Skip to main content
159

Dette jobopslag er udløbet

Business Product Manager niuernermik paasisimasaqarluartoq angusaqarusussusilillu

Suliffimmi ullormiit ullormut allanngorartumi sulilerusuppit? Suliassat assigiinngisitaartut nuannaraagit? Immikkoortortaqarfitsinni teknologii katitigaq nioqqutinngortittarparput atuisumut pisariitsunngorlugu, isumassarsiatsialaallu niuernerup iluani piviusunngortittarlutigit. Tamatumani peqatigerusuppitigut?

 

Tusassimi Nioqqutinut Nittarsaassinermullu immikkoortortaqarfik angusaqarusussusilimmik Business Product Managerissarsiorpoq, suliffeqarfinnut sullitatsinnut pitsaasumik sullissinissamut qulakkeerinneqataasinnaasumik.

 

Suleqatigiit pikkorissut pimoorussisut nuannaartullu tallimat peqatigilissavatit.

 

Suliassat:

Sullitaq qitiutillugu suliffeqarfinnut nioqqutigut pitsanngorsartuaannarpagut pisariinnerulersitsineq ukkataralugu. Taamaattumik nalunaarasuartaatikkut atassuteqarnermi ineriartortitsinerup malinnaaviginissaa pingaaruteqarpoq, sullitagut nioqqutinik pitsaanerpaanik neqeroorfigiuaannarsinnaaniassagatsigit.

 

Nioqqutinik ineriartortitsineq tamaat isigalugu peqataaffigissavat suliffeqarfiullu iluani avataanilu annertuumik attaveqassallutit. Sullitat misigisassaat tamaasa ukkataraagut suliassallu siammasissut tamatigoortullu illit suliarisassavatit, soorlu:

• Immikkoortortaqarfiit teknikkilerisut qanimut suleqatigalugit nioqqutinik ineriartortitsineq pitsanngorsaanerlu

• Suliniutinik aqutsineq aamma isumassarsianiit nioqqutinngortitsinermik ingerlatsinermi ataqatigiissaarineq

• Nioqqutinik nutaanik atuutilersitsinermi suliffeqarfiup iluani atugassanik nioqqutinik allaatiginninneq

• Nittarsaanermut immikkoortortaqarfik suleqatigalugu nioqqutinik saqqummersitsinernik suliaqarneq

• Nioqqutinut nutaanut tunngatillugu sulisunik sullissisussanik ilinniartitsineq

• Tuniniaavinnik misissuineq, taassumalu ataani apersuinerit pisussanillu assigiinngitsuni aaqqissuinerit

 

Illit pisinnaasatit:

Ilinniakkat pingaarnepaajunngilaq. Atorfimmit assingusumit misilittagaqarnissat angusanillu takutitsisinnaanerit pingaartinneruagut. Nioqqutinik ineriartortitsinermik nuannarisaqarnissat pingaarluinnarpoq.

• Sulianut tunngatillugu nutaamik eqqarsartariaaseqassaatit nutaaliorsinnaassallutillu – isumassarsiat nioqqutissanngortillugit naammassisinnaassavatit

• Niuernermut paasisimasaqassaatit tuniniaavissatullu periarfissat takusinnaallugillu ujartorsinnaassavatit

• Naammassisaqarsinnaassaatit avatangiisinilu allanngorartuaannartuni sulinissannut nukissaqarluarlutit

• Attavinnik pilersitsineq atajuartitsinerlu pikkoriffigissavatit

• Mikisualunnik tamakkiisumillu takunnissinnaassaatit

• Attaveqaqatigiinnermut piginnaasaqarputit – oqaloqatigiinnikkut allannikkullu, nassuiaruminaatsullu paasinartumik pisariitsumillu ingerlateqqissinnaassallugit

 

Neqeroorutigaagut:

Tusassip atorfik pissanganartoq avatangiisillu allanngorartut suleqatillu piginnaasallit sulerusussusillit neqeroorutigai. Inuttut sulianullu tunngatillugu ineriartornissamut periarfissanik ulikkaarpoq. Piginnaasat naapertorlugit akissarsiaqartitaaneq pitsaasoq neqeroorutigivarput.

 

Apeqqutit:

Paasisaqarnerorusukkuit Nioqqutinut Nittarsaanermullu pisortaq Lars Rasmussen attavigisinnaavat oqarasuaat +299 564556.

Qinnuteqaatit tigugaangatsigit suliarisassavagut oqaloqatiginninnerillu ingerlallugit. Taamaattumik piaarnerpaamik qinnuteqarit. Suleqatissarput eqqortoq nassaarigutsigu atorfik inuttalerneqassaaq.

 

 

Tusass

Tusassimi anguniakkatut takorluukkap matuma ataani - ’Tusassip nunarsuup sinnera qaninnerulersippaa – uagullu immitsinnut qaninnerulersilluta’ – 350-inik sulisulimmi suliffeqarfiusumi Nunarput tamakkerlugu attaveqaqatigiinnermut aaqqissuussaaneq pilersillugulu qulakkeerpaa.

 

Nittartakkatsinni www.tusass.gl-imi paasisaqarnerugit

Qinnuteqaatit