Skip to main content
85

Dette jobopslag er udløbet

TELE-POST-imi Paasissutissiinermut immikkoortortaqarfimmi sillimaniarnermi ataqatigiissaarisoq

Sillimaniarnermi ataqatigiissaarisoq / suliniutinut aqutsisoq sillimarniarnermi suleqatigiinni ujartorparput, paasissutissiinermi sillimaniarnermik, ISMS-imik, IS27001-imik suliaqassaatit suliffimmilu attaveqaatitut, siunnersortitut sinniisutullu atuutissallutit.

 

Atorfik pillugu:
Paasissutissiinermi Sillimaniarnermut Immikkoortortaqarfimmi Aningaasaqarnerup ataani sulisunut atuuffiusumut ilaalissaatit.

 

TELE-POST-i paasissutissiinermi sillimaniarneq qitiutippaa, taamaattumik sillimaniarnermi iliuuseqarneq qitiusumit ataqatigiissaarneqarpoq, taamaasilluni suliffeqarfimmi tamarmi salliutinneqarluni. Suleqatitit pingasut aamma Paasissutissiinermi Sillimaniarnermut Pisortaq misilittagartuut peqatigalugit, TELE-POST-ip illersorneqarsinnaasumik sillimaniarnermi attassiinnarnissaani peqataassaatit.

 

Sillimaniarnermut Immikkoortortaqarfiup pingaarnertut pingasut isumagisarai; Tigussaasumik sillimaniarneq, qarasaasiakkut sillimarniarneq aamma Paasissutissanut inunnut tunngassuteqartunut sillimarniarneq. Immikkoortut taakkua pingasut tamarmik suliamik akisussaasumit isumagineqarput, taassuma ulluinnarni ingerlatsinneq isumagisaraa aammalu TELE-POST-ip immikkoortuini immikkoortortaqarfiinilu sulinermik ingerlatsisunik ataqatigiissaareqataasarluni.

 

Sillimaniarnermi ataqatigiissaarisutut suliassaqarfiit pingasut pingaarnerit akornanni ataqatigiissaarisutut atuutissaatit, qulakkeerinnittuullutit kiisalu immikkoortortaqarfiit akimorlugit suleqatigiinnermik atuuffeqassallutit, ilisimasanik avitseqateqarlutit kiisalu Sillimaniarnermut Immikkoortortaqarfiup aallartitaatut atuutissallutik kiisalu suliffeqarfiup sinneranut attaveqaqatigiinnermi akisussaasuussallutit.

 

Tunngaviusumik IT-mik kukkunersiuinermi aamma ISAE3402-mik uppernarsaatit ISO27001-imut aalajangersimasumik atorneqartartumut naleqqiullugit uuttorneqartarput, Sillimarniarnermilu Ataqatigiissaarisup taakkua ulluinnarni ingerlatsinermi aamma sillimaniarnermi iliuutsit aalajangersimasunut atortakkanut naapertuunnissaat isumagisussaavaa, taamaasillunilu TELE-POST-ip naammassisassai qulakkeertarlugit.

 

Kinaassutsit:
Sillimaniarnermi Ataqatigiissaarisutut suliaqarneq atorfiuvoq tamatigoortoq, IT-mit ingerlatsinerup teknikkimik piginnaasannik, suliniutinik annertuunik, attaveqaqatigiinnerup tamatigoortup iluani piginnaasannik kiisalu qarasaasiakkut saassunneqarartarsinnaanermut ataavartumik nakkutilliineq.

 

Taamaattumik inuttut qanoq innerit, ilinniarsinnaassutsit, suleqatigiissinnaassutsit attaveqaqatigiissinnaassutsillu pingaanerpaapput.

Ilinniakkamik naammasserlaajusinnaavutit ukiualunni sulinermik misilittagaqarlutit, tamanna suliffeqarfimmi teknikkikkut oqimaatsumi atortorissaaruterpassuarnik imaqartumi sillimaniarnikkut sulinermi ataqatigiissaarinerup tunngavigaa, illit atorfimmi siuariartorneq kajumigigukku piginnaasaqarfigalugulu suliatigut inuttullu ineriartornissannut periarfissaqarluassaatit. Ima ittuunerit pingaartipparput:

  • Misissueqqissaartartuuvutit, nammineersinnaalluartoq aammalu suliat naammassilluarnissaannik pingaartitsisuuvutit
  • Tatiginartuuvutit uppernassuseqarlutillu oqaluttariarsornermi allattariarsornermilu erseqqissumik ingerlatitseqqiisarlutit
  • Ilisimasanik avitseqateqarsinnaavutit kiisalu suleqatikkuminartuullutit, suliffeqarfiup iluani avataanilu
  • Inatsisit imarisaat paasinartunngorlugit avammut ingerlatitseqqissinnaavatit
  • Suleqatinut teknikkimik suliaqanngitsunut ajornartorsiutit teknikkimut tunngassuteqartut oqariartuutigisinnaavatit

 

Neqeroorutigaavut:
Suliffik pissanganartoq unammilligassanik ulikkaartoq, ulluinnarni suleqatit piginnaasallit akornanniiffigisat, suleqatit suliassamut kajumissusilerujussuit. Suliamut tunngatillugu inuttullu ineriartornissamut periarfissaqarluartitsisoq. Sulisussarput eqqortoq piginnaasani naapertorlugit akissarsiassaminik neqeroorfigineqassaaq.

 

Illiua suleqatissarput?
Atorfik pillugu paasissutissanik sukumiinerusunik perusukkuit, paasissutissiinermi sillimarniarnermi pisortamut Rasmus Lauridsenimut, rla@telepost.gl-imut attaveqarnissannut tikilluaqqusaavutit.

 

Qinnuteqaatit aamma oqaloqatigiinnerit:
Qinnuteqaatinik e-mailikkut tigusaqarneq ajorpugut. Qinnuteqaatit (qinnuteqaat, CV kiisalu uppernassaatit sinneri attuumassuteqartut) nittartakkami innersuussivimmut tuaviornerpaamik TELE-POST-ip job-portalianut nassiutikkit: https://mkjobtelepost.azurewebsites.net/kl-GL/Application.aspx?VID=2021-04-01

TELE-POST-ip qinnuteqaatit takkuttut ingerlaavartumik suliarisarpai ullorlu qinnuteqarnissamut killigititaasoq nallertinnagu piukkunnaatilinnik aggersaanissamut imminut pisinnaatilluni.

 

TELE-POST – nunarsuarmiut qaninnerulersippai