Skip to main content
82

Dette jobopslag er udløbet

Aasiaat Radio radiokkut sullissisussamik pissarsiorpoq

Aasiaat Radiop Kalaallit Nunaata imartaani umiartortunut radiokkut sullissineq ingerlataraa.

Ilaatigut makku ilanngullugit:
• Umiarsuarnit akiliuteqarluni radiokkut attaveqarnernik ingerlatitseqqinneq
• Imaatigut angalasut isumannaatsuutinneqarnissaannik radiokkut kiffartuussineq, tassunga ilanngullugu
- umiarsuit ajornartorsiortut
- umiarsuit aamma umiatsiaaqqat motooriminnik ajornartorsiutillit
- umiarsuarnik ujaasineq


- Isumannaallisaanermi nalunaarutit, tassa.:
o Anorersuarnissaanik-, anorsarinnissaanik- aamma sermernarnissaanik aarlerisaarutit
o Imarsiortunut mianersoqqussutit,
o Kiffartuussinermi nalunaarutit
• Umiarsuit Kalaallit Nunaanni angalasut nakkutigineqarnerat.
• Umiarsuarnut Kalaallit Nunaannut aamma Kalaallit Nunaanniit angalasunut GREENPOS-nalunaarutinik ingerlatitseqqinneq.
• Immikkut kiffartuussissutinut normunut 153-imut 154-imut silassamik immiussineq.
• GSM 112 aqqutigalugu ikiortissarsiortunik ingerlatitseqqinneq.
• Kalaallit Nunaata sineriaa tamakkerlugu aamma Tasiilap eqqaani radiokkut tigooraasunik amerlasuunik nakkutilliineq
• Angalasunik Aasiaat Radioanut attuumassutilinnik nakkutilliineq.

 

Suliassat
Radiokkut kiffartuussisup pingaarnertut suliassai tassaapput:
• Radiokkut tigooraasut amerlasuut tusarnaarnissaat
• Umiarsuit attaveqartut akinissaat
• Radiop oqarasuaataanik paarsineq, tassunga ilanngullugit 112 aamma 130
• Aallakaatitsineq
a) Angalasunut nalunaarutit
b) Isumannaallisaanermi nalunaarutit
c) Ujaasinerit
d) Kiffartuussinermi nalunaarutit
• Qarasaasianik, printerinik aamma allaffimmi atortunik allanik misissuineq
• Allaffimmi suliassanik allanik suliaqarneq.
Malittarisassat aamma najoqqutassat nunani tamalaani atorneqartut pissutigalugit nutserinermi suliassanik suliaqartarnissaq naatsorsuutigineqartariaqarpoq, tuluttut, kalaallisut aamma danskisut oqalussinnaasussaagatta.

 

Immikkoortortaqarfik
Aasiaat Radio suliffeqarfiuvoq ukioq kaajallallugu ulloq unnuarlu sulisoqartussaq.  
Taamaattumik assersuutigalugu juullimi, påskikkuni imaluunniit arnaqquassaarfimmi sulisoqartarpoq. Nuannariinnarlugu oqaatigalugu 365 -24*7. Kalaallit Nunaata sineriaani tamarmi angalasut, tassunga ilanngullugit umiarsuit takornariartaatit aamma nunanit tamalaaneersut tamaasa isumannaatsuutinneqarnissaannik radiokkut sullissineq ulluinnarni isumagisaraarput.  
Matumani oqaatigineqassaaq kiffartuussissutit umiarsuarnit akiliuteqarluni igerlanneqarnerat ukiuni kingullerni ikiliartormata.  
Immikkoortortaqarfik radiolerisunik aamma radiokkut kiffartuussisunik sulisoqarpoq.  

 

Inuttut ilisarnaatitit
Naatsorsuutigaarput allaffimmiutut tunuliaqutaqassasutit, assersuutigalugu TNI HK’itut, taamaalillutit allaffimmi suliassat nalinginnaasut ilisimassallugit. Aamma taamaalillutit  qarasaasiatigut atortut nalinginnaasut ilisimasaqarfigalugit.  
Piumasarineqassaaq radiomut malittarisassat nalinginnaasut ilisimassagitit, tamannalu ima isumaqarpoq radiocertifikateqarlutilluunniit radiomik pikkorissartariaqassagavit, uagut isumagisassatsinnik. Atorfinitsitaanermut atatillugu sungiussiniarnissamut piffissap sivisuup  atorneqarnissaa naatsorsuutigineqartariaqarpoq. Nalinginnaasumik sapaatit akunneri pingasut aamma sisamat akornanni qanimut ilitsersuisulerluni ilinniartitsinermut atortarpavut.

 

Akissarsiat- aamma atorfinitsitaanermi atugassarititat
Naatsorsuutigaarput 1. januar 2020 atorfinitsisoqarsinnaasoq, imaluunniit erseqqinnerusumik isumaqatigiissuteqarnikkut.
Atorfinitsitsineq pissaaq Namminersorlutik Oqartussat aamma SIKp imaluunniit Namminersorlutik Oqartussat aamma Radiotelegrafist foreningen af 1917-ip akornanni isumaqatigiissutit naapertorlugit.

 

Paasissutissat arlaqarnerusut
Atorfik soqutigigukku aammalu paasissutissanik arlaqarnerusunik pissarserusullutit Angallannermut aqutsisup Nanna Sandgreen attaveqarfiginissaanut tikilluaqqusaavutit, oqarasuaammut 38 69 79-imut imaluunniit mailimut: nsa@telepost.gl

 

Soqutiginnippit?
Taava qinnuteqaatit ilinniarsimaninnik aamma siusinnerusukkut suliarisimasannik ilalik, kiisalu soraarummeernermut uppernarsaatip assilinera aamma oqaaseqaatit naleqquttut quppernerup matuma ataaniittoq atorlugu upload’ikkit. 

Ugguuna qinnuteqarit: https://mkjobtelepost.azurewebsites.net/kl-GL/Details.aspx?VID=2019-11-05

Qinnuteqarnissamut killerititaq: 29 november 2019.