Find job
Dette jobopslag er udløbet
Atortorissaarutini nukissiornermilu pisortaq
Atortorissaarutini nukissiornermilu teknikkikkut qajannaatsumik tunuliaqutilimmik aqutsinikkullu sakkussanik pitsaasunik pilimmik pisortassarsiorpugut.
Atorfik pillugu
Atortorissaarutini nukissiornermilu ingerlatsinermik, aserfallatsaaliuinermik Tusassillu illuutaanik, nukissiornermik ingerlatseqatigiiffiullu datacenteriinik tamakkiisumik ineriartortitsinermik akisussaasuuvoq kiisalu illuutinik isumannaallisaanermik akisussaasuulluni.
Immikkoortortaqarfimmi pisortatut sulisunut 15-it missaanniittunut qullersatut akisussaasuussaatit, taakkunanilu arfinillit ilinnut toqqaannartumik atassuteqartuussapput.
Suliat ilaatigut ukuupput:
• Immikkoortortaqarfimmi sulisunik aqutsineq, ineriartortitsineq akisussaasuunerlu
• Tusassip periusissiaata ataani sammisamut attuumassutilinnik periusissanik suliassanullu pilersaarusianik pilersitsineq
• Pilersaarusiami suliniutinut atatillugu aaqqissuisunut siulittaasutut imaluunniit ilaasortatut atuuffeqassaatit
• Ingerlatsinermut aserfallatsaaliuinermullu pilersaarusianik pilersitsinikkut suliaqarfimmi ingerlatsinermi akisussaasoq
• Neqeroorusiorneq pisiortorfinnillu isumaqatiginninniarneq
• Suliaqarfiup iluani aningaasaqarnermik aqutsineq
• Soqutigisaqaqatigiit ingerlatseqatigiiffimmeersut avataaneersullu ataqatigiissaareqatigineri
Ukiuni tulliuttuni suliassat pingaarnerit ilaat tassaapput Tusassip sakkortusaaviini nukimik atuinermik allanngortiterinerit kiisalu datacenterimik ingerlatsinerup ineriartortinnissaa.
Atorfinittussaq eqqortoq
Sulisutit suliassaqartissinnaassavatit kajumissuseqalersissinnaassallugillu, kiisalu pisortani suleqatigiinni tallimaasuni ingerlatseqatigiiffimmi immikkoortortat apeqqutaatinnagit suleqataasinnaassallutit. Ineriartortitsineq ingerlatsinerlu oqimaaqatigiissaarsinnaasassavatit niuernerullu pingaassusianik paasisimasaqartuussallutit.
Takorloorparput makkua piginnaasaqarfigigitit:
• Takisuumik ilinniagaqartuussasutit, ass. ingeniøritut, maskinmesteritut assigisaannilluunniit. Aqutsisutut ilinniarsimaneq iluaqutaassaaq
• Nukissiorneq aamma/imaluunniit datacenterimik ingerlatsineq misilittagaqarfigissavat
• Sulisunik aqutsineq, taassumalu ataani ulluinnarni ingerlatsinernik aserfallatsaaliuinernillu ineriartortitsineq/pitsanngorsaaneq misilittagaqarfigissavat
• Suliniutinik aqutsinermik immaqalu PRINCE2-princippinik misilittagaqarneq
• Qallunaatut tuluttullu qaffasissumik piginnaasaqarfigissavatit. Kalaallisut oqalulluarsinnaaneq allassinnaanerlu iluaqutaassaaq.
Immikkoortortaqarfimmut ilinnullu naatsorsuutit piumasaqaatillu annertuujupput, taamaattumik aqutsisutut, ilinnut sulisunnullu annertuumik piumaffigisinnaaneq naatsorsuutaasinnaanerlu piareersimaffigissavatit. Taamaatuttaaq aamma sulisutit aqqutigalugit angusat tigussaasut naatsorsorneqarsinnaasullu nassuiarsinnaassavatit pilersillugillu. Saniatigut aamma sulisut akornanni ingerlatseqatigiiffimmillu tamakkiisumik suleqatigiissitsineq pikkoriffigissavat angusallu pitsaasut iluatsilluartullu inissaqartissinnaassallugit.
Piginnaasassat pigigukkit piukkunnaateqarlutit unammillernartullu sapiuffiginngikkukkit, suleqatit pitsaasut, sammisaminnut immikkut ilisimasallit ilumoorsaarpallaanngitsumillu imminnut oqaluuteriaasillit, suliffeqarfillu sutigut tamatigut siumut ingerlaartoq niuernermilu erseqqarissumik periusissialik neqeroorutigisinnaavagut. Sulianut tunngatillugu inuttullu ineriartornissamut periarfissaqarluarpoq. Atorfinittussaq piginnaasat naapertorlugit pitsaasumik akissarsiaqartinneqassaaq.
Apeqqutissaqaruit
Atorfimmut tunngatillugu apeqqutissaqaruit Teknikkimut pisortaq Jonas Hasselriis emailikkut attavigisinnaavat joha@tusass.gl
Atorfimmi atugassarititaasut apeqqutillu atorfinitsitsinermut tunngasut pillugit Tusassimi HR-imut immikkoortortaqarfik attavigineqarsinnaavoq, oq. +299 341255 imaluunniit email hr@tusass.gl
Qinnuteqaatit oqaloqatiginninnerillu
Qinnuteqaatit tamarmik peqqissaarunneqassapput.
Toortagaq ’Qinnuteqarit’ toorlugu atorfimmut qinnuteqarsinnaavutit, CV-t, allakkat ilaliussat (allagartallu attuumassutillit) Tusassip suliffissarsiortarfianut nassiullugit.
Suliffissarsiortarfimmut qinnuteqarneq pillugu apeqqutissaqaruit HR-ip immikkoortortaqarfia attavigisinnaavat.
Paasissutissat inunnut tunngasut sapinngisamik illersorniarlugit qinnuteqaatit e-mailikkut tiguneq ajorpagut.
Qinnuteqaatit takkukkaangata suliarisassavagut oqaloqatiginninnissamullu aggersaasassalluta. Taamaattumik piaartumik qinnuteqarit. Eqqortoq nassaarigutsigut atorfinitsitsissaagut.
Ulloq atorfiniffissaq
Piaartumik imaluunniit isumaqatigiissut malillugu.
Tusass
Anguniakkatut akorluugaq ´Tusassip nunarsuarput qaninnerulersippaa – uagullu immitsinnut qaninnerulersilluta’ aallaavigalugu suliffeqarfiup sulisuisa 350-it missaanniittut Nunatsinni tamarmut attaveqaqatigiinnermut atortulersuutit nutaaliaasut pilersillugillu qulakkeertarpaat.
Uani paasisaqarnerugit www.tusass.gl
Paasissutissat
Immikkoortortaq
Pisortat imm. sulisoqarnermut tunngasut
Projektinik aqutsineq
Teknikki IT-lu