Skip to main content
137

Dette jobopslag er udløbet

Digitalikkut Niuernermi Ataqatigiissaarinermilu pisortassaraatsigit?

Kalaallit Nunaat digitalinngorsaanermi ilaalersimaneranut takussutissaavoq datanik atuinerup annertuseriarujussuarsimanera, digitalinngorsaanerlu suli sukkatseriaannarpoq Coronap ajornartoortitsinerata nalaani. Atuisut nittartakkatigut toorsilaaginnarlutik niuernerulersimapput – sukkammat, pisariunngimmat ajornanngitsunnguummallu. Taamaammat Nunarsuarmioqatigiit imminnut qanilligaluttuinnarfianni digitalinngorsaaneq atuisullu pisariaqartitaat niuernermut kiisalu pilersaarusiornermut aqutsinermullu piumasaqaatinik nutaanik nassataqarput.

Taamaattumik Digitalikkut Niuernermut, pilersaarusiornermut aqutsinermullu pisortassatsinnik nutaamik ujaasivugut, sulisut 100-t missaanniittut peqatigalugit Kalaallit Nunaanni atuisunut tamanut pisianik poortukkanillu assartuinermut akisussaaffeqartitassatsinnik. Nuieqatigiinnissamut nutaanik periarfissaqalersitsinissaq Kalaallit Nunaannillu Nunarsuup sinneranut ammaasinissaq pisortap aamma akisussaaffigissavaa.

TELE-POST-imi Allakkeriveqarfiusimasunngortussaq pisortaaffigissavat digitalinngorsaanermillu qulakkeerinneqataanerpit saniatigut allakkerinermik, pilersaarusiornermik aqutsinermilllu suliaqarfiit aammalu frimærkit ukiunut digitalinngoriartorfinnut naleqqussarlugit ineriartortitseqataaffigissavatit.

Sulisuit Niuernermut, Pilersaarusiornermut aqutsinermullu immikkoortortamut nutaamiilernissaannut ukiunullu digitaliusunut ikaarsaariuarnermi aaqqiissutissanik nutaanik suliaqarlutillu ineriartortitseqataanissaat akisussaaffigissavat.

Tamanna isumaqarpoq inummik takorluuisinnaassusilimmik niuertorpalaartumik eqqarsartaasilimmik aaqqissuussaasumillu suleqatiginnikkumasumik sulisussarsiorpugut, Kalaallit Nunaanni pisisartut nioqqutissanut amerlanerusunut ajornannginnerusumik sukkanerusumillu pissarsisinnaalernissaat pillugu   nittartakkatigut niuernermik nukittorsaasinnaasumik.

 

Naatsorsuutigaarput:

- aqutsisutut misilittagaqarnissat naammassisaqarsinnaassuseqarnissallu

- naapertuuttumik ilinniagaqarsimanissat digitalillu periarfissiineranik paasinnissinnaassuseqarnissat

- aqutsisutut paasinnissinnaassuseqarnissat aammalu suliffeqarfimmi allanngoriartorfiusumi paasinninnerulersitsinnaassuseqarnissat nuannaalersitsisinnaassuseqarnissallu

- kajumissuseqalernartumik takorluuisinnaassuseqarnissat periuutsinillu piviusunngortitsisinnaanissat

- namminersorlutit suliaqarsinnaasutit aammali allanik suleqateqallaqqissuusutit

- atuisunut kiffartuussinissamik atuisullu pitsaasumik misigisaqartinnissaannut pingaartitsisuusutit

- nunat tamalaat akornanni periuutsit malillugit eqqarsarsinnaanissat minnerpaamillu marlunnik oqaaseqartuunissat

- Kalaallit Nunaannut attuumassuteqartuunissat

 

Neqeroorutigisinnaavarput:

 

- Kalaallit Nunaannik digitalinngorsaanermi siuttuuneq, Kalaallit Nunaanni innuttaasut nioqqutissanut assigisaannullu siunissami qanoq pissarsisarnissaannut ilusilersueqataaneq

- Suliffeqarfimmi pimoorussisunik tunniussimasunillu sulisoqartumi aqutsinikkut allanngueqataaneq

- Suliffeqarfik naammagisimaarinninnerpaanik sulisulik, sulisut atuisullu naammagisimaarinninnissaannik pingaartitsiffiusoq

- Isumasioqatigiinnikkut ilisimasatigullu ineriartorneq

 

Digitalikkut Niuernermut, pilersaarusiornermut aqutsinermullu pisortatut TELE-POST-imi aqutsisoqatigiinnut peqataalissaatit, suliffeqarfiullu pisortaaneranut attaveqartassallutit.

Atorfik pillugu paasisaqarnerorusukkuit Bo Eske Nielsen, Odgers Berndtsonimi Partneri +45 24972688-imut sianerfigisinnaavat. Odgers Berndtson TELE-POST-imi atorfinitsitsiniarnermi suleqataasuuvoq.

Qinnuteqaat uunga nassiunneqassaaq: matias.praestegaard@odgersberndtson.dk