Skip to main content
111

Dette jobopslag er udløbet

Sulianik ingerlatsinermut siunnersorti

 

Niuernermik ingerlatsiviup pisariaqartitai takusinnaavigit? Suliffeqarfimmi teknikkimik ingerlatsiviusumi allanngornernik aammalu sulianik pitsanngorsaajuarnernik inernilersuillaqqippit? Suliffiup iluani aammalu avataani suleqatigisanit pilersuissutigineqartut ataqatigiissaarsinnaavigit?

Taamaassimappat imaassinnaavoq illiusoq TELE-POST-ip Sulianik ingerlatsinermut siunnersortissaa nutaaq.

 

TELE-POST-imut tikilluarit

TELE-POST-imi sulisut 400-nit amerlaneruvugut, imaani kabelimik 4.598 km-isut takitigisumik, 1.500 km-isut isorartutigisumi sakkortusaavimmik aammalu ækvatorip qulaani 35.000 km-isut qutsitsigisumi qaammataasatsinnik ataavartumik ingerlatsinermik ineriartortitsinermillu suliaqartunik. Immikkoortortaqarfik suliffeqarfik akimorlugu pilersaarusiorfiusoq – ’Planning’ – suliffeqarfitsinnut pingaarutillit ilagaat, taannami pilersaarutit suliassalu allanguisussat annertuut aqqusaartarpaat. Sulianik ingerlatsinermut siunnersortitut qitiusumi inissisimallutit sulinissaq kajungerissavat, illimmi sulinikkut tapiliussavit TELE-POST-imi tamarmi ataatsimoorussamik suliassat suliallu ingerlanneqartut nukittorsassammatigik.

 

Suliassatta pitsaanerpaamik suliarinissaannik ikiortigut

Immikkoortortaqarfik TELE-POST-ip Nuummi qullersaqarfiani inissisimavoq. Tassani sulisut pingasut, tamarmik immikkut suliaqarfimminni isumalluutit isumatunerpaamik atorneqarnissaannut aammalu Ingerlatseqatigiiffiup pilersaarumminik pingaarnersiuineranut atasumik akisussaasuusut suleqatigilissavatit.

 

Sulianik ingerlatsinermut siunnersortitut suliassat pilersaarusiallu ingerlanneqarnissaat akisussaaffigissavat, tassani suliaqarfiit suliffeqarfillu akimorlugit ukkatarineqassapput pisariillisaaneq pitsanngorsaanerlu, taamaattumik suleqatitit naligalugit nukittuumik ingerlatitsisuunissat pisariaqartinneqarpoq. Suliffeqarfik akimorlugu suleqatit assigiinngitsut pitsanngorsaataasinnaasunik paasiniaanermik suleqatigisassavatit, illillu sulianik ingerlatsinernik pitsanngortitanik ilusilersuinissaq aammalu tamakku sulinermut ilanngutsinneqarnissaasa qulakkeernissaat akisussaaffigissavat.

 

Sulianik ingerlatsinerup iluani piginnaaneqarluartuunissat ilisimasaqarluartuunissallu naatsorsuutigaarput aammalu suliffeqarfiup sulianik ingerlatsinermik samminerunissaata tungaanut ingerlanneqarnissaanik suleqataasinnaassasutit. Taamaalillutit ulluinnarni sulinitta pitsaassusaa aammalu niuernermik ingerlatsinitta qanoq ingerlanneqarnera qaffatsissavat.

 

Periarfissanik takunnissinnaassaatit qanorlu suliarineqarnissaat pilersittarlugu

Nammineq inunnguuserisannik eqinnaatsuussaatit, aaqqissuussaasumik inuuneqarnerpit angusaqarusussuseqarnerpillu suliat pitsaanerpaanik inerneqarnissaat qulakkiissallugit. Suliamut iseriarfissat arlaliusinnaapput, makkuli pingaartuupput;

• Qallunaatut, tuluttut ajornanngippallu kalaallisut allattariarsornikkut annertuumik piginnaaneqarneq

• Attaveqaqatiginnilluarsinnaaneq suleqatiginnilluarsinnaanerlu

• Suliffeqarfimmi tekniskimik (teknikkimut tunngasuunngitsunik) suliaqarfiusumi sulinissamut piukkunnaateqarneq aammalu suliffiup taamatut ittup paasisinnaanera.

 

Ilinniarnermik nangitsilluni ilinniagaqarsimassaatit aammalu sulianik ingerlatsinernik pitsanngorsaanernik siornatigut suliaqarsimassallutit. Pilersaarutinut aqutsisutut inissisimaneq nuannarisuussavat aammalu ass. LEAN-imik, ITIL-imik, ISO Audit-imik taaguutillit imaluunniit peqqissaarussilluni suliaqarnerit allat misilittagaqarfigissallugit.

 

Immikkoortortaqarfimmi pisortaq Bjørn Sigurdsson qullersarissavat. Suliamut tunngasunik apeqqutissaqaruit Bjørn attavigilluarsinnaavat uunga: +299 555220 imaluunniit bfs@telepost.gl-imut. Apeqqutinut nalinginnaasunut tunngatillugu Sulisoqarnermut immikkoortortaqarfiup pisortaa Helena R. Kristiansen attavigilluarsinnaavat uunga: +299 523868 imaluunniit hrkr@telepost.gl-imut.

 

Soqutiginnippit?

CV-iit qinnuteqaatillu qinnuteqarnissamut iserfissaq ”Atorfik una qinnuteqarfigiuk” toorlugu qinnuteqarit. Piaarnerpaamik atorfinittoqassaaq, piukkunnarnerpaarli soorunami utaqqimaartussaavarput.

 

Tusarfiginissat qilanaaraarput.