Skip to main content
122

Dette jobopslag er udløbet

Teknikimut tunngasunut suliniutinut aqutsisoq – TELE-POST-imi attaveqaatit aqqutaat pitsanngorsarniarpiuk?

Kikkuuvugut?
TELE-POST-ip Kalaallit Nunaanni innuttaasut nalunaarasuartaatikkut, IT-kkut aamma allakkeriveqarnikkut attaveqaqatigiinnikkut sullitarai. TELE-POST-ip BSS-imik immikkoortortaqarfiata qullersaqarfia Nuummiittuuvoq, suliffeqarfiup akiliisitsisarnermut atortuinik, kiisalu tassunga attuumassuteqartunik atortunik allanik tunngaviatigut sullissinitsinnik tapertaasunik ingerlatsinermik aamma ineriartortitsinermik suliaqartartuulluni.

 

Ujartugarput tassaavoq

TELE-POST-ip BSS-imut immikkoortortaqarfimmi teknikimut tunngasunik suliniutinut aqutsisussarsiorpoq, taassuma suliniutinut aqutsineq aamma IT-mut nalunaarasuartaatikkut attaveqaqatigiinnermut tunngasunik suliniutinut arlaqartunut pissanganartunullu sillimmataasartussatut suliaqartartussaq. Tamakku suliffeqarfitsinni aningaasarsiornermut immikkoortortaqarfitsinnit suliniutissatut kissaatigisaasa piviusunngortinneqarnissaannut pingaartillugit ilaatinneqassapput, kiisalu suliniutit maannakkut qanoq aaqqissuussaanitsinnik pitsanngortitsisunik.

 

Suliniutit isumassarsiarineqarneranniit immikkut nalunaarsorfissaasa naammassineqarnissaasa tungaannut  illit pingaarnertut suliassaraatit.

 

Illit suliassatit pingaarnerit tassaapput:

 

  • immikkut nalunaarsorfissamik suliaqarneq
  • tekniskiusut nalunaarsorfissaqarnissaasa qulakkeernissaat
  • suliniutinut attuumassuteqartut suliassat ataqatigiissaarnissaat aamma pilersaarusiornissaat
  • piumasaqaatit suliffeqarfiup sinnerani atuutilersinneqarnissaat
  • suliniutit ingerlanneqareersut malinnaaviginissaasa qulakkeernissaat
  • uppernarsaasersuutinik qulakkeerinninneq

 

Kissaatigaarput

TELE-POST-ip kissaatigaa illit IT-mik aamma/imaluunniit nalunaarasuartaatikkut attaveqaqatigiinnermik misilittagaqartuunissaat aamma/imaluunniit ingerlaqqiffiusumik IT-mik/teknikimut tunngasumik ilinniagaqartuunissat. Tamatuma saniatigut kissaatigaarput illit piginnaanerit arlaqartut tulliuttut piginnaaneqarfigigitit: 

 

  • suliffeqarfiit anginerusut aaqqissuussaaneranni suliniutinut aqutsinermut misilittagaqarneq
  • IT-mut atortuni annertuuni allannguutinik atuutilersitsineq
  • aaqqissuussaanerup aamma uppernarsaasersuuteqarnerup pisariaqarneranik paasinninneq
  • illit suliniutinnit sullitap anngussiffiusup kingullerpaap qanoq sunnerneqarnissaanik paasinninneq
  • sullitap misigisaqarluarnerunissaanik kissaateqarneq
  • ammasuuneq
  • angusaqarusussuseqartuuneq
  • danskisut aamma tuluttut piginnaasaqarneq

 

Iluaqutaassaartaaq illit Prince2-mut aamma ITIL-imut allagartaqaruit – taamaanngippat tamanna ilinnut neqeroorutigisinnaavarput.

 

Neqeroorutigaavut

TELE-POST-imi BSS-imut immikkoortortaqarfimmi suleqataasutut illit suleqatigiinni ilaalissaatit TELE-POST-imi atortunut annerpaanut arlaqartunut akisussaaffeqartunut, tassunga ilanngullugu akiliisitsisarnermut atortutsinnut, sullitanut atortumut kiisalu toqqaannartumik isertarfitsinnut. BSS-imut immikkoortortaqarfik sullivimmi avatangiiseqarput pitsaasuusunik, tassani isumagissuuneq pingaartinneqarluni, aammattaaq ilaannikkut ulapaarfiusaraluarluni. Neqeroorutigaarput atorfik unamminartoqarfiusoq, sullivimmi uummaarissaarfiusumi suleqatit piginnaanillit akornanni, taakku suliaminnut suliffimminnullu aallussilluartuusut.

 

TELE-POST suliffeqarfik tassaavoq periarfissaqartitsisoq aamma aallussilluarfiusoq ineriartortuartorlu. Atorfeqartutut Kalaallit Nunaanni attaveqaatit digitaliusut atorlugit pitsanngorsaaqataaneq peqataaffigineqarpoq tamatumunngalu atatillugu inuiaqatigiit Kalaallit. Tamatumunnga ilanngullugu TELE-POST-imi sulisut iluarisimaarinninnerat qaffasippoq, kiisalu suliatigut aamma inuttut ineriartornissaq periarfissiissutigineqarpoq.

 

Suliffiup avataani aammattaaq sammisassaqarnissamut periarfissaqarluarfiuvoq, illit Kalaallit Nunaanni pinngortitap alianaatsoq qanimut misigisaqarfigisinnaassavat soorlu assersuutigalugu piniarnermi, aalisarnermi, imaatigut angalanermi, pisulluni timaanukarnermi, sisuupiloorluni sisorarnermi aamma ujakkaarnermi. Tamakku saniatigut timersornermi aamma kulturikkut misigisassat assigiinngitsunik.  

 

Akissarsiatigut aamma allatigut piumasaqaatit aalajangersakkat malillugit isumaqatigiissutigineqassapput.

 

Soqutiginnippit?
Atorfik pillugu apeqqutissaqaruit immikkoortortaqarfimmi pisortaq Nikolaj Christoffersen tlf.  +299 386 463 saaffigisinnaavat. Sulisussarsiornermut tunngatillugu apeqqutissaqaruit IT-mut sulisussarsiornermut siunnersorti Jobindex-imiittoq Søren Møller tlf. +45 72 45 90 28 attaveqarfigisinnaavat.

Paasissutissat ilinnut tunngasut (CV) aamma qinnuteqaatit qinnuteqarnermut attataasaq ataaniittoq ”Søg jobbet online” aqqutigalugu nassiutikkit. Sapinngisamik piaarnerpaamik atorfinitsitsisoqassaaq, kisianni soorunalimi piukkulluagarput utaqqissavarput.

 

Søg jobbet online