Skip to main content
106

Dette jobopslag er udløbet

Taseralik, Sisimiuni Kulturip Illorsua pisortassarsiorpoq 1. august 2019-mi sulilersussamik

Taseralik marsip aallaqqaataani 2008-mi ammarpoq, nutaaliaasunik atortoqarluni tusarnaartitsiviulluni, isiginnaartitsisarfiulluni, saqqummersitsiviulluni ataatsimeersuartarfiullunilu. Café Taseralik uummaarilluartoq Taseralimmit aamma aqunneqarpoq. Ukiumut inuit 25.000 missaat isertinneqartarput kikkunnullu tamanut aaqqissuussaqartarluni. Taseralik suliffeqarfiuvoq nammineq ingerlasoq, erhvervsdrivende fond-itut aaqqissuussaalluni. Siulersuisoqarpoq tallimanik ilaasortalimmik ukiumullu sulisut 12-13-isut naatsorsuussaallutik. Siulersuisunut akisussaaffeqarluni, Taseraliup pisortaata kulturip illorsuata ingerlanneqarnera tamaat ulluinnarni akisussaaffigaa, ilanngullugu akisussaaffigalugu sulisunik atorfinitsitsineq. 2017-imi Taseraliup 8,5 mio. kr.-it kaaviaartippai, taakkunannga 3.492.000,00 kr.-it Qeqqata Kommunianit ingerlatsinermut tapiissutaallutik.

 

Taserallup siunertaa

Aningaasaateqarfiup Taseraliup, Kulturikkut illorsuaq aallaavigalugu, Sisimiuni, Qeqqata Kommunianiittumi, kulturikkut ineriartorneq uummarissarlugulu ineriartortitseqataaffigissavaa, tamatigoortumik, kiffaanngissuseqartumik, qilersorsiman- ngitsumillu nammineerluni nalilersuisarnermigut, matumani kulturimut tunngasut atituumik paasillugit – filmertitsinerit, isiginnaartitsinerit, tusarnaartitsinerit, saqqummersitsinerit, ataatsimiisitsinerit, ataatsimeersuartitsinerit, peqatigiiffiit aaqqissuussineri, tamanut ammasunik matoqqasunillu nalliuttorsiualaartitsinerit assigisaasalu ingerlattarnerisigut. 

Aningaasaateqarfiup Sisimiuni, Qeqqata Kommunianiittumi, eqqumiitsulianut kulturimullu tunngasut avataani ilisimaneqarnerulernissaat sulissutigissavaa, nunanilu issittuni aamma nunani avannarlerni eqqumiitsulioriaatsit kulturikkullu inooriaatsit kommunerujussuarmi innuttaasunik ilisimaneqarnerulernissaat suleqataaffigissallugu, suliassat taaneqareersut aqqutigalugit. 

Akisussaaffiit

Taseralimmi ulluinnarni ingerlatsineq aqutsinerlu.

Taseralimmi pisussanik pilersaarusiorneq, aaqqissuussinernut paasissutissiinermullu ataqatigiissaarisoq peqatigalugu, aamma Taseraliup avataani suleqatai  nunatsinnilu kulturimik suliaqartut allat suleqatigalugit.

Illoqarfimmi suliffeqarfiit innuttaasullu suleqatiginissaat ujartussallugu.

Nunani Avannarlerni nunanilu issittuni kulturikkut ingerlatsinermut attaveqaataaneq.

Sulisunik ineriartortitsineq allaffissornerlu.

Missingersuutit naatsorsuutillu akisussaaffigineri, kiisalu illorsuup nakkutiginera.

Aningaasaateqarfinnut qinnuteqartarnerit assigiinngitsut.

Avammut nittarsaassineq.

Ineriartornermut pilersaarusiorneq, siulersuisut, sulisut Sisimiunilu innuttaasut peqatigalugit.

 

Pisinnaasatit

Ineriartortitsisuuvutit takorluugaqartuullutillu aammalu aqutsinermut allaffissornermullu misilittagaqartuullutit.

Atorfimmut naleqquttumik ilinniagaqarputit.

Allaffissornerup kulturilerinerullu ineriartortup akornanni sulisinnaalluarputit, suliallu ingerlasut aqussinnaalluarlugit.

Suliassanik nutaanik aallartitsisinnaassuseqarputit, suleriallaqqillutit eqaatsumillu pissuseqarlutit tamakkiisumik isiginnissinnaassuseqarlutit.

Suleqatikkuminartuuvutit isumaqatiginninniallaqqissuullutillu.

Kalaallit Nunaanni kulturimik eqqumiitsuliornermillu ilisimasaqarputit aamma isumassarsiullaqqissuuvutit

Nunatsinni eqqumiitsuliornermut kulturikkullu pissutsit ilisimasaqarluarfigaatit attaveqaateqarluarlutillu.

Suliffimmik  uummaarissumik  angusarissaartumillu  takutitsilluarsinnaasumik pisortaasinnaassuseqarputit, sulisut, suleqatit Sisimiunilu innuttaasut  akoorusussutsimik sunneeqataaffigisinnaallugit.

Kalaallisut, qallunaatut tuluttullu allassinnaallutillu oqalussinnaaguit iluaqutaassaaq.

 

Akissarsiat atorfininnermilu isumaqatigiissutit

Qinnuteqartumut qaffasissumik ilinniagaqarsimasumut misilittagaqarluartumulluunniit isumaqatigiinniarnissamut tunngaviusinnaavoq qinnuteqartup kattuffiata Namminersorlutik Oqartussallu isumaqatigiissutai. Immikkut inummut qinnuteqartumut isumaqatigiissusiornissaq kissaataappat tamanna periarfissaavoq ilinniagarisimasat pisinnaasat misilittakkallu aallaavigalugit.

 

Inissaqartitsisoqarsinnaavoq INI A/S-ip malittarisassai tunngavigalugit akilerneqartartussamik. Sisimiunut nuunnermi pisattat nassiunneri akilerneqarsinnaapput.

 

Atorfimmut ivertinneqarfissaq 1. august 2019, isumaqatigiinnerluunniit naapertorlugu

Qinnuteqaat ilinniagarisimasanut uppernarsaatinik, suliarisarsimasat allattorsimaffiat paasissutissallu  allat ilanngullugit Taseralimmut nassiunneqareersimassapput kingusinnerpaamik 15. juni 2019. Atorfik pillugu sukumiinerusumik paasisaqarusukkuit pisortaq Arnajaraq Støvlbæk attavigineqarsinnaavoq tlf. 86 28 01, as@taseralik.gl.

Qinnuteqaat uunga nassiunneqassaaq:

Taseralik
Att. Pisortaq Arnajaraq Støvlbæk
Postbox 3083
3911 Sisimiut
E-mail: as@taseralik.gl