Skip to main content
89

Dette jobopslag er udløbet

Suliniummut aqutsisoq /centeri aqutsisoq Nuummi Steno Diabetes Centerimut

 

Kalaallit Nunaanni sukkornermut inuuniarnermiluunniit nappaatinut tunngatillugu ilisimatusarnermut – ineriartortitsinermut nakorsaanermullu centerissamut nutaamut aallartitseqataarusuppit ingerlatseqataarusullutillu? Centerimi nuna tamakkerlugu innuttaasunut tamanut iluaqutaasussamik sukkornerup inuuniarnermilu nappaatinut nakorsaaneq pitsanngorsarneqassaaq. Soqutiginnikkuit illiuvoq Kalaallit Nunaanni Peqqinnissaqarfiup suliniummut aqutsisutut/Centerimi aqutsisutut Kalaallit Nunaanni Steno Diabetes Centerissamut pilersaarusiorneqartumut (SDCG) ujartugaat.

 

SDCG-p suliarineqarnerani pilersaarusiorneq ingerlanneqarpoq. Centeri pillugu takorluugaq 2018-imi novembarimi Naalakkersuisunit Novo Nordisk Fondenimilu siulersuisunit akuerineqarpoq. Itisilerlugu pilersaarusiaq atuutsitsilernissamut pilersaarutitalik maanna suliarineqarpoq. Naatsorsuutigineqarpoq Centeri 2020-p qeqqata missaani atuutsinneqalissasoq, taamaattoqassappalli pilersaarusiaq Naalakkersuisunit Novo Nordisk Fondenimiillu 2020-p upernaanerani akuerineqartariaqarpoq.

 

Suliniummi aqutsisutut / Centerimi aqutsisutut atorfik maanna saqqummiunneqarpoq qulakkeerniarlugu centeri pillugu piareersaatitut suliat malillugit ingerlaavartumillu pilersaarutaasut malillugit pilersitsinissaq pitsaanerpaasoq qulakkeerniarlugu. Suliniummi aqutsisutut suliat piareersarnermut attuumassuteqartut peqataaffigissavatit pilersaarusiaasullu akuerineqariarpata centerimi aqutsisutut ingerlaqqissinnaassallutit.

 

Centeri Peqqinnissaqarfimmiut allat peqatigalugit ingerlanneqassaaq ineriartortinneqassallunilu tassanilu aamma sumiiffiit aallaaviginagit nuna tamakkerlugu innuttaasut neqerooruteqarfigineqassapput. Centerip anguniagaani pingaarnerpaaq tassaavoq telemedicinip attaveqarniarnerullu iluani pitsanngorsaaneq.

 

Suliniummik aqutsisoq ineriartortitsinermi peqataassaaq aammalu suliniutip allattoqarfia peqatigalugu pilersaarusiamut peqataassalluni, suliassaqarfiit ataatsimiinnissallu attuumassusillit ilanngullugit peqataaffigineqassapput. Suliniummik aqutsisoq Peqqinnisaqarfimmi aqutsisunut saaffiginnittassaaq.

 

Centerip pilersaarusiorneqarnerani SDCG-mut siulersuisunik pilersitsisoqassaaq, taakkualu iliuusissanik pilersitsisuussapput centerillu aningaasaqarniarneranut akisussaasuussallutik. Centerip aqutsisua tunngaviusumik centerip pilersinneqariartuaarneranut suliaqassaaq kiisalu centeri ammariarpat suliassat iluanni ingerlatsillunilu ineriartortitsissalluni. Centerimi aqutsisoq ulluinnarni Peqqinnissaqarfimmi aqutsisunut saaffiginnittassaaq centerimili iliuusissatut pilersaarutit missingersuutillu pillugit apeqqutissaqartoqartillugu SDCG-p siulersuisui saaffigineqartassallutik.

