Skip to main content
112

Sulisoqarnermi ilinniartitaanermut siunnersorti

Royal Greenland A/S pikkorissumik tunniusimasumillu sulisoqarnermi ilinniartitaanermut siunnersortissarsiorpoq
Suliffeqarfissuarmi immikkoortortani assigiinngitsuni sulisunik ilinniartitsinermik ineriartortitsinermillu suliaqarneq suleqatitaatit peqatigalugit akisussaaffigissavat. Tamatumunnga Royal Greenland Academy aqqutigalugu suliniuteqarnerit ilaapput.

Sulisoqarnermi immikkoortortaq siammasissumik suliaqarfiuvoq, suliassallu assigiinngiiaarlutillu pissanganarluinnartuupput. Suliffeqarfissuaq, tassanilu sulisut tapersersorneqarlutillu ineriartortinneqarnissaat pillugu suliniuteqarneq sulisoqarnermi immikkoortortap aammattaaq aallarnisaavigisarpaa. Sulisoqarnermik immikkoortortaq nunatsinniittoq akunnermusialinnik atorfilinnillu inuttassarsiuussinermik, sulisoqarnermik immikkoortortami allaffissornermik, suliffeqarfissuup najugaataanik, inatsisilerinermik il.il. suliaqarfiusussaq maannamiit arfineq-pingasunik sulisoqassaaq, sullivimmi avatangiisinut, ilinniartitaanermut ineriartortitsinermullu immikkoortortaq aammattaaq maannamiit pingasunik siunnersorteqassaaq.

Sulisoqarnermi ilinniartitaanermut siunnersortitut atorfittaanni makkua ilaatigut suliassarissavatit:

  • Nunatsinni nunanilu tamalaani ilinniartunik sullissineq aamma suliffimmik misiliinermik ilinniarnermillu ingerlatsinermik aaqqissuussineq
  • Suliffeqarfiup ilinniartunut soqutiginartuunissaanik suliniuteqarneq
  • Suliffeqarfimmut naleqquttunik ilinniartussarsiorneq
  • Ilinniartut ilinniakkaminnik ingerlatsiinnarnissaannik qulakkeerinninneq
  • Najoqqutassianik, assersuutigalugu ilinniartitseriutsinik suliffeqarfimmi atugassanik pilersitseqataanissaq
  • Ilinniagarnermi nittarsaassinernut, Qaqisamut il.il. peqataasarnissaq.
  • Royal Greenlandimi piginnaasanik ineriartortitseqqiinerni allani peqataasarnissaq

Tunuliaquttat:

Inuttut:

  • Nunatsinni ilinniartitaanermut tunngasunik misilittagaqarlutillu atorfimmut naapertuuttumik ilinniagaqarputit
  • Suleqateqallaqqilluinnartuuvutit
  • Nunatsinni piorsarsimassusermik inuiaqatigiinnillu sungiusimannittuuvutit, kalaallisut danskisullu oqalussinnaallutillu allassinnaavutit
  • Tuluttut oqalussinnaallutillu allassinnaaguit iluarineqassaaq
  • Qiimasuuvutit, inussiarnersuuvutit, isummersuisuuvutit, pisussaassutsinnik ilaginnaajumanngitsuullutillu sullarissuuvutit

Royal Greenlandimi makkua neqeroorutigaavut:

  • Atorfik suli ineriartinneqarlunilu pissanganarluinnartoq
  • Atorfik suliffeqarfissuarmi nunani tamalaani immikkoortortalimmi ineriartortitsinermik aallussaqarfiusumi suliatigut inuttullu ineriartorfiusinnaasoq
  • Akissarsiat pitsaasut piginnaasannullu naapertuuttut
  • Suleqaterpassuit pikkorissut qiimasullu

● Qinnuteqartumut toqqakkamut atorfik angusaqarluarfiusinnaasoq

Sulinermi illorisimaarneq suliffeqarfimmi ukkataralugu anguniagaraarput.

Atorfik pillugu paasisaqarnerorusukkuit sulisoqarnermi ingerlatsisoq Christian Laursen oqarasuaatikkut +299 48 44 75/36 13 63-imut sianerfigalugu, imaluunniit mailikkut chla@royalgreenland.com-imut allaffigalugu saaffigissallugu tikilluaqqusaavutit

Qinnuteqarfissaq kingulleq 2019-imi oktobarip 22-anut ullulerneqarpoq.

Tusarfiginissat qilanaaraarput.

 

Atorfik pillugu paasisaqarnerorusukkuit uunga attaveqarnissannut tikilluaqqusaavutit:
Christian Laursen
HR-chef Grønland
+299 361363
+299 484475
chla@royalgreenland.com

 

Ulloq qinnuteqarfissaq kingulleq
22. oktoberi 2019

 

Qinnuteqaat