Skip to main content
89

TELE-POST -imi atortorissaaruteqarfinnut immikkoortortaqarfimmik nutaaqqinnaamik pilersitseqataarusuppit?

Ataqatigiissumik aaqqissuussinermik aserfallatsaaliuinerup pingaassusaa ilisimaariviuk? Illuliallu ingerlannerini allaffissorneq pisariaqartinneqartoq ineriartortissinnaaviuk? Sanasutut paasisimasaqarpit? Konstruktørillu qaavaniit isiginnissinnaaneq piginnaaneqarfigalugu? Sanaartornermi pilersaarusiornermilu qulaaniit ataavartumik - sivikinnerusoq sivisunerusorlu eqqarsaatigalugit - isiginnissinnaavit?

Atortorissaaruteqarfinnik immikkoortortaqarfitsinni suleqatigiit suleqatigissavatsigut. Ukiorpassuarni misilittagalik aqutsisuusinnaasoq, imaluunniit misilittagaqarpallaanngikkaluarluni nutaanik ilinniagaqarusuttoq atorfissaqartipparput.

Atorfissat pilllugit:
TELE-POST Kalaallit Nunaat tamakkerlugu arlalinnik illuuteqarpoq.

Illuutit assigiinngisitaartunik type-nik sanaartugaapput atuuffeqarlutillu. Nunaqarfinni qaqqallu qaavini illuaqqat teknikkimut atorneqartartuniit illorsuarnut, sulisut ineqarfiinut kiisalu allaffeqarfinnut.

 

Suleqatigiinnut aqutsisutut akisussaaffigissavat ilusilersugaalluartumik ineriartortitsineq, aserfallatsaaliuineq, illuutinillu ataatsimoortumik ingerlatsineq. Illuutini illuliornermilu teknikkikkut ivertiterinermut ineriartortitsinermut aserfallatsaaliuinermullu pilersaarutit ingerlatissavatit kiisalu ukkatarinninnikkut pisariitsumik atuutilersitsineq isumannaartassallugu. Illuutit ataavartumik qaffasissumik isumannaallisaanikkut isumannaassuseqarnissaat, isertarfiit isumannaatsuunissaat, nakkutiginninneq ikuallajaallisaanerlu illit akisussaaffigissavatit. Suleqatigiinnut aqutsisutut akisussaaffigissavat sulisut tamarmik pikkoriffitik atorlugit tunniusseqataasarnissaat, ataatsimullu suliaqarnermi pitsaassutsimik qaffasissumik tunniussisarnissaq.

 

Atortorissaaruteqarfinnut immikkoortortaqarfimmi suleqataaninni ilisimasatit tunniussinnaasatillu iluaqutigalugit suliamut pikkorissuseq qaffasissoq nalingalugu tunniussisarnissat pingaaruteqarpoq. Suliamut pikkorissuseq qaffasissoq malitassatut atuutsissavat siumullu isigalutit sanaartornermi aserfallatsaaliornermi ineriartorneq malinnaaffigalugu.

Suliffeqarfiup aaqqissuussaanera isigissagaanni immikkoortortaqarfimmi suleqatigiit TELE-POST-imi Atortorissaaruteqarfinnut Nukissiuuteqarnermullu immikkoortortaqarfimmut atassuteqarput. Tassaniipput nukissiuuteqarnermut suleqatigiit kiisalu suliniutinut suleqatigiit.  Suleqatigiit aqutsisuat Atortorissaaruteqarfinnut Nukissiuuteqarnermullu immikkoortortaqarfimmi pisortamut attaveqartuussaaq. 

Atorfinni taakkunani marlunni aallartarnissaq naatsorsuutigineqassaaq, pingaartumik Kalaallit Nunaanni.

Atorfinnut marlunnut sulilertussanit naatsorsuutigaarput;

  • Illuliornermi sanaartortutut konstruktøritut assigisaannilluunniit ilinniagaqarsimasuunissat
  • Ilusilersorluakkamik ataqatigiissumillu aaqqissukkamik illunut aserfallatsaaliuineq ilisimasaqarfigissagit
  • Aserfallatsaaliuinermi pilersaarusiorneq illullu qanoq issusaannik nalilersuisinnaaneq ilisimasaqarfigissavatit
  • Sanaartornermi aserfallatsaaliuinermilu ingerlatsineq suliariumannittussarsiortarnerlu misilittagaqarfigissavatit
  • Illuuteqarnermi suliniuteqarnermilu allaffissorneq aningaasanillu aqutsineq ilisimasaqarfigissavatit
  • Inatsisit attuumassutillit, AP 95 ilanngullugu, ilisimasaqarfigissavatit
  • Sullissiumatuujussaatit, suliffeqarfimmi suleqatinut kiisalu avataaniit suleqatinut - soorlu siunnersortinut, sanasunut pisiortorfinneersunullu suleqatikkuminartuullutit
  • Oqaatsitigut pisinnaasaqarluartuussaatit – Kalaallisut oqalussinnaaneq iluaqutaassaaq piumasaqaataananili

 

Suleqatigiinnut aqutsisutut aamma naatsorsuutigaarput;

  • Aqutsineq suliniummillu aqutsineq misilittagaqarfigissavatit
  • Isumaqatigiissutinik ingerlatsineq, attaveqaqatigiinnernik nangitsineq nakkutilliinermilu suliassat misilittagaqarfigissavatit
  • Akisussaasusermik pingaartitsisuussaatit piumassuseqartuussallutillu
  • Naammassinnillaqqissuussaatit

 

Uagutsinni suliffimmi qaffakkiartorusuppit?

Suliffik tassaavoq periarfissanik unammillernartunillu ulikkaartoq, suleqatigiilluta nutaaliorfigisinnaasarput. Kiffaanngissuseq annertooq misigissavat, suliamut tunngasumik, inuttullu ineriartorneq aamma periarfissarissallugit. Atorfik pillugu apeqqutissaqaruit Immikkoortortaqarfimmi pisortaq Søren S. K. Pedersen TELE-POST-imut attavigisinnaavat uunga e-mailerlutit: spe@telepost.gl.

 

Qinnuteqarneq oqaloqateqarnerlu:
Suliffissarsiornermi qinnuteqaat onlinekkut TELE-POST-ip suliffissarsiortunut qupperneratigut nassiussinnaavat, kakkiullugillu qinnuteqaatit CV-llu. Aqagumut utaqqisinnagu ullumikkut qinnuteqaruit pitsaaneruvoq, qinnuteqaatit takkukkaangata isumagisassagatsigit. Tusarfiginissat qilanaaraarput.

 

Ingerlatsivik

Takorluukkap: ’TELE-POST nunarsuarmioqataanermut tunngavissiivoq’ ataani ingerlatsiviup sulisui 400-t missaaniittut Kalaallit Nunaat tamakkerlugu attaveqaqatigiinnermut ataqatigiissaarineq nutaaliaasoq pilersinniarlugu qularnaarniarlugulu suliniuteqarput. TELE-POST-ip allaffissua Nuummi inissisimavoq.


 

TELE-POST pillugu uani paasisaqarnerusinnaavutit: www.telepost.gl

Atorfik una qinnuteqarfigiuk