Skip to main content
76

Dette jobopslag er udløbet

TELE-POST-imi Servicedeskimut IT-mut siunnersorti suliaminik ilisimannilluartoq nutaaliorsinnaasorlu

TELE-POST-ip silarsuaq qanillisippaa
Taanna qulequtaralugu silarsuarmi sumiiffiit ajornakusoornerpaat ilaanni attaveqaatit pitsaanerpaat qulakkeerumallugit TELE-POST-imi sulivugut. Tamannarpiaq pissutigalugu pingaaruteqarpoq suliffitsinni IT-mut atortutsinnik ikiorsiinissamut aamma uagut pikkorinnerpaanissarput. Tassa imaappoq, suliffitsinni suut tamarmik ajunngitsumik ingerlanissaannut illit paasinnillaqqissoq sullissinermillu pisariaqartinneqartumik tunniussisinnaasoq amigaatigaatsigit.

ATORFIK
IT-mut siunnersortitut atorfik Servicedeskitsinni inissisimavoq, tassanilu Suleqatigiiuvugut tunniusimalluartut tallimat, suliffeqarfittalu aaqqissuussaanerani IT-mut immikkoortortaqarfimmut ilaavugut.

 

IT-mut siunnersortitut makku suliassaraatit:

  • Tamatta ’up2date’-rsimanissattta qulakkeernissaa, taamaalillutik softwaret ataatsimoortitat piffissaq eqqorlugu aqunneqarsinnaaqqullugit, atortussanngortinneqarsinnaaqqullugit sullinneqarsinnaaqqullugillu
  • O365/M365-ip ataani Mobilemut atortunik tamanik ikiorsiineq
  • Init ataatsimiittarfiit tamatigut nutarteriffigineqarsimasussaanerat atorsinnaassuseqarnissaallu, tamannalu isumaqarpoq AV-mut atortunik saqqummiinernullu display-inik ikiorsiisarnerit.
  • Immikkoortutsinni POST-imi atortulersuutigut immikkut ittut ikiorsernissaat, tassa POS-iniit IPS-inut atortulersuutit ataatsimoortitat ikiorsiivigisarnissaat.
  • Oqarasuaatikkut, mailikkut imaluunniit atortulersuutikkut ticket-ikkut saaffiginnissutit eqqarsaatigalugit suliassanik paasinartunnguineq suliarinninnerlu isumannaatsoq.

 

ILLIT KINAAVIT?
IT-mut siunnersortiuvutit misilittagalik, ukiuni arlalinni atortussanngortitsinerit, ingerlatsinerit ikiorsiinerillu iluanni suliassanik Servicedeskimut attuumassutilinnik misilittagalik. Ineriartornerit nangikkusuppat, ineriartornerpillu pisariaqartup ilaatut pissusissamisuuginnartutut isigaat ilinniaqqittuarnerit allagartartaarfiusut. Nalunngilat suliassamik qaqugu illit nammineq aaqqiisinnaanerlutit, qaqugulu Suleqatigiit sulisilernissaat pitsaanerunersoq. Sullissininni nukik pitsaasoq takutittarpat, ajornartorsiummullu qanoq ittumulluunniit paasiniaalluarsinnaassuseqarputit. Aaqqiinerit pitsaasut pilersittarpatit – minnerunngitsumik suliffeqarfimmik illit attaveqarninni.

 

Suliatigut inuttullu ineriartornissaq periarfissaqarfigilluassavat suliffimmi persuarsiorpalaarpallaanngitsumik avatangiiseqarlutit, tassanilu ineriartornermut namminerlu inissisimanermut sunniuteqarneq sulinermilu qaffakkiartorneq pitsaalluinnartuullutik.

 

TELE-POST
Anguniakkap ’TELE-POST-ip silarsuaq qanillisippaa’-p ataani ingerlatseqatigiiffiup sulisui 400-jungajaat sulipput Kalaallit Nunaanni tamarmi nalunaarasuartaateqarnikkut attaveqaqatigiinnermik pilersitsiniarlutik qulakkeerinninniarlutillu. TELE-POST-ip qullersaqarfia Kalaallit Nunaanni illoqarfiit pingaarnersaanni, Nuummi, inissisimavoq.  
 

TELE-POST pillugu annerusumik atuarit uani: www.telepost.gl

 

Atorfik pillugu apeqqutissaqaruit, taava IT-mut pisortaq Emil Kleemann, TELE-POST-imi e-mailimut uunga attavigisinnaavat: EMK@telepost.gl, mobil: +299 386460

 

CV-t qinnuteqaatillu nassiuguk qinnuteqarnermut tuugassaq ”Søg jobbet online” ataaniittoq toorlugu. Qinnuteqartut ataavartumik nalilersuiffigisaratsigit, qinnuteqaativit piaarnerpaamik tigunissaa qilanaaraarput.

Tusarfiginissat qilanaaraarput.

Søg jobbet online