Skip to main content
90

Dette jobopslag er udløbet

TELE-POST digitali atorlugu pilersitsisinnaanermik piginnaasalimmik ilinniartitsisussarsiorpoq

Ilinniarnermik, nutaaliornermik it-mullu atortunik soqutiginnittuuit aammalu ilinniartitsineq kodiinerlu piginnaasaqarfigalugit? Suliffeqarfissuup inuiaqatigiinnut akisussaaqataasutut alloriarnermik ataatsimik alloriaqqinneranik suliaqartuni suleqatigiinni suleqataarusuppit aammalu meeqqat inuusuttuaqqallu ineriartortinneqarnerat suleqataaffigerusuppiuk? Suliniuteqarfinnik nutaanik pissanganartunillu ineriartortitsisinnaavit digitali atorlugu nutaaliorluni ilinniartitsinermik ingerlatsinermut siuttuullutit?

 

TELE-POST meeqqanik inuusuttuaqqanillu suliaqarnermik misilittagalimmik ilinniartitsisinnaasumik tunniusimasumik pissarsiorpoq. Ilungersuussillutit pilersitsisinnaassuseqassaatit, teknologiimik digitalimillu ineriartortitsinerit meeqqat inuusuttuaqqallu ulluinnarni inuunerannut ilaatilernissaat ilisimasaqarfigissallugu piumassuseqarfigissallugulu.

 

Suliassatit pingaarnerit tassaassapput:

  • suliassanut nutaamik ineriartortinneqartussanut, meeqqat inuusuttuaqqallu digitalip ineriartortinneqarnerata pilersitaanut periarfissanut ilisimasaannik annertunerulersitsisussanut, suleqataanissaq
  • digitali atorlugu nutaaliornermik Kalaallit Nunaanni tamarmi atuaqatigiiaanut ilinniartitsisuinillu ilinniartitsinerup ingerlanneqarnissaanik pilersaarusiorneq naammassinninnerlu
  • kajumissuseq tunngavigalugu ingerlanneqartup ’Coding Pirates’-ip ataqatigiissaarnera.

 

TELE-POST-ip ’Coding Class’ Kalaallit Nunaannut eqquppaa. Coding Class ilinniartitsinissamut najoqqutassiaavoq, tassanilu nutaaliorneq kodiinerlu qitiupput, uagullu anguniagaraarput najoqqutassiap Kalaallit Nunaanni tamarmi atuarfinnut neqeroorutigineqarsinnaalernissaa. Nunarsuup sinnerani meeqqat allat assigalugit, meeqqat inuusuttuaqqallu digitalimik ineriartortitsinermik malinnaanissamut periarfissat taakku aamma periarfissarissagaat ilungersuutigissavarput.

 

Illit kinaavit?
Illit inuttut tassaavutit meeqqanut inersimasunullumi isumassarsisitsisinnaasoq, ammasuunikkut suleqatiginnissinnaassuseqarnikkullu pimoorussinermik sunniuteqarsinnaassutsimillu takutitsisoq. Ilinnut pissusissamisuuginnarpoq inunnut katersorsimasunut amerlasuunut akuunissaq aammalu qanoq pisoqarneranik malussajasuullutit, tamannalu ersersittarlugu ammasuunikkut kiinneraartuunikkullu. Illit:

  • nutaaliorneq teknologiillu nutaat misilittagaqarfigalugillu soqutigisaraatit aammalu digitalimik atuileriartornermi ilinniartitsinermik ingerlatsinerit pissanganartut ineriartortinnissaat piginnaaneqarfigalugit
  • it-mut atortunik, ass. Scratchimik, Microbitsimik kodiinermulluunniit atortunik allanik ilinniartitsissuteqarnermik misilittagaqarputit
  • meeqqanik inuusuttuaqqanillu suliaqarnermik ilinniarsimasuuvutit – tassaasinnaavoq ilinniartitsisutut, perorsaasutut allatulluunniit
  • Coding Classimik sulianilluunniit assingusunik misilittagaqarnerit iluaqutaassaaq.

 

Neqeroorutigaagut:
Piffissaq suliffiusussaq tamaat suliffigalugu atorfinitsitsineruvoq, isumaqatigiissuteqarneq naapertorlugu sulilerfiusussaq, piginnaasatillu aallaavigalugit ataatsimoortunik akissarsiaqarfiusoq. Suliffeqarfimmi ineriartortitsinermik soqutigisalimmi kinguaariinnillu tullernik soqutigisaqarfiusumi suleqatigiinnermik nukittuumik aaqqissuussaasumi, suleqatigiinni tunniusimasuni aammalu sulinermi pitsaasumik avatangiisilimmi, suleqataalissaatit.

 

Paasissutissat allat:
Atorfik pillugu allanik paasisaqarumagit, Sulisoqarnermut immikkoortortaqarfimmi pisortaq Helena Rotvig Kristiansen attavigisinnaavat uunga tlf.: 38 61 60.

 

Qinnuteqarneq oqaloqatigineqarnerillu:
Qinnuteqaatinik e-mailikkut tigusineq ajorpugut. Taarsiullugu qinnuteqaatit (allaganngorlugu CV-tullu) TELE-POST-ip suliffissarsiornermut isertarfianut piaarnerpaamik nassiutissavat.

TELE-POST-ip qinnuteqaatit tigusani ataavartumik suliarisarpai. Atorfik pillugu oqaloqatigineqarnerit taamatuttaaq ataavartumik ingerlanneqassapput.

TELE-POST-ip – silarsuaq qaninnerulersippaa

 

Atorfik una qinnuteqarfigiuk