Imarsiornermik sillimaniarnermi radiokkut sillimaniarneq peqataaffigerusuppiuk?

Aasiaat Radio ulluinnarni Kalaallit Nunaata sineriaata imartaani angalanerit isummannaannissaat anguniarlugu suliaqartuupput. Aasiaat Radioa ulloq, unnuarlu taamatussaaq nalliuttuni sulisoqartuaannarpoq, soorlu juulli, ukiutoqqamilu aammattaaq unnuani sulisoqartarpoq.

Ulluinnarni suliassat allaffissortuupput taamaammat pingaaruteqarpoq arlariinnik oqaaseqartuunissaq, allassinnaanissarlu tuluttut, qallunaatut, kalaallisullu nutsigassaqangaatsiartarsinnaavoq.

Tutsarissuussaatit, tusarnaarasuartaatsit atorlugit malinnaasinnaallutit, ulluinnarni Kullorsuarmiik  Tasiilap avannaata kujataatalu sineriaa VHF-kkut malinnaaffigisarparput. Sineriammilu 300 sømil Radio maligaasaat atorlugit malinnaaffigaarput.

Angallammiit oqaatsit atorneqartut attaveqatigiinnermi aaliangiisuusarput.

Imaani angallannermi isumannaallisaanermi attaveqatigiinnermi uku suliassaapput.

• Umiarsuaq ajornartorsiortoq
• Motorerlioneq umiarsuami angallatinilu.
• Imaani ujaasineq
• Isumannaallisaanermi nalunaarutit soorlu;
  • Anorersuaq; anorsarik; aammalu sermernarnissaanut aarlerisaarut
  • Sumiissusersiornermi aarlerisaarutit
  • Sillimaniarnermi nalunaarutit
• Umiarsuarmiit attaveqartut akisarlugit
• Immikkut kiffartuusisut 112 aamma 130 telefonia isumagalugu

TNI HK-mi ilinniagaqarsimasoq, assingusumilluuniit siornatigut suliaqarnermik misilittagaqarnissat. Ulluinnarmi allaffissornermi suliassanik ilisimasaqarnissaat cumputerimut atortunik ilisimasarnissat pisariaqartipparput. Radiorsorsinnaanermut allagartaq pigisinnaavat. Radiorsornerup iluani allagartat pisariaqartinneqartut taamaattoq kingorna pissarsiarineqarsinnaapput, sapaatip akunneri pingasut sisamalluunniit ilinniartinneqarnermut atatillugu.

Ineqarneq

Atorfik inissaqartitsivoq, pisatsersorneqanngitsumik, maleruagassat malillugit qularnaveeqqut ineqarnermullu akiliisoqassaaq. Atorfigilikkamut attuumassusilimmik initaartoqarpat atorfigisaq qimaleraanni inigisaq qimanneqassaaq inatsisit malillugit.

Atorfik soqutigigukku paasissutissanillu allanik pissarserusullutit, taava Attaveqartitsinermut pisortaq Nanna Sandgreen tlf. 38 69 79-imut attavigisinnaavat imaluuniit Mailersinnaavutit nsa@tusass.gl

Atorfinitsitsineq pissaaq Naalakkersuisut aammalu Radiotelegrafistforeningen af 1917-ip, www.raf1917.dk, akornanni isumaqatigiissutit imaluunniit Naalakkersuisut aammalu Sulinermik Inuussutissarsiuteqartut Kattuffiata, www.sik.gl, akornanni isumaqatigiissutit naapertorlugit.

Naatsorsuutigaarput atorfinittoqarsinnaasoq majip aallaqqaataani immaqaluunniit isumaqatigiittoqareerpat.

Qinnuteqarniaraani qinnuteqaammik, CV-mik allagartallu naleqqutunik imaqassaaq, linkelu https://www.tusass.gl/atorfiit/job/?id=2023-01-05 aqqutigalugu nassiunneqassalluni.  Tusassip qinnuteqaatit nassiunneqartut ataavartumik suliarisassavaat.