 

Centeri Nuummi inissisimassaaq. Centerip inissisimaffissaata inissinnissaata tungaanut centerimi aqutsisut Nuummi utaqqiisaasumik inissinneqassallutik-

 

Kalaallit Nunaanni Steno Diabetes Centeri pillugu takorluukkat uani (LINK) takuneqarsinnaapput https://steno.dk/centre/steno-diabetes-center-groenland/

 

Suliassatit

  • Pilersaarutit malillugit centeri suliarisassallu tunaartalerneqassapput
  • Centerimi aaqqissuussaaneq aallartisarlugulu inississorneqassaaq tassanilu ilisimasaqassuseq, ilinniarsimassuseq, ineriartorneq, pitsaassuseq ilisimatusarnerlu isiginiarneqassallutik
  • Suleqatissat sulisussallu aallussinissaat peqataatinneqarnissaallu qulakkeerneqassaaq aammalu suliffeqarfiup avataani iluanilu attaveqariaaseq pitsaasumik inissinneqassalluni
  • Kalaallit Nunaanni Steno Diabetes Centerip pilersikkiartuaarneqarnissaanut pilersaarusiornermut peqataaneq
  • Suliassaqarfiit assigiinngitsut iluini suleqatigiinneq
  • Peqqinnissaqarfimmi aqutsisut allat, soorlu peqqinnissaqarfinni aqutsisut, immikkoortortaqarfinni aqutsisut kiisalu Peqqinnissaqarfimmi aqutsisut qanimut toqqissisimanartumillu suleqatiginissaasa qulakkeerneqarnera

 

Kinaavit?

Ineriartorneq periarfissallu takusinnaavatit suliniutinillu ingerlatsisinnaallutit. Pingaaruteqarpoq ammasuunissat, qiimasuunissat aallussilluartuunissallu. Aqutsisutut misilittagaqassaatit suliassaqarfiillu akimorlugit suleqatiginnissinnaassaatit naammassissaqarsinnaassallutillu. Sulianut killiliussat malissinnaasariaqarpatit taamaattumik suliassani tulleriaarisinnaasariaqarputit aaqqissuussamillu suliaqarsinnaasariaqarlutit aammalu sumiiffiit, suliassaqarfiit politikkitigullu killigititaasut akimorlugit attaveqarsinnaassallutit. Akisussaaffimmik tigusisinnaasariaqarputit inissiisinnaasariaqarputillu qulakkeertariaqarpalli malinnaatitsinissat.

Sukkornerup, KOL-ip, aallu naqitsineratigut qaffattooqqasartut pillugit ilisimasaqartariaqarputit, nakorsiartarfimmi ilisimatusarnikkullu misilittagaqarneq iluaqutaasinnaavoq.

Inuttut pingaartipparput qeratavallaartuunallu qiimasuusutit, aallussisunik suleqateqarusussasutit aammalu suliffik ataatsimoorfiusoq isumasioqatigiiffiusorlu suliffigerusussagit.

Kalaallit Nunaannut ilisimannittoq paasinnissinnaassuseqartorlu tigorusunneruarput.

 

Atorfik inuttalerneqassaaq 01.01.20 isumaqatiginninnikkulluunniit.

 

Atugassarititaasut

Akissaatit atorfininnermullu attuumassuteqartut isumaqatigiissutit atuuttut malillugit inissinneqassapput.

 

Sukumiinerusumik paasisaqarusukkuit saaffissaq

Aqutsisoqarfimmi pisortaq, Malene M. Nielsen, mailimut: mamn@peqqik.gl, Oqarasuaammulluunniit: +299 48 35 01

 

Qinnuteqarfissaq kingulleq

Qinnuteqarfissaq kingulleq ataasinngorneq ulloq 11 november 2019

 

Naatsorsuutigineqarpoq atorfininnissamut oqaloqatiginninnerit ingerlanneqassasut.

Qinnuteqartup naatsorsuutigissavaa inuttut kinaassutsimut misilitsissutit ingerlanneqarumaartut, qinnuteqartorlu isumaqatigiissuteqarfigeriarlugu qinnuteqartoq pillugu paasissutissanik saaffiginnissuteqartoqarumaarluni.