Skip to main content
92

Dette jobopslag er udløbet

Attaveqaqatigiinnermik sulisussaq

Pisunik malinnaavit paasisaqartarlutillu aammalu pitsaasumik allaaserinnissinnaavit? Kalaallit Nunaanni ingerlatseqatigiiffiit suliffeqarfiillu annerpaat ilaanni attaveqaqatigiinnermik suleqatigiinni ulapaarluartartuni pikkorissunilu suleqataanissaq pileraajuk sapiuffiginagulu?

 

TELE-POST-imi silarsuaq qanillisipparput. TELE-POST-ip pimoorullugu anguniarpaa nalunaarasuartaateqarnermik allakkerinermillu pilersuisutut nunap tamarmi imminut ataqatigiissinnissaa nunatsinni nunanilu allani suleqateqarnerit peqatigalugit.

 

Pitsaasumik attaveqaqatigiinnerit oqaloqatigiinnerillu silarsuarmik pilersitsinermik ilusiliisuusarput. Attaveqaqatigiinnermik suliaqarneq ingerlatseqatigiiffiup isigineqarneranut, sulisunut oqaluttuarineqarnermut TELE-POST-ip ullut tamarluinnaasa peqataaffigisaanut tamarmik tapertaasunut, aalajangiisuulluinnartuuvoq. Suliassat assigiinngiiaassapput, avatangiiseq allanngorarluni aammalu deadlineqarneq atugassarititaasunut ilaavoq.

 

Immikkoortortaqarfimmut tunngasut:

Attaveqaqatigiinnermut immikkoortortaqarfipput ingerlatsiveqarfiuvoq  pisortaanermut toqqaannartumik attaveqarfiusoq. TELE-POST sinnerlugu attaveqaqatigiinnermik sulianik qanorluunniit ittunik suliaqartuuvugut. Tusagassiuutit sullippagut, nittarsaassinernik suliaqartuulluta, suliassanut tapersiisarluta, atortussanik suliarinnittarluta aammalu pitsaassusaannik qulakkeerinnittuusarluta aammalu suliffeqarfiup attaveqaqatigiinnermut sullissiviinik suliaqartuulluta.

 

Ilinnut tunngasut:

  • Attaveqaqatigiinnermik imaluunniit tusagassiortutut ilinniarsimasuussaatit
  • Kalaallisut, qallunaatut pitsaasumik allannermik taamatullu oqalunnermik ingerlatsisinnaassuutit aammalu tuluttut oqalussinnaassallutit
  • Inuit oqaloqatigiittarfiinik suliamut atasumik atuinermik ilisimasaqarlutillu atuisinnaassaatit
  • Ilusilersorluakkamik inuuneqassaatit, naammassisaqarsinnaassaatit namminersorlutillu deadlinet angumerisinnaassallugit
  • Aalajaatsuussaatit, pitsaassutsimik ilisimaarinnillutit aammalu tatiginnittumik attaveqarnernik pilersitsiartuaarsinnaassallutit
  • Suleqatigiit nukittuut ilaattut avammut kiinnertartuusinnaavutit
  • Attaveqaqatigiinnermik suliaqarnermik misilittagaqassaatit aammalu kalaallit inuiaqatigiit piorsarsimassusaallu ilisimasaqarfigilluassallugit.

 

Tamakkununnga taarsiullugu naatsorsuutigisinnaassavat:

Suliffeqarfik ilisimasaqarluartunit aqunnilik ineriartortitsinermik suliassanillu assigiinngiiaartunik suliaqarfiusoq. Suleqatit pikkorissut, persuarsiorpaluppallaanngitsumik nuannersumilli oqaluuttarnerit, sunniuteqarnissamut periarfissaqarluarneq aammalu nammineq suliassanut akisussaaffeqarneq.

Atorfik pillugu allanik paasisaqarnissamik soqutiginnikkuit, Attaveqaqatigiinnermut pisortaq Julie Rademacher mailikkut attavigisinnaavat uunga: julie@telepost.gl imaluunniit mobilianut: +299 263535-mut,

 

Qinnuteqarnissamut killissarititaasoq aammalu sulilerfissaq: Oqaloqatiginninnerit ataavartumik ingerlanneqassapput atorfininnerlu piaarnerpaamik pissaaq.

 

Neqeroorutigaavut:

TELE-POST-ip atorfik unamminartulik, ulapaarfiusumik avatangiiseqarluni suleqatillu suliassaminnut tunniusimasut piginnaasaqarluartullu akornanni sulineq neqeroorutigaa. Sulianut tunngasuni inuttullu ineriartorfiusinnaasunik periarfissaqarluarpoq, piginnaasatillu naapertorlugit akissarsianik ataatsimoortitanik neqeroorfigineqarputit.

  

Qinnuteqaat:

Suliffissarsiornermut isertarfipput https://mkjobtelepost.azurewebsites.net/kl-GL/Details.aspx?VID=2019-08-01 aqqutigalugu internetikkut qinnuteqarit, qinnuteqaativit CV-iinnik kiisalu soraarummeerninni uppernarsaatinnik allagartaatinnillu pisariaqartitatsinnik ilallip piaarnerpaamik nassiunneratigut, tassami qinnuteqaatit ataavartumik suliarineqartarmata. Atorfik pillugu ataavartumik oqaloqatiginnittarpugut.