Skip to main content
100

Radiokkut kiffartuussisussamik

Umiarsuit angalasut radiokkut isumannaallisaavigineqarnissaannik suliaqarusuppit?

TELE-POST Aasiaat Radiomi radiokkut kiffartuussisussamik pissarsiorpoq. Sulilertoqarnissaa naatsorsuutigaarput ulloq 1. september isumaqatigiissuteqarnikkulluunniit.

 

Immikkoortortaqarfik
Aasiaat Radio suliffiuvoq ulloq unnuarlu sulisulik, ilaatigut Kalaallit Nunaata sineriaani tamarmi umiarsuit angalasut radiokkut isumannaallisaavigineqarnissaannik ulluinnarni suliaqartunik. Immikkoortortaqarfik radiooperatørinik aammalu radioekspedientinik sulisoqarpoq.

 

Suliassat
Radioekspedientit immikkoortortaqarfiup ulluinnarni suliaanut ilaapput, pingaarnertut makkuusunut:
• Imaani angalasunut radiokkut attaveqaqateqarneq radiokkullu isumannaallisaaneq

• Ballonnersuarnik silasiornermut atortunik qullartitsineq

• GSM 112-ikkut ikiortissarsiortunik akisineq

• Annaassiniarnermut oqartussaasunik attaveqaqateqarneq kiisalu

• Angalasunik Aasiaat Radioanut attuumassutilinnik nakkutilliineq

Tuluttut, kalaallisut ammalu qallunaatut akornini nutsigassaqangaatsiartarsinnaavoq.

Suleqatigiinnut nikerartumik sulisartunut suleqataalissaatit.

 

Inuttut ilisarnaatitit
Imarsiornermik ilinniagaqarsimanissat imaluunniit siornatigut imarsiorsimanermit misilittagaqarnissat naatsorsuutigaarput, ajornanngippallu TNI HK-mi ilinniagaqarsimassasutit. Radiomik suliaqarsinnaanermut allagartaqarsinnaavutit. Radiomik suliaqarnerup iluani allagartat pisariaqartinneqartut taamaattoq kingorna pissarsiarineqarsinnaapput ilinniartinneqarnermut atatillugu.

Tamakku saniatigut:

 • Nammineerlutit eqaatsumillu sulisinnaassaatit sinaakkutarisat atuuttut iluanni

• EDB-mik atuisinnaassaatit, Office pakke Microsoftimeersoq aammalu Outlookimeersoq atugaraarput. Windowsip sullissivianeersunik programminik atuivugut; ungasianiilli radiomik aqutsineq UNIX platformiminngaanniit ingerlanneqarpoq.

 

Akissarsiat aamma atorfinitsitaanermi atugassarititat
Atorfinitsitsineq pissaaq Naalakkersuisut aammalu Radiotelegrafistforeningen af 1917-ip, www.raf1917.dk, akornanni isumaqatigiissutit imaluunniit Naalakkersuisut aammalu Sulinermik Inuussutissarsiuteqartut Kattuffiata, www.sik.gl, akornanni isumaqatigiissutit naapertorlugit.

 

Paasissutissat arlaqarnerusut
Atorfik soqutigigukku aammalu paasissutissanik arlaqarnerusunik pissarserusullutit, taava sinerissami radioqarfiup pisortaanut Bo Mogensenimut attaveqarsinnaavutit oqarasuatikkut 38 69 80-ikkut imaluunniit mailimut: bm@telepost.gl–ikkut.


Qinnuteqaatit naqqani tuugassaq aqqutigalugu nassiunneqarsinnaavoq.

 https://mkjobtelepost.azurewebsites.net/kl-GL/Details.aspx?VID=2019-08-03