Skip to main content
89

Pisortatut sulineq iluarisimaartarpiuk aamma IP-Netværk ilisimasaqarfigilluarpigit ?

  • Taava immaqa illiussaaq TELE-POST-imi Teknik & IT-mi immikkoortortami pisortassarput nutaaq.​

                     

Netværkeqarnermi immikkoortortamut pisortatut TELE-POST-ip IP-netværkianut tamarmut pisortaassaatit Teknik & IT-direktøri toqqaannartumik qullersaralugu. Suleqatissatit tassaapput immikkut qaffasissumik ilinniarluaqqissaarsimasut, suliassasilu tassaapput ilusilersuineq, annertusaaneq, uppernarsaaneq aamma TELE-POST-ip IP-netværkiini assigiinngitsuni atuisitsilerneq. Netværkit atassuteqaqatigiit nunamut tamarmut atuupput MPLS/IP-netværkiullutik aamma IP-net mobilinut attaviusut aamma IMS platformet kiisalu datacenter, annermik Cisco netværkip atortuineq tunngavilik.

 

TELE-POST-ip sullissinerinut pingaarnernut IP-netværkimut tunngasut tunngaviupput, suleqatigiillu akisussaaffigaat immikkoortumi atortut ineriartortinnissaat, aserfallatsaalinissaat aamma ingerlannissaat. Immikkoortumi pisortaq suliassaminut nukittooq pisariaqartinneqarpoq, ataatsimoortumik takunnissinnaassuseqartoq, aamma ersarissunik angusaqarluarsinnaassusilik. Sulianut tunngasutigut suleqativit oqaloqatigisarnerisigut, suleqatitit tunniusimalersillugillu piumassuseqalersissavatit. Immikkoortortami pisortatut aamma pingaarutilimmik inissisimassaatit, teknikkimut tunngasunut siunnerfiliornissap suliarinissaani.

 

Takorloorparput IT/telebranche-ami misilittagaqarluartutit MPLS/IP-netværkip aallartinnissaanut ilusilersornissaanullu aamma/imaluunniit datacenterinut aaqqiissuutissat pisariusut suliarinissaannut misilittagaqartutit. Ataani allattukkat ilaanni ilinnut ilisarisinnaasutit;

  • Netværkini CCNP, CCIE assigisaannulluunniit misilittagaqartutit allagartaqarlutillu.
  • Projektinik aqutsinissamik misilittagaqartutit.
  • Netværkinut aaqqiissutissat pisariusut ilusilersornissaannut misilittagaqartutit.
  • IT-ip iluini atassuteqaqatigiinnermut sillimaniarnermullu atituumik ilisimasaqarneq.
  • Suleqatinut qaffasissumik immikkut ilisimasalinnut pisortatut sulinissamik misilittagaqarneq.
  • Ulluinnarni ingerlatsineq annertusarlugulu ineriartortissinnaagit.
  • Qaffasissumik sivisuumillu ilinniagaqarsimaneq, ass. ingeniøritut.
  • Danskisut tuluttullu qaffasissumik oqalussinnaasutit, soorunami aamma iluaqutaassaaq kalaallisut oqalussinnaaguit.

 

Illit immikkoortoqarfiullu suliassi qaffasissuunissaat naatsorsuutigineqarluinnarpoq, taamaattumik suleqatigiit eqaatsumik nikerartumik sulisut aamma piffissap ilaani ulapaarujussuartartut naliginnaasumik ulluinnarineqartoq illit pisortaaffigisinnaasariaqarpatit.

 

Soqutiginnippit?

Atorfimmut atatillugu suliassanut tunngasunik apeqquteqarusukkuit, TELE-POST-imi IT-direktør Jonas Hasselriis attavigisinnaavat mobil nr. +299 555562, allanik apeqqutissaqaruit HR-direktør-ip Helena R. Kristensen-ip, mobil + 299 523868, attaviginissaanut tikilluaqqusaavutit.

Qinnuteqaatit CV-it ilanngullugu ullumikkut nassiutereeruk link una https://mkjobtelepost.azurewebsites.net/kl-GL/Application.aspx?VID=2019-10-02  atorlugu. Piaarnerpaamik atorfinitsitsisoqassaaq, kisianni soorunami qinnuteqartussaq eqqortoq utaqqissavarput.

 

TELE-POST-imut tikilluarit

Kalaallit Nunaata innuttai telekkut attaveqaqatigiittarnermik sullitaraavut, IT aamma allakkerineq – Nunatta kujataani Nanortalimmiit avannaani Uummannamut. Teknologi nutaarluinnaq atorlugu nunaqarfiit minnerpaannguilluunniit radioqarput, tv-qarlutik, bredbåndikkut internetseqarlutik aamma telefonikkut nunarsuarmut avatitsinnut atassuteqarlutik. https://telepost.gl/tele-post-imut-tunngasut annerusumik atuarit.