Skip to main content
171

Dette jobopslag er udløbet

Attaveqaqatigiinnermi Aqutsisoq (Communications Manager)

Sila teknikkilu ajutoortitsisinnaapput, kisianni Tusassimi unammillernartut iluatsitsinerillu nalaattakkagut pitsaanerpaamik attaveqaqatigiinneq aqqutigalugu nalunaarutigisarusuppagut – suleqatitsinnut atuisutsinnullu. Taamaattumik pikkorissumik sulisussarsiorpugut,

attaveqartarnitsinni pitsaanerupaajorusulluta. Tusassimi attaveqaqatigiinnermi kiinnertarnissamut tusarliussisarnissamullu inuttaarusuppit? Imaluunniit nalunngisaqarpit inuttaasinnaasumik? Taamaappat atorfimmik inuttassarsiuineq una atuaruk.

Tusassimi Attaveqaqatigiinnermi Aqutsisoq suleqatigiinnut suliassanik ataatsimoorussamik qaqitserusussusilinnut suliffeqarfimmullu tunngatillugu nassuiaasersuummik pilersitserusuttunut peqataalissaaq. Attaveqaqatigiinnermik Immikkoortortaqarfimmi ullut assigiinngisitaartuaannangajapput, suliagulli Tusassip sullitaanut suleqatitsinnullu pingaaruteqarput, Kalaallimmi Nunaat tamakkerlugu attavinitsittarparput. Takorluugaraarput nunarsuup sinnerata qaninnerulersinnissaa, atuisuttalu misigisaat pitsaanerulersinnissaat, inuiaqatigiinnimi isumalluutaarusuppugut suliffeqarfippullu suliffissaqqissuutikkusullugu.

Tusassimi Attaveqaqatigiinnermut Immikkoortortaqarfimmi sulisut suliffeqarfiup iluani aamma avammut attaveqartarnerup annerpaartaa isumagisarpaat attaveqaqatigiinnermullu tunngatillugu suliffeqarfimmi immikkoortortaqarfiit allat peqatigalugit suliassat ikioqatigiissutigisarpagut suleqatigiissutigisarlugillu. Tamanna isumaqarpoq suliffeqarfiup iluani annertuumik assigiinngit-sutigut atuuffeqarnissat, taamaattumik suliffeqarfimmi eqeersimaarfiusumi inunnullu attaveqarluartumi pisoqarfiupiloorsinnaasumi avatangiiseqarnissat nuannarisuussavat, saniatigut allanngorarnernut aaqqissuussaanernullu aalajaatsunut piareersimassallutit. Suliffeqarfimmut ingerlatsinermullu tunngasunik aamma isumaginnissinnaassaatit tusagassior-finnullu nassuiaanissamut sassarsinnaasassallutit.

Ulluinnarni Attaveqaqatigiinnermut Immikkoortortaqarfimmi suleqataasassaatit Attaveqaqatigiinnermullu pisortamut attaveqartuussallutit.

Naak Tusassimi Nunarput tamakkerlugu siaruarsimagaluarluta pitsaanerpaamik aaqqiissutinik pilersuinissaq pitsaanerpaamillu sullissinissaq ataatsimoorussaraarput. Attaveqaqatigiinnermi suleqataasutut Tusassimi pilersaarutit ineriartortitsinerlu pillugit suliffeqarfiup iluani nuna tamakkerlugu suleqatitsinnut attaveqartarnitsinni ataatsimoornermik ataqatigiissumik qulakkeerinneqataasassaatit.

Suleqatitit peqatigalugit Tusassip nutaaliornermi suliniutai teknologiikkullu siuariartornera oqaluttuarisassavatit – tassa atuisutsinnut attaveqaatinut sukkanerusunut aalajaannerusunullu pilersuiniarluta aaqqiissutinik nutaanik ineriartortitsigaangatta siammarterigaangattalu, naak anori, sila isorartussutsillu annertuut unammillertigigaluarlugit.

Attaveqaqatigiinnermi Immikkoortortaqarfimmi suleqatigiit immitsinnut nuannariippugut ajunngitsumillu siunertaqarluta isornartorsiorsinnaasarluta. Immitsinnut ineriartortikkusuttuugatta suliffeqarfimmilu pitsaanerpaamik attaveqaqatigiinnermik pilersitserusuttuulluta pitsaasumik attaveqaqatigiinnissamut annertuumik suliaqarneq pingaartitarisarparput. Tusassip toorsinermi ataatsimi nunarsuup sinnera qaninnerulersippaa, taamaattumik nunatsinni attaveqaqatigiinnermik pitsaanerpaamik pilersitseqataasussamik suleqatissarsiorpugut.

 

Neqeroorutigaagut

  • pissanganartoq, sulisut atuisullu pitsaasumik atugaqartinnissaannut pingaartitsisoq
  • ingerlatsineq pillugu attaveqaqatigiinnerup tusagassiorfinnullu nassuiaanissamut kiinnersinnaanerup pitsanngorsarnissaanut periarfissat
  • tunniusimalluartut suliamullu tunngatillugu siunnersoqatigiinneq
  • ineriartornissamut periarfissat unammillernartullu amerlasuut

 

Illit pillutit

Naatsorsuutigaarput

  • attaveqaqatigiinnermik misilittagalik naleqquttumillu ilinniagalik
  • nammineq aallartitsisinnaasoq, ammasoq pisunilu assigiinngeqisuni pitsaasumik ajunngitsumillu pissuseqarsinnaasoq akisussaaffimmillu angisuumik tigusisinnaasoq
  • suliaqarneq sungiusimassavat, pingaarnertut kalaallisut oqaaseqartuussaatit saniatigullu qallunaatut tuluttullu oqalussinnaassallutit/allassinnaassallutit
  • suliassanik namminersorlutit aaqqissuussaalluartumillu naammassinnittarneq sungiusimassavat pisoqarfiusunilu tamaviaarnarsinnaasuni nalorninak pisinnaallutit
  • suliassanik naammassinnittarnissat, mikisualunnilli aamma ukkatarinnissinnaanissat

 

 

Soqutiginnikkuit paasisaqarnerorusullutillu Attaveqaqatigiinnermi pisortaq Julie Rademacher attavigisinnaavat +29926 35 35 imalt. julie@tusass.gl

Qinnuteqaat qinnuteqaammik, CV-mik allagartanillu naleqquttunik imaqassaaq, linkilu https://www.tusass.gl/da/karriere/job/?id=2022-12-44  aqqutigalugu nassiunneqassalluni.

Oqaloqatiginninnerit ingerlaavartumik ingerlanneqarnissaat naatsorsuutigaarput, qinnuteqartullu oqaloqatigineqareernermik kingorna ilisimatinneqartarumaarput.