Royal Greenland A/S Maniitsoq pikkorissumik aalajaatsumillu, ajornanngippat siornatigut suliffimmik assingusumik misilittagaqareersumik, piaartumik atorfinittussamik Nerisarfimmi Errorsisarfimmilu aqutsisussarsiorpoq.

 

Ulapaarfimmi sulisut paarlattarlutik sulisartut 140-t missaanniittut, ulapaarfiunngitsumilu 100-t missaanniittut nerisarfimmit nerisassiuunneqartarput, taamaammat piffissani nikerartuni sulisarnissaq aamma naatsorsuutigineqartariaqarpoq.  Pisuni ataasiakkaani sapaatip-akunnerata naanerani aamma sulisoqarsinnaassaaq.

 

Nerisarfimmi aqutsisutut uku piginnaasarissagitit naatsorsuutigaarput:

•                    Igaffeqarnermi ilinniarsimasuuguit pitsaassaaq, suliffimmili assingusumi siornatigut misilittagaqaruit piumasaqaataanngilaq

•                    Nerisarfimmi, eqqiaasuni errorsisarfimmilu aqutsisinnaassaatit

•                    Piffissaq eqqorlugu takkussinnaassaatit

•         Piffissami ilaatigut ulapaarfiusinnaasumi sulisinnaassaatit

•                    Namminersorlutit sulisinnaallutillu isumassarsiorsinnaassaatit

•                    Sullissilluarsinnaallutillu qiimasuuvutit

•                    Nerisarfimmi uninngasuutinik qaammatit tamaasa kisitsisinnaassaatit

•                    Allanngorartunik nerisassiorsinnaassaatit, aamma nerisassiassanik nunatsinneersunik

•                    Igaffimmi eqqiluisaarluinnartuussaatit

•                    Qerisut nerisassiassallu allat aningaasartuutissanut missingesuutit sippornagit inniminnersinnaallugillu pilersaarusiorsinnaassaatit

•                    Atuisunut suleqatinullu attaveqarluarsinnaassaatit

•                    Nerisarfinni suleqatigiinnut ilanngukkusukkuit tusarfiginissat qilanaaraarput.

 

Naatsumik imminut oqaluttuaralutit qinnuteqaammik nassiussinissannut tikilluaqqusaavutit, imaluunniit tunisassiorfimmut ornilluta qinnuteqaammik tunniussisinnaavutit kingusinnerpaamik 2021-mi februaarip 26-ani.

 

Qinnuteqaat tuugassaq ataaniittoq nittartakkatsinnullu ingerlatitseqqiisartoq toorlugu qinnuteqaat nassiuguk.

 

 

Ulloq allartiffissaq aprili allaqqaataani.

Atorfimmut atatillugu sulisut inissiaannik innersuussisoqarsinnaavoq.

 

Tunisassiorfimmi ingerlatsisoq Susanne Marie Olsen sumk@royalgreenland.com-imut tlf +299 862045-mulluunniit saafiginnissaatit.