Skip to main content
107

Dette jobopslag er udløbet

Sisimiuni, Ilulissani Nuummilu Sullissinermut teknikeri / Teleteknikeri / Elektronikkimut fagteknike

Atorfik teknikkimik suliaqarfiusoq isersimaannanngiffiusorlu akisussaaffeqartumik annertuumik kiffaanngissuseqarfiusoq nuannaraajuk? Taamaassimappat illiusimasinnaavoq amigaatigisarput!

TELE-POST-ip sullitani nuannernerpaamik misigitittarumavai, taamaattumik teknikkimut pikkorissumik inuttullu ammasumik illoqarfigisami sullitatsinni aammalu allaffimminngaanniit ingerlatsinermi aserfallatsaaliuinermilu suliassanik suliaqarsinnaasumik sulisussarsiorpoq.

Suleqatitit peqatigalugit ulluinnarni suleqatigiiarannguussuusi, taamaattorli sulianut ilisimannilluartuullusi suleqatigiiussallusi. Taamaattumik nammineersinnaassuseqarnissat aammalu ullut suliffitit nammineerlutit pilersaarusiorlugillu naammassisaqarfigisarnissaat naatsorsuutigineqarpoq. Suleqatitit allat nunatsinni siammarsimasuupput, sianerfigeriaannaappulli ilitsersorneqarnissamik ikioqatigiinnissamillu pisariaqartitsissagaluaruit.

 

Suliaqarfiit

TELE-POST pingasunik suleqatissarsiorpoq, illoqarfinni ukunani pingasuni: Sisimiut, Ilulissat Nuummilu. Sumiiffinni taaneqartuni ataasiakkaartumik sulisussarsiorpugut. Suliassatit ilaatigut makkuusarumaarput:

•Kabelini suliaqarneq, soorlu kanngussammik fiberimillu, tassunga ilaallutik kabelinik nusutsineq, katiterineq, uuttortaaneq, allassimasunngortitsineq kiisalu nalunaarsuineq

•Pilersitsineq, ajoqutinik aaqqiineq, attaveqaatinut atortunik aaqqiineq, krydsfeltini, qarasaasiat aqqutaannik telefoneqarnermillu suliaqarneq

•Attaveqaatitigut attaveqaqatigiinnermut atortunik suliaqarnerini teknikerinut ikiuunneq.

 

Inuttut ilisarnaatitit

Inuttut ammasutut sulianillu pimoorussisutut, suliffimmi assigiinngiiaartunik suliassaqarfiusumi sulinermilu pitsaasunik atugassaqartitsiffiusumi soqutiginnittuusutut takorloorpatsigit. Illit:

•Saaffigiuminartuuvutit, sullitannut suleqatinnullu tatiginartuullutit

•Sulerusussuseqartuuvutit, ilikkagaqariartorusuttuullutit aammalu suliassavit aaqqissuulluakkamik aallutilernissaannut piareersimasuussallutit

•Nammineerlutit suliaqarsinnaasuuvutit aammalu allanik suleqateqarsinnaallutit, taakkunanilu marlunni pitsaassusermik tunniussaqarsinnaallutit

•Biilersinnaanermut allagartaqarputit IT-millu atuisinnaassallutit

•Kalaallisut, qallunaatut ajornanngippallu tuluttut oqalussinnaassaatit

 

Neqeroorutigaavut

Atorfik pissanganartoq, ulluinnarni sulineq unamminartorpassualik aammalu ullulik assigiiaaginnanngitsunik.

Suliffik persuarsiorfiuallaanngitsoq annertuumik kiffaanngissuseqarfiusoq suliaminnullu piukkunnarluartunik suleqateqarfiusoq suliffigilissavat.

Atorfininneq pissaaq isumaqatigiissutit imaluunniit piginnaasat naapertorlugit.

 

Soqutigaajuk?

Piaarnerpaamik imaluunniit kingusinnerpaamik ulloq 09-11-2020 qarasaasiakkut atorfik qinnuteqaatigiuk ugguuna https://mkjobtelepost.azurewebsites.net/kl-GL/Details.aspx?VID=2020-10-02, qinnuteqaativit, CV-vit allagartavillu allat pisariaqartinneqarsinnaasut nassiunnerisigut.

TELE-POST-ip qinnuteqaatit tigusani ataavartumik suliarisarpai aammalu imminut piginnaatilluni qinnuteqarnissamut killissarititaasup naannginnerani piukkunnarsinnaasunik aggersaanissamut.

Atorfik pillugu allanik paasisaqarnerujumaguit Field Servicemi immikkoortortaqarfimmut pisortaq Arkalo Andersen attavigisinnaavat ugguuna: aran@telepost.gl.

 

Qinnuteqarnissamut killissarititaasoq: novembarip 9.-at, 2020