Skip to main content
105

Dette jobopslag er udløbet

Change Manager

 

Change management kiisalu Incident management teknikkikkut suliaqartut sullinnissaannut aaqqissuiviginissaanullu pikkorilluinnartuuit? Suliffiup iluani kiisalu avataanit apuussassat aaqqissuivigisinnaavigit? Taamaappat illiuvoq TELE-POST-imi Change Manager-itut sulilernissarnut piukkunnarluinnartoq, Incident management-imi kiisalu Managed Services-imi akisussaasuulerumaartoq.

 

TELE-POST-imut tikilluarit

TELE-POST-imi søkabelimik 4.598 km-imik takitigisup ingerlanneranut ineriartortinneranullu sulisuusugut amerlassutsitsigut 400-it qaangersimavagut. Tamatuma saniatigut radiomut attaveqaatersuutit 1.500 km-inik takitigisut kiisalu qaammataasaatigut ækvatori qulaallugu 35.000 km sinnerlugu ungasitsigisut ingerlannerat ineriartortittuarnerallu akisussaaffigaagut. Atortorissaarutit nutaat sullivissallu systemit nutaat annertoqisumik anigaasartuuteqarfigisimavagut, tamatumalu saniatigut Managed services-imi suleqatigiinneq eqaallisarniarlugu angallatsisumik aallarniisimalluta. Taamatut suleqateqarneq pilersaarusiornermut immikkoortortaqarfitta, ’Planning’ sulinerat eqaallisarsimavarput, immikkoortortaqarfillu taanna suliffeqarfimmut pingaaruteqarluinnartuuvoq, tassanimi suliniutit tamarmik suliassallu anginerusut naapiffeqartarmata. Change Manager-itut sulinermi pingaaruteqarluinnartuuvoq qitiusumik inissisimaffilimmi sulinissap akisussaaffiginissaanut piumassuseqarfiginissaa, atorfimmimi tassani suliffeqarfiup suliai suliassallu allat aallarnigai tamaasa kivitseqataaffigisussaassagakkit.

 

TELE-POST suliagullu pittanngorsaavigikkit

’Planning’ tassaavoq Teknik aamma IT-mi immikkoortortaqarfik suliffeqarfimmi sunit tamanit ingerlasunik akisussaaffeqartuusoq. Nuummi TELE-POST-ip allaffeqarfiani inissisimasuuvoq. Tassanilu pingasunik suleqatissaqarputit tamarmik immikkut Suliffeqarfiup pingaartitaanik piviusunngortitsiniaanermi sakkussanik atorluaanerulernissamik akisussaaffeqartunik.

 

”Change Manager-itut aattaveqaqatigiinnerup iluani allannguutit pitsaasumik timitaliisinnissaat akisussaaffigissuat, tamatumalu saniatigut suliat tamarmik pitsaalluinnartumik inerneqarnissaat akisussaaffigissallugu, suliat naammassisat atuisutsinnut sunniutaat annikinnerpaaffissaaniitsikkumallugu. Managed service iluani sulineq aammattaaq aaqqissuisuuffigiumaarpat,” – taamak ’Planning’-imi ittuusoq Bjørn Sigurdsson atorfik pillugu akisussaaffigilerumaagassatit oqaaseqaatigai.

 

Change Manager-itut sulinerni TELE-POST-imi sulisut immikkoortortaqarfinni assigiingitsuni inissisimasut kiisalu suliffiup avataani suleqatigisavut qanimut suleqatigilertussaassuatit. Illiussaaq suliffeqarfiup iluani allannguutit pitsaasumik timitalernissaanut akisussaanermi salliusussaq. Taamatuttaarlu allannguutit timitalerneqartut malinnaaviginissaat akisussaaffigissuat Incidents aallaavigalugu. Oqaluttariarsornikkut allattariarsornikkullu ersarissumik ingerlatitseqqiisinnaanissat nukittuffigisariaqarpat, allannguutissat suliniutigineqartussat siunnersuuteqarfigineranni timitalernissaanilu qitiulluinnartumik Change & Incident management-imi inissisimalertussaagavit, sulianillu tassunga attuumassutilinnut misissuinerit allagaqaasiornerillu suliarisartussaassallugit.

Periarfissanik ujartuisuuvutit angusaqarumatullutillu

Inunnguuserisarnik piumassuseqarluartuunissat ilimasuffigaarput, aaqqissuussaalluartumik anguniagaqarluartumillu sulisinnaanissat aammattaaq ilimasuffigalutigu, suliammi aallartinneqartut tamaasa pittaanerpaamik inerneqartikkusuttaratsigit. Suliffiup atorfittaarinissaanut periarfissat ammaassisut amerlasinnaapput, pingaaruteqarporli uku pikkoriffigissagitit;

  • Qallunaatut tuluttullu allannikkut oqalunnikkullu pikkoriffeqarluartoq
  • Suleqatikkuminartoq attavigiuminartorlu
  • Teknikkilerinermi suliaqarnissamut ilisimasaqartoq pikkoriffeqartorlu

Ingeniøritut immaqa ilinniagaqarsimavutit, assigusumilluunniit misilittagaqarlutit, tamassumalu saniatigut sulianik ingerlatsinermi akisussaasutut misilittagaqarlutit, ITIL-imiluunniit misilittagaqarlutit.

 

Atorfik pillugu soqutiginnippit?

Una atorfik pillugu arlaannik apeqqutissaqaruit Planningchef Bjørn Sigurdsson oqarasuaatikkut attaveqarfigisinnaavat: 00 299 555 220. Atorfinitsitsinissap ingerlaasaa pillugu apeqqutissaqaruit IT-rekrutteringskonsulent Jobindex-imi sulisoq Søren Møller attaveqarfigisinnaavat: 88 63 00 28

CV qinnuteqaasiallu nassiutikkit:

https://www.jobindex.dk/ansoegninger/ny/1053302?utm_medium=referral&utm_campaign=soeg_jobbet_klik&utm_source=jobindex

Atorfinitsitsineq sukkanerpaamik piumaarpoq, ilimanaateqarluartorli eqqortoq tulluartorlu soorunalimi utaqqeqqaarsinnaavarput.

Tusarfiginissat qilanaaraarput.