Skip to main content
94

Dette jobopslag er udløbet

Radiokkut kiffartuussisussamik

Umiarsuit angalasut radiokkut isumannaallisaavigineqarnissaannik suliaqarusuppit?

 

Tusass Aasiaat Radiomi radiokkut kiffartuussisussamik pissarsiorpoq. Ulloq 1. februar isumaqatigiissuteqarnikkulluunniit sulilertoqarnissaa naatsorsuutigaarput.

 

Immikkoortortaqarfik
Aasiaat Radio suliffiuvoq ulloq unnuarlu sulisulik, ilaatigut Kalaallit Nunaata sineriaani tamami umiarsuit angalasut radiokkut isumannaallisaavigineqarnissaannik ulluinnarni suliaqartunik. Immikkoortortaqarfik radiooperatørinik aammalu radioekspedientinik sulisoqarpoq.

 

Suliassat  
Radiukkut kiffartuussisut immikkoortortaqarfiup ulluinnarni sulineranut ilaapput, pingaarnertullu makku suliarineqartarput

*Imaani angalasut akiliuteqarnikkut radiokkut attaveqartinnerat

*Umiarsuit angalasut radiokkut attaveqarnerisa isumannaatsuutinneqarnerat, soorlu
- umiarsuarnik ajornartorsiortunik attaveqarnermi
- umiarsuarnik umiatsiaaqqanillu motooriminnik ajornartorsiuteqartunik attaveqarnermi
- umiarsuarnik ujaasinerni attaveqarnermi
- isumannaallisaaneq pillugu nalunaaruteqarnernik, ass.:
- Anorersuarnissaanik, anorsarinnissaanik sermernarnissaanillu aarlerisaaruteqarnerit
- Imarsiortunut mianersoqqussutit
- Kiffartuussinermi nalunaarutit

  • Umiarsuit Kalaallit Nunaanni angalasut nakkutigineqarnerat
  • Umiarsuarnut Kalaallit Nunaannut aamma Kalaallit Nunaanniit angalasunut GREENPOS-nalunaarutinik ingerlatitseqqinneq
  • Immikkut kiffartuussissutinut normunut 153-imut 154-imut silassamik immiussineq
  • GSM 112 aqqutigalugu ikiortissarsiortunik ingerlatitseqqinneq
  • Kalaallit Nunaata kitaata sineriaa atuarlugu aamma Tasiilap eqqaani radiokkut tigooraassuterpassuarnik nakkutilliineq
  • Aallakaatitsinernik Aasiaat Radioanut attuumassutilinnik nakkutilliineq
  • Ballonnersuarnik silasiornermut atortunik qullartitsinermi ikiuunneq

Tuluttuumiit tuluttuumut, kalaallisuuniit kalaallisuunut aammalu qallunaatuuniit qallunaatut nutsigassaqangaatsiartarsinnaavoq.

Suleqatigiinnut nikerartumik sulisartunut suleqataalissaatit.

 

Inuttut ilisarnaatitit
TNI HK-mi ilinniagaqarsimanissat, assingusumik siornatigut suliaqarnermik misilittagaqarnissat imaluunniit imarsiorsimanermik ilinniagaqarsimanissat naatsorsuutigaarput. Radiorsorsinnaanermut allagartaq pigisinnaavat. Radiorsornerup iluani allagartat pisariaqartinneqartut taamaattoq kingorna pissarsiarineqarsinnaapput ilinniartinneqarnermut atatillugu.

Tamakku saniatigut:
-Nammineerlutit allanillu suleqateqarlutit eqaatsumik sulisinnaassaatit sinaakkutarisat atuuttut iluanni.
-IT-mik atuisinnaassaatit, Office pakke Microsoftimeersoq atugaraarput.
-Windowsip sullissivianeersunik programminik aammattaaq atuisuuvugut.

 

Akissarsiat aamma atorfinitsitaanermi atugassarititat
Atorfinitsitsineq pissaaq Naalakkersuisut aammalu Radiotelegrafistforeningen af 1917-ip, www.raf1917.dk, akornanni isumaqatigiissutit imaluunniit Naalakkersuisut aammalu Sulinermik Inuussutissarsiuteqartut Kattuffiata, www.sik.gl, akornanni isumaqatigiissutit naapertorlugit.

Paasissutissat allat
Atorfik soqutigigukku paasissutissanillu allanik pissarserusullutit, taava Attaveqartitsinermut pisortaq Nanna Sandgreen tlf. 38 69 79-imut attavigisinnaavat.

Qinnuteqaatit innersuussissutikkut ataani allassimasukkut nassiunneqassaaq.