Skip to main content
73

Dette jobopslag er udløbet

Nunatsinni tusagassiortutut atorfik pitsaanerpaaq

Nutaarsiassanik erseqqissunik allattarusuppit taamaalillutillu inuiaqatigiinni oqallisigineqartussanik pilersitseqataallutit? Pissaanermik tigumiaqartunut isornartunik apersuinissaq pimoorukkusuppiuk inuillu nalinginnaasut ernummatigisaat ilungersunartorsiutigisaallu tusarnaarusullugit? Taava tassaavutit suleqatissatut ujagarput.

 

Nittartakkamut aaqqissuisoqarfimmi nutaarsiassarpassuit angisuut mikisullu suliarisarpavut, soorlumi aamma oqaluttuat naleqquttut sammisarivut.

 

Nutaarsiassat kingulliit siulliulluta saqqummiunnissaat pingaartitaraarput. Inuiaqatigiinnik nakkutiginnittuuvugut, nersortariaqartunilli aamma nersualaarinnittarluta. Innuttaasunut paasissutissiinissarput inuinnaallu naalakkersueqataanerisa tapersersornissaat ataqqinaatigaavut.

 

Nuummi aaqqissuisoqarfimmi suleqataassaatit, neqeroorutigaarpullu suliffeqarfik pimoorussiffiusoq, soqutiginartoq kiffaanngissuseqarfiusorlu. Tusagassiivimmi aaqqissuisoqarfiuvugut anginngitsoq, pitsaasunik suleqatissaqarfiusumi.      

 

Neqeroorutigaavut:

  • Nunami maani nutaarsiassanik aaqqissuisoqarfik uummaarinnerpaaq. 
  • Suleqatit innuttaasunut iluaqutaasumik suleqatigiinnermikkut nutaarsiassaqartitsisartut.
  • Akissarsiat sulinermilu atugassarititaasut pitsaasut.
  • Initussuseq aamma quiasaarsinnaaneq.

 

Naatsorsuutigaarput, illit:

  • Kalaallisut qallunaatullu nutaarsiassanik pineqartunik allassinnaassasutit.  
  • Ulapporissuusutit isumassarsiullaqqissuullutillu.
  • Inuiaqatigiit ineriartortitaanerannut inuiaqatigiinnilu oqallinnernut soqutigisaqartuusutit.  
  • Nalunaaqutaq 07.00-ip 18.00-illu akornanni aamma sapaatip akunnerisa naanerini ilaanneeriarlutit sulisinnaasutit. 

 

Akissarsiat atorfeqarnermilu atugassarititaasut Dansk Journalistforbundip aamma Mediehuset Sermitsiaq.AG-p isumaqatigiissutaat atuuttut naapertorlugit atorfinitsinneqassaatit.

 

www.Sermitsiaq.AG Tusagassiiviup Sermitsiaq.AG-p ilagaa, tassanngaanniit aamma aviisit nuna tamakkerlugu saqqummersartut Sermitsiaq aamma Atuagagdliutit/Grønlandsposten saqqummersinneqartarput. 

Taakku saniatigut atuagassiat arlallit saqqummersinneqartarput, ilaatigut Suluk aamma Arnanut kiisalu Nuuk Ugeavis.

 

Qinnuteqaat nittartakkami aaqqissuisumut Merete Lindstrømimut uunga nassiunneqassaaq  merete@sermitsiaq.ag

Qinnuteqarfissaq kingulleq tassaavoq ataasinngorneq marsip arfineq-pingajuat. Oqaloqatigiinnernut ataavartumik aggersaasassaagut.

Apriilip aallaqqaataanni imaluunniit isumaqatigiissuteqarnikkut sulineq aallartissaaq. Marluinnik oqaaseqarnissat piumasaqaataavoq.

Paasissutissat amerlanerusut uannga pissarsiarineqarsinnaapput Merete Lindstrøm oqarasuaat 28 18 20.