Skip to main content
80

Tasiilami TELE-POST-ip sullivianut teleteknikkeri

 

Teknikeriuvit misilittagaqarluartoq, ajornartorsiutillu aaqqinnissaannut nammineerlutit sulisinnaassuseqarluarlutit?

Nammineersinnaasumik, akisussaassuseqarluartumik Teleteknikkimullu pisinnaasaqarluartumik TELE-POST Tasiilami sullivimmi maannakkorpiaq pissarsiorpoq, 1 januar 2020, isumaqatigiissuteqarnikkulluunniit, sulilersussamik.

Atorfik pillugu:
Tasiilami sullissivik teleteknikkerimik 1-mik aamma fieldsservice teknikkerinik marlunnik sulisoqarpoq. Taamaattumik illit piareersimaffigissavat annertuumik nammineertitaanissat, tunniussimalluinnarnermik annertuumillu akisussaassuseqarnermik piumasaqaatitalimmik.

Suliffiup aaqqissugaanerani Nuummi teknikkikkut transmissionimut immikkoortortamut atassaaatit, taanna sisamanik ingerlatsinermut siunnersorteqarpoq, taakkuninnga suliannut ikiorneqartassaatit isumasioqatigiittassaasilu. Suliassat tassaanerussapput Tasiilami nunaqarfiinilu tallimani aamma telep atortoqarfiini tallimani teknikkikkut atortuutinik ineriartortitsineq, aserfallatsaaliineq, aamma  ajoqutinik sammivinnut kukkunernik aaqqissuussinerit. Taakkua saniasigut aamma Illoqqortoormiuni suliassaqartassaaq, akutsunngitsumillu taavunnartarnissaq naatsorsuutigineqarsinnaavoq.

Suleqatitaatsitut sulinerit aqqutigalugu teknikkikkut pisinnaasavit ineriartortinnissaannut periarfissaqarluassaatit, ilaatigut makkunatigut:

  • Teleteknikkikkut qaammataasanut attaveqaatinut atortut, radiukkut attaveqaatit, FM, AM aamma nassiussissutit DVB-T,kiisalu HF aamma VHF-ikkut sinerissap qanittuani angallatinut timmisartunullu atassuteqaatit attaveqartuarnissaat qulakkiissallugu.
  • Sanaartugassanut aamma ineriartortitsinermut suliniutissaqartillugu suliamut attuumassutilinnik suliassanut peqataasarnissaq.

Angalasarnissat naatsorsuutigissavat, angalanerillu ataasiakkaat ullunik arlalinnik sivisussuseqartarsinnaapput. Helikopteri angallalluunniit attartugaq angallatigineqarnerusassapput.

Inuttut ilisarnaatitit:
Elektronikfagteknikkeritut assigisaanilluunniit ilinniagaqarsimasuuvutit, atorfimmullu assigusumik siusinnerusukkut atorfeqarsimanikkut misilittagaqarputit imaluunniit teleteknikkimik suliaqartarsimallutit.

Pingaartipparputtaaq nammineersinnaassuseqarnissat, akisussaassutsimik misigisimalluarnissat, peqqissaartuunissat, suliassavillu piffissaq eqqorlugu naammassinissaat sapertassanngikkit. Taavalu suleqatinnik oqarasuaatikkut oqaluussillutit suleqatiginnilluarsinnaasariaqarputit. Tamatigut suliartortartuuvutit aamma suliffik ullut ilaanni ulapiffiusaqisoq suliffigissallugu sapiissuseqarfigivaat.

Attaveqaqatigiinnermut silaannakkut avataarsuatigullu atassuteqaatit ( qaammataasat, radiokæde, radio/tv, telefoni) ilisimasaqarfigaatit, taakkualu akunnerminni ataqatigiinnerat misissoqqissaarsinnaallugu. Kalaallisut, qallunaatut tuluttullu oqalussinnaallutillu allassinnaavutit.

Neqeroorutigaavut :
Suliffik pissanganartoq periarfissarpassualik aamma unammillernartorpassualik. Annertuumik kiffaanngissuseqarnissat misigissavat, aamma inuttut ilinniagarisimasakkullu  ineriartorluarnissat periarfissaqarluassaaq. Pisinnaasatit najoqqutaralugit akissarsiaqarnissat ajunngitsorsiaqarnissallu neqeroorutaassaaq aamma suliffimmut atatillugu inissaqartitsisoqarpoq.

Soqutigaajuk?
Atorfik pillugu paasisaqarnerorusukkuit Immikkoortortami pisortaq Søren S.K. Pedersen attaveqarfigisinnaavat tlf. +299 386324, e-mail spe@telepost.gl,

Qinnuteqaat oqaloqatiginninnerlu:
Una aqqutigalugu qinnutigiuk https://mkjobtelepost.azurewebsites.net/kl-GL/Application.aspx?VID=2019-11-04 , qinnuteqaatit CV-llu kakkiullugit, kingusinnerpaamik 15. december 2019. Qinnuteqaatit takkussuunneri najoqqutaralugit TELE-POST qinnuteqaatit suliarisarpai, qinnuteqarfissamullu killiliussaq sioqqullugu qinnuteqartumik oqaloqateqarnissaminut imminut pisinnaatilluni.