Account Managerertaassaraatsigit?

Tusass-ip suliffeqarfinnut sullissivia Account Managerissarsiorpoq, suliffeqarfinnut immikkut sullissisut suleqatigalugit suliffeqarfinnut internettikkut aaqqiissutinik, attaveqaatinut tunngatillugu, oqarasuaateqarnermut, hostingimut IT-mullu tunngatillugu sullisseqataasussamik.

 

Suliffik sullissivillu pillugit:

Account Manageritut suliffeqarfinnut nioqquteqarneq siunnersuisarnerlu suleqataaffigissagukkit niuernermik aaqqiissutissanillu soqutigisaqartuusariaqarputit. Sullitatta pisariaqartitaannik paasinnilluarsimanissat pingaaruteqarpoq, taamaalillutit suliffeqarfiit sullitatta angisuut mikinerusullu pisariaqartitaat aallaavigalugit aaqqiissutinik naleqalersitsisunik pilersuinermi qaffasissumik sullisseqataassagavit. Taamaattumik sullitatta toqqissillutik suleqatigisinnaasariaqassavaatsit.

 

Suliffeqarfinnut sullissivimmi suleqatigiit tunniusimalluartut qiimasullu suleqatigissavatit. Suleqatitaassatit suliffiup iluani ataqatigiilluarnermik ikiuinissamullu piareersimasuunermik pingaartitsisuupput.

Ataatsimoorluta anguniakkatta angunissaat pillugu tatigeqatigiinneq akisussaassuseqarnerlu qitiutillugit ulluinnarni sulinerpit nammineq ilusilersornissaanut periarfissaqarluassaatit.

Kalaallit Nunaanni suliffeqarfiit akunnattumik angissusillit enterprisemillu sullitat akisussaaffigissagakkit naatsorsuutigaarput imaattuussasutit:  

 

·       Nioqqutitsinni pingaarnerpaani aaqqiissutinik naleqalersitsunik pilersuisinnaasoq

·       Attaveqaatinut attaveqarnermik pitsaasumik sivisuumillu attanneqarsinnaasumik pilersitsisinnaasoq

·       Nioqquteqarnermik sullissinermik sulianullu tunngatillugu misilittagalik, suleqatigiillu iluanni suleqateqallaqqissoq

·       Tatiginartoq, siumut isigisumik suleriusilik kinguneqartussamillu isumaliorsinnaasoq

·       Akisussaaffimmik tigumminnissinnaasoq, eqaatsumik suleriusilik suliassanillu assigiinngiiaartunik suliaqarsinnaasoq

·       Oqalunnikkut allakkatigullu allanut attaveqallaqqissoq 

 

Piginnaasatit:

Nioqquteqarnermik sullissinermillu minnerpaamik ukiunik marlunnik misilittagaqarputit. Namminersorlutit allanillu suleqateqarlutit sulisinnaavutit. Aqutsisinnaavutit pilersaarusiorsinnaallutillu, torersumik aaqqissuulluakkamik suleriuseqarputit sulianillu annertujaanik suliaqartarsimallutit. Telep attaveqaqatigiissutaanik IT-nillu suliaqarfinnut tunngasunik ilisimasaqareersimaguit iluaqutaassaaq. Kalaallit, qallunaat tuluillu oqaasii pikkoriffigaatit. IT-mi atortorissaarutinik atuilluarsinnaavutit, tassani soorlu Office-pakken aamma Axapta atorluarsinnaallugit. Aamma iluaqutaassaaq Prince2 imaluunniit ITIL allagartaqarfigigukkit.

 

Neqeroorutigaarput:

Tusass-ip neqeroorutigaa suliffik unammilligassaqarfiulluartoq, suliffimmi uummaarissumi suleqatit pikkorissut suliaminnullu tunniusimalluartut akornanni. Sulianut tunngatillugu inuttullu ineriartornissamut periarfissaqarluassaatit piginnaasatillu naapertorlugit akissarsiaqartinneqassallutit.

 

Soqutiginnippit?

Suliffimmut soqutiginnikkuit paasisaqarnerorusukkuillu attavigisinnaavat Nioqquteqarnermut pisortaq Allan Schrøder, oqarasuaat +299 38 90 12.

 

Qinnuteqarneq oqaloqatiginninnerillu:

Qinnuteqaatit CV-t ilanngullugu tusass-ip qinnuteqaatinik tigooqqaavianut (job-portal) nassiutissavat, kingusinnerpaamik 23. april 2023.

Tusass-ip qinnuteqaatit ingerlaavartumik suliarisarpai ullorlu qinnuteqarfissaq kingulleq nallertinnagu qinnuteqartunik piukkunnaatilinnik oqaloqatiginninnissaminut piginnaatilluni.

 

Atofik una qinnuteqarfigiuk