Skip to main content
105

Dette jobopslag er udløbet

Akiliisitsiniarnermut immikkoortortaqarfimmi suliassanik ingerlatsisussarsiorneq

Ineriartorfimmi sulerusuppit?

Piaarnerpaamik isumaqatigiissuteqarnikkulluunniit sulilersussamik TELE-POSTimi akiliisitsiniarnermut immikkoortortaqarfitsinnut eqiingalluartumik, nuannaartumik soqutiginnittumillu suleqatissarsiorpugut.

 

TELE-POSTip akiligassalinnut aammalu akiliisitsiniarnermut immikkoortortaqarfia ineriartortinneqarlunilu allanngortiteriffigineqarpoq, taamaattumik ukiuni aggersuni atortuni suliassanilu allanngortoqartussaavoq. Taamaammat allanngortoqarnissaanut piareersimasumik, nammineersinnaasumik aammalu ulapinnerup nalaani uivernani sulisinnaasumik sulisussarsiorpugut.

 

Immikkoortortaqarfik nammineerluni ingerlasuuvoq Naatsorsuuserinermut qullersamik qullersaqartoq. Immikkoortortaqarfik arfinilinnik sulisoqarpoq.

 

 

Akisussaaffiit suliassaqarfiillu

Akiliisitsiniarnermut immikkoortortaqarfik makkuninnga akisussaaffeqarpoq:

 

  • Akiligassallit malinnaavigineri
  • Sullitanut sulianik suliarinninneq, billingimi aamma aningaasanut atortulersuummi
  • Saaffiginnittunik sullissineq
  • Sullitat aallaqqaataaniilli paasissutissartaannik malinnaatitsineq
  • Akiliisarnissamik isumaqatigiissusiornerit
  • Fakturaliorneq, akileeqqusineq atuisullu atuinerannik matusineq
  • Incassomi suliassat, toqusup qimataanik suliat akiliisinnaajunnaarnerillu
  • Akiligassallit kontoinik assigiinngitsunik naligiissaarineq kiisalu KPI-nik suliaqarneq

 

Illit ilisarnaatitit

Suleqatitaarerusupparput makkuninnga naammassinnittoq:

 

  • Allaffissornermik ilinniarsimasoq naatsorsuuserinermik misilittagalik
  • IT-mik atuinermik misilittagalik
  • Sullisserusussusilik suleqatiginnikkusuttorlu
  • Nammineersinnaasoq ulapiffiullu nalaani uivernani sulisinnaasoq
  • Torersaallaqqissoq peqqissaarussisorlu
  • Kalaallisut qallunaatullu allallunilu oqalussinnaasoq, ajornanngippallu tuluttut.

 

Neqeroorutigaavut

  • Atorfik akisussaaffilik, sunniuteqarfiusoq assigiinngisitaartunillu suliassaqarfiusoq
  • Atorfik suliffeqarfimmi pissanganartumi nuannersumik oqaloqatigiiffiusartumi naleqartitanillu pingaartitsiffiusumi
  • Piginnaasannut naleqquttunik ataatsimoortitanik akissarsiaqartinneqarneq
  • Sulianut tunngasuni inuttullu ineriartornissamut periarfissaqarluarneq

 

Atorfik pillugu apeqqutissaqaruit Kathrine Enoksen e-mailimut: kaen@telepost.gl imaluunniit tlf. 386775-imut attavigilluarsinnaavat.

 

Qinnuteqaat:

Atorfik soqutigigukku, taava qinnuteqaatit, CV-t aammalu allagartaatitit allat attuumassuteqartut nassiutikkit uunga: https://mkjobtelepost.azurewebsites.net/kl-GL/Details.aspx?VID=2019-08-05.

 

Qinnuteqarnissamut killerititaq: 16. september 2019.