Skip to main content
87

Dette jobopslag er udløbet

TELE-POSTimi Teknikki Aallakaatitsinerlu pillugit immikkoortortaqarfimmi pisortaq

Qajannaatsumik tunngavilimmik suliassannut pikkoriffeqarpit sallersaagaangavillu iluarisimaartarlugu?

 

  • Taava qulingiluanik suleqateqarpugut, immikkoortortaqarfimmi pisortassarsiortunik

 

Kalaallit Nunaanni internetseqarnermi pilersuinermut isumannaassuseq pingaarnerpaavoq, aallakaatitsinermilu attaveqaatilerinermi ingerlatsinermi ineriartortitsinissamut sukannersumik piumasaqaateqarluni.

 

TELE-POST - nunarsuarmioqataanermut tunngavissiivoq

Teknikki Aallakaatitsinerlu pillugit suleqatigiiusunut Nuummi, Kujataani Avannaanilu agguataarsimasunut aallakaatitsinermut attaveqaasersugaanermullu immikkoortortaqarfimmi sulisunut 24-nut suleqataalissaatit. Qaqqat qaavini sakkortusaavinni aaqqissuussinerit allakaatitsinermilu atortut allat, soorlu qaammataasanut attaviit, V-SAT aamma imaatigut kabelit, sanaartornissaannut ingerlannissaannullu pingaarutilimmik inissisimassaatit.

 

Teknikki Aallakaatitsinerlu pillugit immikkoortortaqarfik, qaqqaniit Nuummilu allaffinniit pisortaaffigissavat

Piffissap annerpaartaa Nuummi allaffinniit ingerlatsiffigissavat, piffissallu 15%-iata missaani sakkortusaavitsinni 60-iusuni linkeqarfitsinnut alakkaaqataasassallutit. Helikopterimik teknikerillu qaqqat qaavinukartassaasi pinngortitallu peqqarniitsup teknikkillu imminnut suleqatigiissinnissaat illit suliassarissavat.

 

Teknikki Aallakaatitsinerlu pillugit immikkoortortaqarfimmi pisortatut inissisimaneq imatut paasillugu:

 

  • Aningaasatigut missingersuutit akisussaaffigissavatit
  • Ingerlatsineq akisussaaffigissavat, ass. aallakaatitsinermi atortut aaqqissuunneqarnerinut suliaqarnermi attavigiuaannarsinnaassuseq
  • Aqutsisoqatigiit, suliniummik aqutsisut kiisalu teknikerit qanimut suleqatigalugit aallakaatitsiffiit ineriartortinnissaasa isumannaarnissaat
  • Ingerlatsinermi suliassat kiisalu suliniutit naammassinissaannut sunniuteqaqataasassaatit

 

Immikkoortortaqarfimmi pisortaq teknikkikkut pikkorissoq qulaaniit isiginnillaqqissoq

Suliamut paasisimasaqarluartutut sulisutit pisortaaffigissavatit, suliassanullu iluarseeqataasassallutit. Immikkoortortaqarfiup tunniuttagaasa paasinissaat pingaaruteqarpoq taamaammallu naatsorsuutigaarput;

 

  • ingeniøritut assigisaanilluunniit ilinniagaqartuunissat aammalu teknikki pillugu annertuumik paasisimasaqartuunissat
  • atorfimmit assingusumit ukiuni arlalinni misilittagaqartutit, ajornanngippat nalunaarasuartaaserinermik suliaqarfimmiit
  • Sakkortusaavinnut aamma imaatigut kabelit-/qaammataasatigut attaveqaatit kiisalu el-teknikkit IP-mullu aaqqissuussat paasisimasaqarfiginissaat
  • qallunaatut tuluttullu oqalussinnaassaatit – iluaqutaassaaq piumasaqaataananili kalaallisut oqalussinnaanissat.

 

 

TELE-POSTip tunniussinnaasai:

  • Atorfik unammillernartoq uummaarissumik avatangiisilik
  • Sulianut pikkorissutsimut- inuttullu ineriartornissamut periarfissatsialaat
  • Suliffeqarfik pissanganartoq sulisut nalerisimaarnissaannut qitiutitaqartoq
  • Suliffik suliamut- inuttullu unammillernartunik ulikkaartoq, suleqatit pikkorissut kiisalu suliffeqarfiup immikkoortortaqarfiinut allanut ataqatigiinnerit isumassarsiaqarfiulluarsinnaasut

 

Sunngiffinni eqiingasumik sammisaqarnissannut periarfissaqarluarputit. Nuummi pinngortitaq kusanartoq nuannersumik misigisaqarfigisinnaavat, ass. piniariarnikkut, aalisariarnikkut, umiatsimik angalaarnikkut, pisunnikkut kiisalu sisorarnikkut. Saniatigut assigiinngiiaartunik timersornikkut kulturikkullu misigisassanik peqarpoq.

 

 

 

Uagutsinni suliffimmi qaffakkiartorusuppit?

Atorfik pillugu apeqqutissaqaruit Aallakaatitsinermi Immikkoortortaqarfimmi pisortaq Kim Zinck TELE-POST-imut attavigisinnaavat uunga e-mailerlutit: khz@telepost.gl, tlf. +299 386060 imaluunniit mobilimut: +299 535700.

 

Ingerlatsivik

Takorluukkap: ’TELE-POST nunarsuarmioqataanermut tunngavissiivoq’ ataani ingerlatsiviup sulisui 400-t missaaniittut Kalaallit Nunaat tamakkerlugu attaveqaqatigiinnermut ataqatigiissaarineq nutaaliaasoq pilersinniarlugu qularnaarniarlugulu suliniuteqarput. TELE-POSTip allaffissua Kalaallit Nunaanni illoqarfiit pingaarnersaanni Nuummi inissisimavoq.

 

 

TELE-POST pillugu uani paasisaqarnerusinnaavutit: www.telepost.gl

 

Qinnuteqarnissamut iserfissaq matuma ataaniittoq ”Søg jobbet online” aqqutigalugu CV-t qinnuteqaatillu nassiutikkit. Sapinngisamik piaarnerpaamik atorfinittoqassaaq, sulisussarli piukkunnarnerpaaq soorunami utaqqissavarput.

 

Tusarfiginissat qilanaaraarput.

 

Søg jobbet online