Skip to main content
85

Dette jobopslag er udløbet

Teknisk chef (mistali)

Arctic Fish Greenland A/S misilittagalimmik pikkorissumillu mistalissarsiorpoq

Ingerlatseqatigiiffiup tunitsiviini pingasuni, Nutaarmiuni, Nuussuarmi Kullorsuarmilu inissisimasuni, atorfimmut soqutiginarluni, unammillernarlunilu namminersorfiusussamut assigiinngitsunik piginnaasalimmik mistalissarsiorpugut. Teknikkikkut atortut, maskiinat, illuutit, atortut assakaasullit il.il. qanoq ilinikkulluunniit pitsaanerpaamik isumannaatsumillu ingerlanneqarnissaat akisussaaffigissavat. Atorfik namminersorfiungaatsiarmat teknikkikkut piginnaasaqarluarlutillu inuttut qajannaatsuunissat pingaaruteqarpoq.

Tunitsivimmi Nutaarmiuniittumi aqutsisoq qullersaralugulu ingerlatseqatigiiffiup (Royal Greenland) Upernavimmi teknikkeqarnermut immikkoortortaanut kiisalu Arctic Fish Greenlandimi pisortamut attaveqangaatsiassaatit.

Nutaarmiuni najugaqassaatit.

Ukiup ingerlanerani ullut angalaffiusut 180-it ingerlatsiviup sumiiffimmi tunitsiviinut allanukarlutit atortarsinnaavatit.

Suliassatit pingaarit ukuupput:

  • Tunisassiorfimmi teknikkikkut atortut atorsinnaanissaat kiisalu aserfallatsaalinissaannut aningaasat immikkoortitat naapertorlugit ingerlannissaat.
  • Pilersuisunut attaveqarnermi akisussaaqataaneq
  • HACCP-imut suliffimmilu avatangiisinut aamma immikkoortortami tunisassiorfimmilu isumannaallisaanermut akisussaasoq
  • Tunisassiorfiup maskiinaanik ulluinnarni aserfallatsaaliineq
  • Montørit takkunniissaannut pilersaarusiorlunilu malittareqqiineq
  • Ingerlatsinerup unittoornerani aserfallatsaaliineq pillugu pilersaarusiorneq
  • Teknikkimut tunngasunik missingersuutit naapertorlugit pisiortorneq
  • Tunisassiassanik suliareriaannarnik pitsaanerpaamik atorluaanissaq
  • Sulinerup ingerlaneranik pitsanngorsaallunilu ineriartortitsineq
  • Teknikkikkut atortunik aserfallatsaaliineq taamatuttaarlu aqutsisoqatigiit tunisassiorfiullu ingerlatsisua peqatigalugit tunitsivimmik ineriartortitsineq
  • Ingerlatseqatigiiffimmik RG-mik suleqateqarneq
  • HACCP-imik malittareqqiineq ineriartortitsinerlu
  • Suliffimmi avatangiisit isumannaallisaanerlu pillugit malittareqqiineq
  • Pisiortortartut takuniaanissaat misissuiartornissaallu piareersarlugillu peqataaffigineri
  • Aningaasaliinissamut qinnuteqaatiliorlunilu malittareqqiineq
  • Suliassaagallartunik assigiinngitsunik suliarinninneq

Illit kinaassutsit:

  • Mistalitut imaluunniit teknikkeqarnermut tunngasumik ilinniarsimasuussaatit
  • Teknikkeqqarnermut tunngasunik misilittagaqarluassaatit, ingammik inuussutissalerinermi
  • Ammoniakki atorlugu qerinasuartitsiviit pillugit ilisimasaqarluassaatit
  • KPI pillugit suliaqarnermik misilittagaqassaatit, matumani anguniagassat suussanersut aalajangerlugillu anguneqarnissaat malittareqqiiffiginissaallu qulakkeertassavatit
  • Nammineersinnaavutit, aalajaatsuuvutit peqqissaartuullutillu
  • Piginnaallutillu suleqatikkuminarputit
  • Paasiniaaqqissaaqqaarlutit, aaqqissuussamik tamakkiisumillu isiginnillutit sulisarputit
  • Paasissutissat misilittakkallu naapertorlugit aalajangiisarputit
  • Nammineq suliffeqarfillu sinnerlugu anguniagaqartuuvutit
  • Kalaallisut danskisullu oqalussinnaallutillu allasinnaaguit pitsaassaaq, taamatuttaaq tuluttut, tamannali piumasaqaataanngilaq

Neqeroorutigaagut

  • Suliat soqutiginarlutillu unammillernartut, suleqatit pikkorissut aamma inuttut suliatigullu ineriartorneq.
  • Upernaviup pigisaani, isorartuumi pinngortitamilu kusanarluinnartumi sunngiffimmi sammisassarpassuaqarpoq.
  • Akissarsiat atorfininnermilu atugassarititaasut piukkunnaatinnut tulluartut.Malittarisassat atuuttut tunngavigalugit pisattavit nassiunneqarneri atorfininninnilu inoqutigiit angalanerat akilerneqassapput.
  • Sulisut inissiaannik naleqquttumik innersuussisoqarsinnaavoq. Kalaallit Nunaanni sulisunut inissiat pillugit malittarisassat naapertorlugit inigisamut akiliutigineqartartoq il.il. akilerneqartassapput.

Atorfik pillugu paasisaqarnerorusukkuit Arctic Fish Greenlandimi pisortaq Frederik Olsen oqarasuaammut +299 96 83 22-mut, oqarasuaammut angallattakkut +299 53 23 99-imut, mailimut: frol@royalgreenland.com-imut sianerlutit allallutilluunniit saaffigisinnaavat, imaluunniit Søren Olsen Damgaard, oqarasuaat angallattagaq +299 54 75 87, mail: sold@royalgreenland.com

Qinnuteqarfissaq kingulleq 26. august 2020. Tusarfiginissat qilanaaraarput.

Atorfik pillugu paasisaqarnerorusukkuit uunga attaveqarnissannut tikilluaqqusaavutit:

Frederik Olsen
Direktør, Arctic Fish
+299 96 83 22
+299 53 23 99
frol@royalgreenland.com

 

Ulloq qinnuteqarfissaq kingulleq
26. augustusi 2020

 

Qinnuteqaat nassiuguk