Skip to main content
103

Niuernermut tunngasunik soqutigisaqarnerusumik Business Controllerissarsiorneq

 

Business controlleritut suleqatigiit aallartinneqaqqammisut sunniuteqarluarlutit suleqatigilerusuppigit? Aqutsisunut nalunaarusiorneq, business controlling aningaasaqarnermillu misissueqqissaarneq soqutigaagit? Nammineerlutit sulineq attaveqarfissarpassuaqarnerlu nuannaraagit? Taamaassimappat suliaqarfitsinni TELE-mi Business Controlleritut suleqatissaq amigaatigisarput illiusimassaaq.

Aningaasaqarneq pillugu isumasioqatigiuminartoq misissueqqissaarnermik pikkoriffeqarluartoq
Suliaqarfimmik ineriartortitsivigilikkatsinni Business controlleritut suleqatigiinni aallartinneqaqqammersuni suleqataalissaatit. Sunniuteqarluarlutit suliassallu qanoq ineriartortinneqarnissaannut oqartussaaqataalluarlutit kiisalu suliat atuutilersinneqarnissaannut qanoq naammassinnissamut suleqataalissaatit. Divisioni nutaamik aamma atulersinneqarsimasoq TELE suleqatigissavat. Tassani Kalaallit Nunaanni niuerfitsinni nioqqutigisatsinnik ineriartortitsinermik suliaqartugut tuniniaasugullu pikkorissut suleqatigissavatit. Nalunaarusiorfigisassavat business controllingimik aqutsisoq suliaqarfigisattalu sinnerini sisamani businesscontrollerit allat.

Suliassatit pingaarnerit ilaatigut makkuupput:

  • Nioqqutinik ineriartortitsinermut aqutsisunullu ikiuinertut, KPI-p sananeqaataanik ilusaanillu pilersitsineq
  • KPI-p ineriartortinneqarneranik nioqqutinillu suliarinninnerinik nakkutiginninneq 
  • Aningaasartuutit misissoqqissaarneranni tunniussinernilu ikiuunneq
  • Nioqqutip imminut akilersinnaaneranik nakkutiginninneq
  • Qaammammut aningaasartuutinik naammassinninnermi missingersersuutinillu suliaqarnermi pingaarnertut inissisimasoq
  • Aningaasaqarnermik suliaqarfimmi suleriaatsinik nutaanik pitsanngortitanik ineriartortitsiuarneq
  • Aqutsisooqatigiinnik isumasioqatiginnittartoq qullersanullu nalunaarusiortartoq
  • Powerbi-p atornissaata ineriartorteqqinneqarneranut peqataaneq.

Misilittakkatit ilinnullu tunngasut
Piumasaqaataanngilaq Telecom-imik suliaqarfimmi misilittagaqarnissat, piumasaqaataavorli Business Controllingimik misilittagaqarnissat.

Business Partner mind-set pigissavat, allanut attuumassuteqarneq nuannaralugu assigiinngitsorpassuartigullu oqaloqatiginnilluarsinnaaneq pigisarissallugu. Annikitsortanik takunnissinnaassaatit, paasissutissarpassuarnullu tunngatillugu qulaaniit suna tamaat takusinnaalluassavat, taakkulu paasiuminartunngortillugillu tusarliussinnaassallugit.

Suliassanik iternga tikillugu suliaqarneq pissusissamisuuginnartutut isigissavat, ajornartorsiutaasunillu takunniffinniit assigiinngitsunit misissueqqissaarneq pikkoriffigissallugu. Nammineerlutit sulisinnaanerit pingaaruteqarpoq suliffiullu iluani suleqatigisatit eqqarsaatigalugit sulerusussuseqarluartuussallutit.

Tamakku saniatigut naatsorsuutigaarput:

  • HD-R-itut, Cand. merc.-itut assigisaanilluunniit ilinniagaqarsimassasutit
  • Business controllerit imaluunniit business partneritut misilittagaqartutit
  • IT-mik ilisimasaqarluartutit
  • MS Office-pakke-mik IT-mik atuisutut pikkoriffeqartutit – tassungalu ilanngullugu pingaartumik Excel-imik.

Soqutigaajuk?
Qinnuteqaatit ataavartumik suliarisarpagut. Atorfik internetikkut qinnuteqaatigiuk qinnuteqarnissamut attataasaq toorlugu, tassuunalu qinnuteqaatit CV-llu nassiussinnaavatit.

Atorfimmi suliassanut tunngasunik apeqqutissaqaruit Chef Business Controller Jimmy Rasmussen sianerfigilluarsinnaavat uunga +299 386460 imaluunniit mobilianut: +299 237438.

Allanik apeqqutissaqaruit Sulisoqarnermut immikkoortortaqarfimmi pisortaq Helena Kristiansen attavigineqarsinnaavoq uunga +299 386160 imaluunniit uunga +299 523868.

Atorfik una qinnuteqarfigiuk

Tusarfiginissat qilanaaraarput.