Skip to main content
157

Dette jobopslag er udløbet

Aasiaat Radiomut radiokkut kiffartuussisussamik Tusass pissarsiorpoq

Radiokkut kiffartuussisup Aasiaat Radiomi nakkutilliinerni attaviginnittunillu akisinerni nalinginnaavoq radiooperatørimik suleqateqartarnera.

Suliassaqarfitit:

Aasiaat Radiup Kalaallit Nunaata imartaani umiarsuit angalasut radiukkut attaveqaqatigiinneq ingerlataraa.

Suliarineqartut ilaatigut makkuupput:

  • Imaani angalasut akiliuteqarnikkut radiokkut attaveqartinnerat
  • Umiarsuit angalasut radiokkut attaveqarnerisa isumannaatsuutinneqarnerat, soorlu

- umiarsuarnik ajornartorsiortunik attaveqartitsinikkut
- umiarsuarnik umiatsiaaqqanillu motooriminnik ajornartorsiuteqartunik attaveqartitsinikkut
- umiarsuarnik ujaasinerni attaveqartitsinikkut
- isumannaallisaaneq pillugu nalunaaruteqartarnertigut, ass.:

* Anorersuarnissaanik, anorsarinnissaanik sermernarnissaanillu aarlerisaaruteqarnerit
* Imarsiortunut mianersoqqussuteqarnertigut
* Kiffartuussinermi nalunaaruteqartarnertigut

  • Umiarsuit Kalaallit Nunaanni angalasut nakkutiginerisigut
  • Umiarsuarnut Kalaallit Nunaannut aamma Kalaallit Nunaanniit angalasunut GREENPOS-nalunaarutinik ingerlatitseqqinnertigut
  • Normunut immikkut kiffartuussissutinut 153-imut 154-imut silassamik immiussinernik
  • GSM 112 aqqutigalugu ikiortissarsiortut sianernerannik ingerlatitseqqinnertigut
  • Kalaallit Nunaata kitaata sineriaa atuarlugu aamma Tasiilap eqqaani radiokkut tigooraassuterpassuarnik nakkutilliinertigut
  • Aallakaatitsinernik Aasiaat Radioanut attuumassutilinnik nakkutilliinikkut

 

Radiokkut kiffartuussisup suliassai pingaarnerit tassaapput:

  • Radiokkut tigooraasunik arlalinnik tusarnaarneq
  • Umiarsuarnik attaviginnittunik akisinerit
  • Radiop telefonnorminik paarsineq, soorlu GSM 112-imi aamma 130-mik
  • Aallakaatitsinerit
    • Angalasunut nalunaarutit  
    • Isumannaallisaaneq pillugu nalunaaruteqartarnerit
    • Ujaasinerit
    • Kiffartuussinermi nalunaaruteqarnerit
  • Qarasaasianik, printerinik allaffimmilu atortunik allanik misissuinerit
  • Suliassat nalinginnaasut.

Nunat tamalaat malittarisassaat najoqqutassiaallu pissutigalugit nutserisoqartarsinnaanera naatsorsuutigineqassaaq tuluttut, kalaallisut qallunaatullu oqalussinnaasariaqaratta.

Allat:
Naatsorsuutigaarput allaffissornermik ilinniagaqarsimanissat, ass. TNI HK-mik ilinniagaqarsimanissat tassungaluunniit  assingusumik, taamaalillutit allaffimmi suliassanik ilisimasaqassagavit. Taamaalillutit aamma qarasaasiat nalinginnaasut ilisimasaqarfigissavatit. Radiorsornermut malittarisassanik nalinginnaasunik ilisimasaqarnissat piumasaqaataassaaq. Tassalu radiorsornerup iluani allagartat pisariaqartinneqartut pigissavatit imaluunniit uagut aaqqissukkatsinnik radiorsornermut pikkorissassallutit. Atorfininnermut atasumik ilinniartinneqarnermut piffissaq atussagit naatsorsuutigisariaqassavat. Nalinginnaavoq sapaatit akunneri pingasut sisamalluunniit saninni ilinniartitsisoqarlutit sungiusarneqarnissat.

Aasiaat Radio suliffeqarfiuvoq ukioq tamaat ulloq unnuarlu sulisoqartussaq.

Taamaattumik juullerujussuarmi, påskip ulluini sapaassuarni imalunniit Sankt Hans-imi sulisoqartarpoq. Oqaatigilluaannarlugu ulluni 365-ini ulloq unnuarlu. Kalaallit Nunaata sineriaani tamarmi imaatigut angalasunut, tassungalu aamma ilaapput umiarsuarsuit takornariartaatit aammalu nunani allamiut suminngaanneersuugaluarnersut, radiokkut isumannaallisaaneq ullormut suliarisaraarput.

Soqutigaajuk?
Ulloq 1. oktober isumaqatigiissuteqarnikkulluunniit sulilertoqarnissaa naatsorsuutigaarput.

Paasissutissat allat
Atorfik soqutigigukku paasissutissanillu allanik pissarserusullutit, taava Attaveqartitsinermut pisortaq Nanna Sandgreen tlf. 38 69 79-imut attavigisinnaavat.

Qinnuteqaatit aammalu CV-t ilanngullugu ”ansøg her” aqqutigalugu nassiuguk.

 

Akissarsiat aamma atorfinitsitaanermi atugassarititat
Atorfinitsitsineq pissaaq Namminersorlutik Oqartussat SIK-llu akornanni imaluunniit Namminersorlutik Oqartussat Radiotelegrafistforeningen af 1917-ip akornanni isumaqatigiissutit naapertorlugit.

 

Tusarfiginissat qilanaaraarput.

https://www.tusass.gl/atorfiit/job/?id=2022-08-02