Skip to main content
163

Dette jobopslag er udløbet

Sullitanut Aallakaatitsivimmut immikkoortortami aqutsisoq

Suliamik ilinniarsimanermik tunuliaqutaqarluarpit sallersaallutillu ingerlatsineq nuannaraajuk? - Suleqatit pikkorissut tallimat immikkoortortami aqutsisussarsiorput.

 

Kalaallit Nunaanni telekkut attaveqatigiinniarnermi pilersuinermi qulakkeerinninnissaq pingaaruteqarluinnarpoq tamannalu attaveqaatitigut ineriartortoqarnissaanut ingerlatsinissamullu piumasaqaatinik annertuunik pilersitsivoq.

 

Aallakaatitsinermut immikkoortortaqarfimmi illit suleqatitillu suleqatigissavasi suleqatigiit Nuummi, Kujataani Avannaanilu inissisimasut katillutillu 24-iusut. Immikkoortortaqarfimmi aqutsisutut pingaarnertut aqutsisuuffigissavatit sinerissami timmisartunilu radiokkut attaveqaatit aammalu DVT-kkut TV-mi FM Radiomilu aallakaatitsiviit inerisarneqarnissaat ingerlanneqarnissaallu. Imaani sillimaniarneq arlaatigullu imaani ajutoortoqartillugu pinasuartumik ikiuussinnaaneq eqqarsaatigalugu attaveqaatini mianernarnerpaat tassaapput sinerissami radio kiisalu sakkortusaaviit.

DVB-T FM-ilu TV-kkut radiokkullu aallakaatitsinerinnarmi atunngillat, nunali tamakkerlugu upalungaarsimanikkut kiffartuussinermi aamma atorneqarlutik.

 

Aallakaatitsinermut immikkoortortami Atuisunik Sullissivik sullitatsinnut aallakaatitsinermik ingerlatsiviugami immikkoortortanik niuernermik suliaqarfiusunik qanimut suleqateqarpoq. Immikkoortortaq ineriartortitsinermut peqataalluartuusoq, suliani Kalaallit Nunaanni systeminik ilanngutsitsisoqassatillugu ikkussuisoqassatillugulu sulianik piginnittutut peqataasarpoq.

 

Allakaatitsinermut immikkoortortami atuisunut sullissivik aquttuuffigissavat -  qaqqanit qaaviniit Nuummilu allaffimmiit

 

Suliassatit pingaarnertut Nuummi allaffinni suliarisassavatit sulinerpilli 15 %-iata missaani sakkortusaaveqarfinnik suliaqariartortunut angalaqataanernut aamma atortassavat. Timmisartuaqqanut qulimiguulinnut teknikereqatitillu ilaallusi qaqqat qaavinut silap tungaatigut imaannaanngissinnaasartunut suliaqariartortassaasi.

 

 

Aallakaatitsinermut immikkoortortap atuisunut sullissiviani aqutsisutut akisussaaffigissavatit:
·       missingersuutit
·       ingerlatsineq, tamannalu ilaatigut isumaqarpoq attaveqaatit ajoquteqannginnissaannut akisussaaffiginissaat
·       Aallakaatitsiveqarfimmik inerisaanissamut qulakkeerinninneq, aqutsisoqatigiit, sulianik aqutsisut teknikerillu qanimut suleqatigalugit
·       Ingerlatsinermi suliassanik eqeersimaartumik suleqataaneq

 

 

Taakkualu saniatigut immikkoortortaqarfimmi suliniutigineqartunut aqutsisuusarnissat aamma pissusissamisoortuussaaq.

 

Immikkoortortaqarfimmi aqutsisoq teknikkimut tunngasunik piginnaasaqarluartoq ataatsimullu isiginnissinnaassusilik
Ilisimasatit aqutsinermullu piginnaasatit aallaavigalugit sulisunik aqutsissaatit, suliassanilu suleqataasassallutit. Immikkoortortaqarfiup tunniuttagaanik paasinnilluarnissat pingaaruteqarmat naatsorsuutigaarput;
·      ingeniøritut assingusumilluunniit teknikkimut tunngasunik ilinniagaqarsimasuusutit
·      assingusumik atorfeqarnikkut misilittagaqartuusutit, pingaartumik nalunaarsuartaateqarnerup silarsuaani
·      Attaveqaasersuutit VHF, HF kiisalu DVB-T pillugit paasisimasaqarluartutit kiisalu aallakaatitsinermi attaveqaqatigiinnernik ilisimasaqartuusutit , IP ilanngullugu
·      qallunaatut tuluttullu oqalussinnaasutit. Kalaallisut oqalussinnaaneq iluaqutaasinnaavoq, piumasaqaataananili.

 

 

Tusass -ip neqeroorutigai:
·       atorfimmi unammillernartumi ullut assigiiaaginnanngitsut, suliffeqarfik sulinermik naammagisimaarinilluartunik tunniusismasunik akisussaaffimminnillu ilisimaarinnilluartunik sulisulik
·       atorfik inuttut ilisimasatigullu ineriartorfissaqqissoq
·       suliffik pissanganartoq sulisut naammagisimaarinninnerannik ukkatarinniffiusoq
·       atorfik ilisimasatigut inuttullu piginnaasanut unammillerfiulluartoq, suleqatit pikkorissut suliffeqarfiup sinnerani sulisunut isumassarsiorfiusinnaasunik peqarluartoq

 

 

Suliffeqarfitsinni sulilerusuppit?
Atorfik pillugu apeqqutissaqaruit Aallakaatitsinermut immikkoortortaqarfimmi pisortaq, Kim Hammond Zinck +299 386060 -imut +299 535700-mulluunniit sianeffigalugu attavigisinnaavat.

 

Tusass –ip nunarsuaq qaninnerulersippaa
Tusass pillugu sukumiinerusumik ugguuna paasisaqarsinnaavutit: www.tusass.gl

 

Qinnuteqaatinik mailikkut tigusisanngilagut. Atorfimmut qinnuteqarniaruit CV-it qinnuteqaatillu ”Atorfik una qinnuteqarfigiuk” toorilugu nassiutissavat. Atorfik piaartumik inuttalerniarneqarpoq, sulilersinnaasorli eqqortoq utaqqisinnaavarput.

 

Tusarfiginissat qilanaaraarput.

 

 

Atorfik una qinnuteqarfigiuk