Skip to main content
78

Dette jobopslag er udløbet

Nutserisoq

Tusagassiivik Sermitsiaq.AG nutserisumik piffissaq tamakkerlugu atuuttussamik piaartumillu sulilersussamik pissarsiorpoq. 

 

Tusagassiivimmi ingerlalluartumi nutserisutut, assigiinngitsorpassuarnik suliassaqarfiusumi sulinissat pilerinartikkukku taava atuarnerit ingerlatiinnaruk.  

  

• Nutserisutut ilinniarsimavutit pingaarnerusumillu allaaserisanik naqinneqartartunik, ilaatigut Sermitsiamut aamma AG-mut nutserisassallutit.  

• Qallunaatuumit kalaallisuumut aamma kalaallisuumit qallunaatuumut nutserisinnaavutit 

• Assigiinngitsunik suliaqarsinnaavutit ulapiffiusunilu sulisinnaallutit 

 

Immaqa tusagassiornermik suliamilluunniit assingusumit allamit misilittagaqarputit, tamannali piumasaqaataanngilaq. Tusagassiivik tamakkiisumik sulisunik pingasunik ullutsinni nutserisoqarpoq. Suliassanut immikkut ittunut nutserisunik avataaneersunik aamma atuisoqartarpoq. Aviisiliortut ilaasa allaaserisatik namminneerlutik nutsertarpaat. 

 

Tusagassiivik Sermitsiaq.AG tusagassiuutinik arlalinnik saqqummersitsisarpoq, taakkununnga ilaallutik aviisit nuna tamakkerlugu saqqummersartut Sermitsiaq aamma AG, nittartagaq Sermitsiaq.AG, Nuuk Ugeavis, Arnanut aamma Suluk.

 

Illoqarfik suliffigisassaq: Nuuk

 

Akissarsianut tunngasut:
Nunatsinni isumaqatigiissutit atuuttut.

Suliffik pillugu annerusumik paasisaqarusukkuit saaffigikkit pisortaaneq Christian Schultz-Lorentzen (oqarasuaammut 38 39 57-imut, christian@sermitsiaq.gl -imut) imaluunniit nutserisut qullersaannut Gâbánguak' Johansenimut (oqarasuaammut 38 39 66-imut, gaba@sermitsiaq.gl-imut.

 

Qinnuteqaat uunga nassiunneqassaaq:
Pisortaq Christian Schultz-Lorentzen
christian@sermitsiaq.gl