunniit sukkanerpaamik atorfinittussamik pisortassarsiorpugut.

Paasisaqarnerorusukkuit siulersuisuni siulittaasoq Anette Grønkjær Lings attavigisinnaavat anette@hotelsisimiut.gl imaluunniit +299 52 76 16.

Qinnuteqaatip nassiunnerani CV, ilinniarsimasanut uppernarsaatit, oqaaseqaatit, saaffissat il.il. Visit Greenlandimut kingusinnerpaamik sisamanngorneq 14. juli nal. 12.00 apunneqarsimassapput. Qinnuteqaat ugguuna nassiutissaaq anette@hotelsisimiut.gl.