Skip to main content
91

Dette jobopslag er udløbet

Roaming Manager/Administrator

TELE-POST-imi nioqqutit pitsanngorsaavigeqataaffigerusuppigit?

 

Nunanut allanut internetsikkut attaveqartarnerup ingerlallualeraluttuinnartup ingerlateqqinnissaanut inummik sulisussamik pissarsiorpugut. Mobilimik pisartagaqartut amerlaneruleraluttuinnartut nunatta avataaniikkaangamik nunatsinnisulli atuisinnaanertik nuannaralugu iluaqutigisorujussuuvaat, soorluli nunatsinni telefonimik datanillu atuiinnartutut ittaramik. Nunat akikittumik atuiffiusinnaasut sukkasuumillu datamut attaviliisinnaasut amerliartuinnarlutillu ineriartortitsiuarsinnarput, ineriartornerullu taassuma ingerlateqqinnissaanut illit peqataassaatit! Aamma sulissutigaarput nunani allamiut nunatsinniikkaangamik mobilikkut attaveqaatitsinnik pitsaasunik atuilluartarnissaat. Iluaqutissat tamakku atuisartutsinnut pilersitsiortorneri ilutigalugit aningaasartuutivut ikilisarniarpavut, Tele-Postillu aningaasaqarneranut nunanut allanut internitsikkut iluaqutaalluarnera attatiinnarniarlutigu.

 

Atorfik aamma immikkoortoqarfik

Nunanut allanut internetsikkut attaveqartarfimmut immikkoortortaq Nuummi TELE-POST-ip qitiusumik allaffeqarfianiippoq, marlunnik sulisoqarluni, Wholesale-mut pisortamut toqqaannartumik attaveqartunik. Immikkoortoqarfiup qanittumik suleqatigai teknikkerit, atuisartunik sullissisut aamma aningaaserisoqarfimmiut, kiisalu nioqquteqartartut suleqatillu allat avataaneersut, suleqatigiinnermilu ataqatigiisitsisutut inissisimalluni.

Suliffinni qaffakkiartorninni illit uunga killissimaguit, misissueqqissaarsinnaanernut piginnaasatit ineriartortissimallugit, isumaqatigiinniarsinnaanermulli piginnaasavit pitsaanerulernissaat kissaatigalugu, taava manna periarfissaalluarpoq. Wholesale-mut pisortaq peqatigalugu, niueqatigineqartartunut allanut akikillisaatissanik isumaqatigiinniutissat piareersarlugillu ingerlattassavatit. Ilutigalugu roamingimik (nunanut allanut internitsikkut attaveqartarnerup) atuisartutta atuinerisa ineriartuaarnerat ataavartumik misissoqqissaartassavat, isumaqatigiissutaasimasunullu tamakku nalimmassarlugit. Ilanngullugit suliassaapput IT-kkut sakkussanik, roamingimik ingerlatsinitsinni aamma sullissinitsinnik sakkortusaatitut atortakkatsinnik,  pisiniarfigisartakkatsinnut isumaqatigiissutinik aqutsisuunissaq. Suliassat qanoq eqqoqqissaartumik agguataarneqarnissaat atorfinikkuit isumaqatigiissutigineqassapput, taamaasiornikkut illit pisinnaasatit atorlugit suliassat naammassineqarluartarnissaat qulakkeerneqarniassammat.

 

Illit piginnaasatit

Illit sumik ilinniagaqarsimasuunerit pingaarnerunngilaq, allaffissornikkulli pikkorilluinnartuusariaqarputit aamma teknikkimut aningaasaqarnermullu tunngasunik ilisimasaqarluartariaqarlutit. Suliffimmi pissutsinik torersumik aaqqissuussamillu ingerlatsilluarsinnaanerit pingaarutilipilussuuvoq. Eqiasuttut aamma affaannarmik isumaqatigiissuteqartartut nakerisarinngilatit, suliassalli aallartinneqarnissaannut pilersaarusiorneq, ingerlannissaannullu aquttuulernissat, salliutittarlugit. Suliniutinik ingerlatsinissanut misilittagaqaruit iluaqutaassaaq, piumasaqaataanngilarli. IT-ikkut sakkut arlallit sulinitsinni atortarpavut, Excel-ilu pikkoriffigeriinngikkukku, ilinniarluarnissaa piareersimaffigilereersinnaavat.

Teleselskabinik allanik nioqquteqartartunillu nunarsuarmit tamarmeersunit annertuumik suleqateqarnissaq atorfiup ilagivaa, taamaattumik tuluttut allalluarsinnaallutillu oqalulluarsinnaasariaqarputit.

 

Neqeroorutivut

Atorfik una illit suliarisartakkannut ilisimariikkannut ilinnik pikkorinnerulersitsillunilu, allaffissornikkut pisinnaasannik aamma teknikkikkut niuernikkullu ilisimasannik, annertunerulersitsissaaq. TELE-POST-imi immikkuullarissumik niuerutigineqartartut iluanni, anguniagassatut isumaqatigiissutaareersut sinaakkutigalugit, ineriartortitsinissamut annertuumik sunneqataasinnaassaatit. Piffissami aalajangersimakannersuni ulluinnarni suliartortarnissat naatsorsuutigisinnaavat, kisianni suliannut atatillugu, nunarsuarmioqatigiinni ataatsimeersuariarlutit isumaqatigiissusioriartorlutillu, ukiumut 1-2-riarlutit, angalasarnissat piareersimaffigissavat. Tulluulluartumik ilitsersorneqassaatit ilinniartinneqaqqillutillu aamma akissarsiaqartinneqarlutillu ajunngitsorsiassaqassaatit piginnaassutsinnut pikkorissutsinnullu naleqquttunik.

 

Soqutiginnippit?

Atorfimmut pineqartumut soqutiginnikkuit, taava qinnuteqaatit kakkiuguk, CV aamma uppernarsaatit attuumassutillit allat ilanngullugit, qupperneq una atorlugu, kingusinnerpaamik 18. Februar: https://mkjobtelepost.azurewebsites.net/kl-GL/Application.aspx?VID=2020-01-02

Piaarnerpaamik atorfinissinnaavutit, qinnuteqartussarli naleqqulluartoq soorunami utaqqeqqaassavarput.

Atorfik pillugu sukumiinerusunik paasisaqarusukkuit, Wholesale-mut pisortaq Flemming Drechsel fdr@telepost.gl attaveqarfigisinnaavat.