Skip to main content
73

Dette jobopslag er udløbet

TELE Erhverv-imut Account Manageri

Illit tassaavit Account Managerissarput nutaaq tatiginartoq?

 

TELE-POST-ip Suliffeqarfinnut sullitanut immikkoortoqarfiani Account Managerimik pissarsiorpugut, suliffeqarfinnik sullissisuvut peqatigalugit internetimut, telefonimut, netværkinut aamma Nunatsinnut tamarmut IT-nik naleqarnerulersitsisartunik aaqqissuutissanik suliaqartussanik.

 

Atorfiup suunera aamma immikkoortortaq:
Siunnersuisarnermik, nioqquteqarnermik, ataqatigiissaarinermik aamma suliniutinik aqutsinernik Account Manageritut suliffeqarfinnut maanna sullitatsinnut nutaassanullu  akisussaasuullutit sulissaatit. Pingaaruteqarpoq atuisartutta pisariaqartitaannik paasinnilluartuunissat – tassa mobilinik nioqqutinit nalinginnaasuniit netværkikkut aaqqiissutissanut ajornarnerusunut.

Suliffeqarfinnik sullisseqatigiinnut tunniusimalluartunut ilaalissaatit, piumassuseqarluartunut aamma nuannaartuaannartuusunut. Suleqatissatit piareersimajuaannassapput tapersersoqatigiillutik ikioqatigiinnissaminnut. Illit suliassavit qanoq ingerlannissaannut pilersaarusiornissatit kiffaanngissuseqarfigissavatit, tatiginassuseq akisussaaffeqarnerlu qitiutinneqassallutik.

 

Sullitatsinnut Nunatsinni ’Enterprisekundinik’ taasartakkatsinnut illit siunnersuisuullutillu, pilersaarusiortuullutillu, ataqatigiissaarisuullutillu, suliat ingerlaqqinnissaannut akisussaasuussaatit, taamaattumik naatsorsuutigaarput illit:

 

·      Taaneqartut iluini aaqqiissutissanik naleqarnerulersitsisunik sullissilluarnermillu atuisartuvut neqeroorfigisassagitit Suliffeqarfinnut immikkut ilisimasallit suleqatigalugit

·      Attaveqaatinik pitsaasunik ataavartussanillu pilersitsilluarsinnaassasutit

·      Nioqquteqarnernik aamma suliniutinik suliaqarnernik misilittagaqarluassasutit, suleqatigiillu iserfigilluarsinnaagitit

·      Tatiginassuseqartuusutit, suliumatuujullutit, pilersitsiumatullutit isumagissaartuullutillu.

·      Akisussaaffimmik tigusisinnaavutit, eqaatsumik suleriaaseqarlutit suliassanillu assigiinngisitaartunik ingerlataqarsinnaallutit

·      Allallaqqissuuvutit oqallorissuullutillu

 

Piginnaasatit:
Sivikinnerpaamik ukiunik marlunnik nioqquteqarnermik, suleqatigiinnermik, pilersaarusiornermik aamma ataqatigiissaarinermik misilittagaqarputit. IT-nik aamma/imaluunniit telefoninik suliaqarnermik ilisimasaqarnerit iluaqutaassaaq. Danskisut tuluttullu oqalulluarsinnaavutit, aamma kalaallisut oqalussinnaaguit ajornavianngilaq. IT-nik ilisimasaqarluartuuvutit, uani Office-pakken aamma Axapta pineqarput. Prince2-mut allagartaqaruit iluaqutaassaaq.

 

Neqeroorutigaavut:
TELE-POST-imi atorfik unammillernarluartoq suleqatit pikkorissut aamma piumassuseqarluartut aamma suliassaminnut tunniusimalluinnartut akornanni. Suliannut tunngasutigut inuttullu ineriartornissannut periarfissaqarluarpoq, illillu piginnaasatit najoqqutaralugit akissarsiaqarnissat neqeroorutigaarput.

 

Ilinnut pilerinarpa?
Atorfik pillugu annertunerusumik paasisaqarusukkuit Suliffeqarfinnut sullitatsinnut pisortaq Laila M Kristensen attavigisinnaavat e-mail LKR@telepost.gl imaluunniit oqarasuaat +299 38 65 21.

 

Qinnuteqaat aamma oqaloqatigiinneq:
TELE-POST-ip qarasaasiakkut sulisussarsiuussisarfiatigut atorfik piaarnerpaamik qinnutigiuk, CV-t ilanngullugu nassiullugu. Qinnuteqaatit takkussuunneri najoqqutaralugit TELE-POST-ip suliarisarpai, qinnuteqarfissarlu suli naanngikkaluartoq qinnuteqartunik piukkunnarluartunik oqaloqateqarnissaminut imminut pisinnaatilluni.

 

Qinnuteqarnissamut killissarititaasoq: marsip 7-at 2021