Skip to main content
152

Dette jobopslag er udløbet

Transmissions Ingeniør (Aallakaatitsinerni ingeniøri) suliniutinut aallakaatitanullu allakaatitsisarnerup iluani akisussaasoq

 

Suliniutit arlallit aqussinnaavigit?

Kalaallit Nunaanni telekkut aallakaatitsisarnerit pitsaanerulersinniarlugu sulinermi paqataarusuppit? Tassani sulineq aqullugulu suliniutini siuttuussaatit, siunissamilu tele aqqutigalugu attaveqatigiinnerup siunissami ingerlalluarsinaanera suleqataaffigissavat. Minnerunngitsumillu kalaallit nunaata qaqqaani sakkortusaavinnnut qulimiguulinnut ilaallutit suliartortarnissat piareersimaffigissavat.

 

SULIFFEQARFIK

TELE-POST-i Kalaallit Nunaanni innuttaasut tele aqqutigalugu attaveqatigiittarnerini sullissisuuvoq, aammattaaq sullissiviupput IT, allakkerinerlu. Atortut iluaqutillu nutaaliaanerpaat sakkugalugit nunaqarfiit tamangajavimmik oqarasuaatitigut internettikkullu nunarsuup sinneranut attaveqarsinnaaput. TELE-POST-ilu nutaanik inerititsiniarnermini IT-ip iluani suliniuteqarpoq,- taamaasillunilu Kalaallit Nunaanni attaveqarnermi aallakaatitsisarnernilu periarfissat pitsaanerpaaffissaat anguniarneqarluni.   

 

ATORFIK

Aallakaatitsisarnermi suleqaatigiinni peqataalissaatit, taakkualu aallakaatitsinermi attaveqarnerillu pillugit immikkoortortaqarfimmi 35-nik sulisulimmi, Nuummi, Kujataani Avannaanilu inissisimasuni suleqataalissaatit. Tassani sakkortusaaviit (radiokædit) isumagineqarnerini ataqatigiissaarisutut aallakaatitsisarfinnilu allani pingaarutilimmik inissisimalissaatit. Teknikkerit aallakaatitsisarfimmilu pisortat qanittumik suleqatigalugit atorfeqassaatit. Pissanganartumik pingaarutilimmillu suliaqalissaatit, - pissutigerpiarlugu allaat nunaqarfiit ungasinnerpaat attaveqarnikkut peqataatinneqarsinnaanneri qulakkeeqataaffigissagakku. 

Isiginnissinnaaneq tamatigoortoq piginnaaneqarfigissavat allaakaatitsiveqarnerullu iluani inerititsiniarnermi  peqataassaatit. Taamaammat makkua aqqusaassavatit:

  • Aallaakaatitsisarnerup iluani qitiusumik inissisimalissaatit, - atortunik periarfissanillu paasiniaaqqissaartarnikkut. 
  • Aallakaatitsisarnerup iluani inerititsinermi pitsanngorsaanermilu suleqataanikkut aallakaatitsisutut tigooraassutillu eqaatsumik atorneqarsinnaaneri qulakkeerinneqataaffigalugillu, kiisalu maligaasat atorneqartussat piareersaavigisassavatit.
  • Aallakaatitsisarnerup iluani suliassat suunerinik aalajangersaaneq tulleriaarinerillu suleqataaffigissavatit.
  • Aallakaatitsiarnerup illuani suliassat, suliniutit suliassallu pisariaqartut naammassineqarnissaanni pingaarutilimmik inissisimassaatit. 
  • Ingerlaavartumik aallakaatitsisarnerup iluani uppernarsaasersuinermik suliaqarnerup atuuttuarnissaa qulakiissavat.
  • Suliniutit suliaqarfiup iluani pilersaarutaasut naapertorlugit naammassineqarnissaat qulakkeertassavat.  TELE-POST-i periuseq Prince2 naapertorlugu suleriaaseqarpoq.  
  • Aallakaatitsisarnerup iluani suliniutit siuttuuffigissavatit.

 

INUK PILLUGU

Attaveqarluarsinnaanerit pingaaruteqarpoq aammattaaq qiimmassaasinnaallutillu oqaloqateqarluarsinnaanermik piginnaaneqassaatit. Minnerunngitsumillu suliniutit siunertaannik paasinnilluarsinnaassaatit, - aammattaaq naammassinissamik killiliiffiit eqquutsisinnaassavatit (deadlinet). Tamakkua saniatigut naatsorsuutigaarput:

  • Ilinniarsimanikkut qaffasissunik tunulequtaqarnissat, soorlu ingeniøritut assigisaanillu ilinniarsimanissat. 
  • Suliniutini siulersuisuullutit inissisimaneq sungiusimariissavat.
  • Aallakaatitsisarnerup iluani periarfissanik ilisimaarinninnissat aammalu suliffeqarfimmi ilisimasassanik tamanut siammarterisinnaassaatit, kiisalu aqutsinermi nalunaarusiorsinnaallutit.
  • Suleqatinik attaveqallaqqinneq suleqateqallaqqinnerlu piginnaneqarfigissavatit, tuluttut qallunaatullu oqallorissuussaatit – kalaallisut oqalussinnaaguit iluaqutaassaaq, atorfimmili piumasaqaataanngilaq. 

 

QINNUTEQARNISSAQ

Qinnuteqaatit ingerlaavartumik nalilersortarpavut, piaartumillu qinnuteqarnissat qilanaaraarput. UGGUUNA qinnuteqarsinnaavutit. Atorfik pillugu apeqqutissaqaruit Seniorkonsulent Klaus Bendixen oqarasuaatikkut +45 60 2045 46-kut imaluunniit mailikkut kb@scr.dk-kkut attavigisinnaavat